ما دام ظنك حسن لا تبرر افعالك فيه رب يجزي الاوادم ع نواياها

تستشك من الرجال و ضارب لك وادي ما غدا لك مذهب يعرف . . ولا لك ملّه ㅤ ربعك اكثر من زبد بحر المحيط الهادي وأنت مثل الحاجه اللي تفسد الماء كلّه

ماشكينا جور الايام والحظ العنيد والليالي جعل ربي يكف صدوفها

امشو على النيّه وقولوا على خير بكره تطلّ الشمس والحلم يضحك

القصيد أحيان نوعٍ من الطبّ البديل يستريح ويستلذّ الحشى برعايته

ما عاد به ما يشد النفس و يهيضها والنفس صلفه .. وتاركها على فالها

تعوّدنا على ضيق الصدور وكثرة التلويح أخذنا من وداعات السنين الفايته خبره

يا مقلّبت المواجع مبكيت الحزين لا تغيضون الشقيّ بـ الهروج الشامته ㅤㅤ اتركو من صابه الهم و اتعبّه الحنين ينعزل عن وقته الحاضر و دوامته ㅤㅤ عارفٍ له عبرتٍ ما عرفوها الدالهين يوم تسجع فوق غصن الهوى حمامته ㅤㅤ مبطيٍ فـ الصدر همٍ مثل هم السجين يلتوي به لين وقت الفجر و إقامته

اقول للحاضر هلا واقول للمقبل تعال واودع الماضي على حلو الليال ومرها وان غنت الورقا على غصن الغلا والشوق مال مابه طواريق تهيض خاطري ماجرها من اول ادور على الفيه وعيني للظلال واليوم مايفرق معي برد الحياه وحرها اللي جنيته من حياتي كلمتين وراس مال ان كان ماسريت نفسك ماحدٍ بيسرها

من دموع الوداع و من جروح السنين يبحث الوقت خافي واحدٍ ما حكى ادري ان العرب ماتدري اني حزين اتعامل مع حزني بصبر و ذكى ممتلي ذكريات و ضيقه و دمع عين وموجع صدري اللي للعرب ما شكى اسعفونيّ بقلب ما يعرف الحنين و اسعفونيّ بعين ما تعرف البكى

الله من قلبٍ اليا هود الليل وخف الضجيج وكل الازوال نامت وقامت هواجيسه تداحم مقابيل وطار الكرا من موق عيني وقامت وقمت اتذكر طيبين التعاليل ربعٍ عليهم سود الايام حامت

أنا شايل حملٍ ماتشيله ثمان كتوف وأنا صابر وساكت ولو شانت أوضاعي

تمر الايام والذكرى هي الذكرى وما زال ليل الموادع ماغاب من بالي ⠀ اللي خذاه الموت وطّابه المسرى ياحر كبدي عليه .. ويابري حالي

الا يامل قلبن كل ماجاء الليل جاه اخلاج يلوج ويجتلد فالصدر والعربان ممسيني انا متحيرن مدري عن المدخال والمخراج الا واشيب عيني مالقيت اللي يقديني الا يامجيب دعوه من تصافق دونه الامواج انا بحماك ياوالي الخلايق لا تخليني

العزلة ، " وتسطيح كلّ العلاقات " اخر حلول النفس .. وإن كان طابت ٰ ما عاد يغرينا : الهوى ، والصداقات كلّ الأماني : فـ المحبّين .. " خابت "

اتركوني بين هيض القريحه والجروح وبشروني بالفرج وابشروا ببشارته من يداري خاطري بالسوالف والمزوح مثل من يعطي العمى في الضحى نظّارته

كن في راسي صهيل خيول مع ثورة عجاجه يقتفيها صوت عذرا تنتخي و الراس عاري