لاتقولون بالضيقه خل صدرك شمالي صدرونا بالهجر ضاقت من حسدكم .

صبيت لك كل المشاعر ولا فاد الا اني املي في سوادك بياضي خذيت مني كل ما املك ولا عاد باقي لي.. الا عمري الافتراضي

تبقى هي الاخلاق للرجل عنوان وحسن التعامل يجذب الناس تبعه والصدق اساس المرجله وين ماكان والكذب ما ينحب من كان طبعه

أكتفيت من المجامل والنفاق والقصيد أصبح مسبب لي زهق ٰ أحتملت أشياء لا يمكن تطاق وحظي اليا جيت لـه عانـي فهق

شيب عيني حيّ عاما ياليته لي يعود و ادري اني لو تمنيت مالله بعايده وياوجودي و اتوجد وكن فالكبد عود و اشرب الماء من وجعها ولابه فايده

مالقيت اللي يقول ابشر بعزك . وما لقيت انسان يوفي في كلامه صد ياقلبي عن اللي ما يعزك ومن رحل قله عسى درب السلامه

قل للسوافي لوتهب العواصيف عنها رقينا عاليات النوايف ... ٰ تسفى وحنا فوق روس المشاريف في راس نايف والخلايف خلايف .

ام العيون السود والرمش فتان اللي رمتني بسهامها يا حلاها غمازيتين الخد والخد مليان وطول الشعر لا طاح كله وراها

الخمر ماهوب خمر اهل اللهو والضلال الخمر فـ عيونك الي في هدبها خمول لا سلهمت وارخت الرمشين غي ودلال هي والله المسكرات ومذهبات العقول

ماهو عشان العيد بكتب لك أحساس قلبي معك.. في كل لحظه معيّد لكن عشانك غير.. وأحتاجك أنفاس أنا معيّد معك.. من قبل اعيّد كل عام وانت الغير.. ياسيّد الناس وكل عام وانت بقلب شاعرْك سيّد

لاعاد تشكي علي من جرحك الدامي واحلامك اللي عجاج الوقت دافنها َ شفني لازلت ابتسم واجدد احلامي مع انها ماتحقق واحد منها

الشوق مايرحم ولافيه حيله لا جاك مايقبل تصاريف واعذار لاجاك حملك الحمول الثقيله حتى لو انك جامد القلب تنهار

أخطيت في حقي ولا زلت غالي شفني على كبر الخطأ ما كرهتك خليتك لنفسك وسود الليالي أقدر على جرحك لكن ما جرحتك

لا خذاك أنسان غيري ... للرحيل و أنت ترخص شخص حبك من زمان لا ترد لو كانت دموعك .... تسيل من يروح عني ... ترى ما له مكان

لا تلومني .. لا هز ّ جرحك ثباتي هذا الزمن قسـّم علي ّ المخاسير خسرت وأكثر ما خسرت بحياتي اني أشوف اللي أحبه مع الغـير

لو تعدّيتك يرجّعنيَ لـ دربك حنين ولو تناسيتك ترى ذكرياتك ما سهت أصعب أنواع العلاقة نكون معلقين لا رجعنا مثل أول ولا هي انتهت

فمان الله يالمغرب وانا مارحت منك اعياف لكن العمر يلزمني و حكي الناس يجبرني من العشرين ل ستين مامرت سنين اعجاف قضيت احلى سنيني فيك ماشيٍ يضايقني #مساء_الخير

بقى له معي صوره عن البال ماتنزاح حفظها غلاه اللي جرى مع شراييني لحد ينشد عيوني من الدمع لا من طاح عليه الدموع الذارفه ماتماليني .

نمشي على حكم الزمن غصب عنا ونقول , يا قلب العنا الف لا بأس حتى ولو بالقلب سهم طعنا نضحك ونخفي كل جرح عن الناس

يفوح من قلبي شذا لهفة الشـوق وتطغا على صدر الحنين الروايح ذكراك تحضني وصورتك بالموق مع كل رمشه بـرق وجنتك لايـح