صدقني يارب مش فاهماك كفاية تعشمني بكل حاجة و ترفعني سابع سما و عند خط النهاية اتهبد لسابع ارض اينعم اتعودت بس بقيت هشة اوي من جوة و مش قادرة أكمل ف إدراك أن كلة للخير ..

اصعب حاجة اما يبقى نفسك تساعد حد عشان بتحبه بس هو رافض مساعدتك.

صلاه: اعطى يا رب ارشاد من عندك لكل فكر حائر مش عارف يفكر و مش عارف ايه اللى مستنيه .. لكل حد داخل عل شغل او علاقة او حاجة فى علم الغيب .. لكل حد مش قادر يبوح باللى جواه بسبب ضغط او وجع او حيرة .. اعطى سلام لنفوس احبائك و قد انت السفينة.

انهارده ادركت اهمية قلة الكلام .. الكلام اللى بتطلعه من بقك بتقوله بروحك فى الاول بعدين بتقوله للى قدامك فلو كلامك فى اى شئ مضر بيضرك انت فى الاول لان مخك بيستقبله كأنه موجه ليه فى الاول .. كلام كتير يعنى غلط كتير .. كلام قليل يعنى غلط قليل.

كفايا مقارنات يا جليلة .. انتى لو من اسيوط مش هتعملى كده 🙂😅

اكتشفت ان الشخص اللى علاقاته بالناس سطحية ده مرتاح اوى .. هتخش للعمق لو مابتعرفش تعوم الموج هيخليك عشا للسمك.

الشفا من عندك يا رب.

شفاءا لنفوسنا و اجسادنا يا رب

رسالة بس للناس اللى لسة عندها ضمير..ضميرك ده يا بيشتغل يا مابيشتغلش انما بيشتغل فى حتة و حتة لأ ده عطل اول مرة اشوفه..لو هتراعى ضميرك فى حاجة راعيه فى كله راعيه فى نصرة اى حق لكن مش حتة و حتة لا..لو ابوك قالك اسرق ماتسرقش تكسر كلام ابوك عشان خاطر ده الحق..الضمير مابيتجزأش.

الموضوع زى كتمة جوة صدرك .. طاقة غضب من الدنيا و من اللى فيها .. كانه بركان و انت سديت عليه من فوق بصخرة فعمال يفرقع جوة و يزداد لهيبا و ماحدش شايف حاجة بره .. يا رب هدى لهيب نفوس عبادك اللى مالهومش ذنب فى اى حاجة.

اذ لم تستطع المقاومة فاستمتع 🙂

اما تنهى حديث او حوار او علاقة او تمشى من حياه حد او حد يمشى من حياتك .. حافظ دايما عل "احترام النهايات" .. بقدر ما تستطيع خليك نضيف و خلى كل شئ محترم و سامى و راقى لان ده اللى بيكمل فى قلوب الناس و اللى مش بيكمل معاهم قلوبهم ماتستهالش تتعتب من الاساس.

شكرا لكل واحد غباءه صورله انه اذكى واحد فى الكون و انه عارف كل حاجة..احب اقولك انك غبى جدا لان مافيش حد و لا هيبقى فى حد عارف كل حاجة..و لا حتى عن اللى يخصه..فكفايا غباء و نرضى اننا مش انبياء و فظاع و ماحصلناش لان بغبائك ده انت ممكن تدمر حياه ناس تانية.

عندى مشكلة مع فكؤة اصل ربنا بيديك عل اد احتمالك .. طب و ده جزاتى يعنى ؟!! بيتحمل طب اديلوا ؟

الناس مابتحاسبكش ابدا باللى انت شايله و لا اللى انت حاسس بيه هما بس بيحاسبوك باللى شايفينه و خلاص و وجهة نظرهم لكن مش مهم خالص انت حاسس بايه و لا شايل ايه

الماتش متصور بكاميرا موبايل N73 باين .. ايه الزاوية دى 🙄😅

ارشدنى يا الله .. ماليش غيرك .. و مش عارف اى حاجة 😔

👌