المـراجل وهبه من الله الحي القديـر ولا كسبها غير رجـلٍ على الدنيا صبـر اللي ماجاب المراجل وهو توه صغيـر لا يــدور للـمــراجـل لـيـا مـنـه كـبـر محمد بن سراج

مانبي من زمان الـهم كثر الدروس الفقـر حد راع الطيب يمشي جـلد ليـت صـرافـتي مليـانــةٍ بالفلـوس كـان مـابـه فقيـرٍ جــالـسٍ فـالبـلـد محمد بن سراج

تجمل مدام العمر ماينعرف. تاليه وحرّص على. نيتك والنيه النيه يموت البخيل ولا حدً جايبً طاريه ويموت الكريم وسيرته باقيً حيه محمد بن سراج

الايام ….دواره ….ولا ينفع ….التقصير ومعروف بعد البرد ياتيك شمس وحر ليا من فعلت الخير ياتيك مثله خير وليا من فعلت الشر ياتيك مثله شر محمد بن سراج

في زماني يارفيقي ماني ابمتخير الزمن يمشي بنا ونقول هاذي خيره من بعد شفت الكبير ايعيش كنه اصغير كني اشوف الزمن من جرف في دحديره محمد بن سراج

خسرت الاصحاب بسباب الكلام الصريح اثر الصراحه تغيض الناس وتنبها مشكلتي اني ماقول الا الكلام الصحيح وأسواق الاجحاف مااهبطها ولا اطبها محمد بن سراج

الكرامه راس مالك وهي شوف العيون من تنازل عن كرامته ….. يفقد الاحترام انتبه تقبل تجي خلف احد مهما يكون خلك الاولى وفي مسجدك خلف الايمام محمد بن سراج

هو هاذا اللي يستحق انك تقول له حي عينه راعي ابشر واحتزم في حرب ولا في سلامي فعل ابوي اللي عسى ربي يطول في سنينه جاعلن لي بين خلق الله مكانه واحترامي محمد بن سراج

الـوقـت يـمـشـي بالاوادم فـيه شـر وفـيه خيـر ومدري متى بالقى الطريق اللي يحقق مقصدي تـمشي عقارب سـاعتي والله وعلم وش يصيـر امــا عــلى حــــظٍ كــفــو ولا عــلى حــــظٍ ردي محمد بن سراج

ضاع المثل واختلف باسباب زود الكلام والناس تنطق بقول الناس و تتابعه الوقت كالسيل خل السيف يبقى حسام السيف يقطعك لكن مانته بقاطعه محمد بن سراج

يارفيقي كل ماتخطي تقول لي اسف كثرت اغلاطك وعذرك ماهو بيعنيني ادري انك حزام لاكنك حزامً ناسف كل ماجيت اقربك خايف تفجر فيني محمد بن سراج

#حملة_ولي_العهد_للتبرع_بالدم ولي عهد البلد … ترثت ملوك ازعماء وانا اشهد ان الله اللي ميزك والهمك كم حاكمً صار من شعبه يمص الدماء وانته تبرعت وعطيت الشعب من دمك محمد بن سراج

#نباهي_بك_العالم_يابو_سلمان ذا ولي العهد فخر الدار في كل الجهات لــو يناظـر للقـريبه تــروا شبحـه بعيـد لاتحسبونـه يناظر فوق لجل الطائرات هـو كذا دايـم يناظـر للعـلا مابــه جديد محمد بن سراج

دموع المفارق ضيعت ضحكت الاحباب وحبل المواصل منقطع من دموع العين لو ان ْ النصيب اللي .. يقولون عنه صاب ماكان ... اتوسد ضيقتي من ثلاث سنين محمد بن سراج

المحبه ..كل ابوها .. مشاريه .. وعتاب ومن يدور .. حبّ كنه .. يدور .. للتعب البدايه ..فالمحبه .. بدايات .. العذاب وانصحك ياللي ماحبيت تكفى لاتحب ( محمد بن سراج )

لاتكذب علي وتقول تشعاني الحانك ترا كاشفن عملتك مير انثبر ونّطق ياكم جاني اللي قال صح الله السانك وهو وده ان الساني الذرب ماينطق محمد بن سراج

اللي ما فكر .. فالمكاسب .. ماكسب حتى .. لو ان حظه يعود .. من جديد والصاحب .. اللي يوم فكر . ماحسب حاولت .. افيده .. مير عيا .. يستفيد اعطيت له .. صندوق .. مليانٍ ذهب ورما الذهب وشتال صندوق الحديد محمد بن سراج

عطنا العذر مانبا حجه وكذب وحلوف مادام باقي .. في اصلاح .. القضيه امل لاتبدي الحجه اللي تلحقك بالحسوف حجتك هاذي .. تذكرني رقبة .. الجمل محمد بن سراج