انصفت نفسي بنفسي في كبار الخطوب و صديت عن زلة الجهال و ظنونها مانيب ملزوم اصامد كل وجه ٍشحوب بعض الوجيه اترك الغاوين يقرونها تصدمك الايام في معرب نسب و مْحسوب اذا حسبته ورى الهقوه وهو دونها .

لو ان الادمي ما هو على فقد النعم مأجور يجوز ان ثقب الابرة يعتبر صوره من آفاقي .

- عُمتم مساءً يا رفــاق :)

- السوشل ميديا والترندات ، كأن كل واحد فيهم يقول انا م استحي والثاني يجاريه وهكذا .. يالله لا تجعل الدنيا اكبر همنا :)

الوكاد اني سريت العمّر و اعلنت إرتحالي و استرحت بـ غربتي عن كل دربٍ كنت اهيمه .

رايح الريح روفي بالغريب الشقاوي ريحك ان مرّت اوراق الطموح تْخبصها والله إنّي من الصادوف شابع و راوي والتجارب دروسٍ ما تخلص حصصها خايف اكمّل الطرقه واطيح متساوي وخايف ارجع واضيّع فرصتي ما اقتنصها حايرٍ كنّي الـ "تكفى" بفم الحياوي لا غدت حاجته مع شلقةٍ ما بخصها .

ذنبك أنك عميق بينما الكل يطفو على السطح، عميق بينما الكل ينظر للأمور نظرة سطحية عابرة وأنت تذوب بالتفاصيل .. - دوستويفسكي .

يوجع اني في سبيل رضاك سوّيت الهوايل و انت مستكثر علي آسف و مستكبر عليها . - سعود مهدي .

قبل اكتشاف الطب النفسي: الناس كانت تجرّ اصواتها بـ اكثر الاوقات عشوائية وبأعلى ما لديهم/ أنصح بتجربة .. على سبيل المثال "طنّب بالصياح"

"يوجد ألف سبب واضح وصريح يدعوك للمغادرة، لكنك في كل مره تختار المكوث فقط لأن للآن لديك "أمل صغير" بـ ان الديار ما زالت ديارك: على امل كنت انتظرها .. وهالحين على امل لكن ماعاد انتظرها .

على إنه عندي لـ كرهك كثير اسباب مدري ليه تخيّرت اني احبك ولا ادري وش هي اسبابي .

ما جادك الغيث يا عمرٍ ولاه الجفاف شبّ الدهر فيه لين احفا اليباس طرفه طاف الزمن لين وصّلنا ختام المطاف ما كن ذا الدرب يعرفنا و لا نعرفه القلب غصنٍ بعد سبع السنين العجاف اجتثّه السيل من وادي الهوى وجرفه .

يكفيني اني حافظك عن هل التخمِين ولا اسولف بـ عرضك معى كل متكلم عيّت شيمتي لا اواكب العالم التالين وعيّت غيرتي لا اشرح ولا انشر ولا اعلم .

بتفدقني ليا عمّ الآمان و كثرو السالين و تلقاني ليا صحّ الصحيح و كبرت القاله .