.. يارفيق العمر مدري ياعدوي رفقتك حره وشرهاتك ثقيلة

مريت في حلمي البارح وانا نايم والعين بالعين ياثقلك وياخفّي صبيت . فنجال بريه . وانا صايم ومديت لي وانكفى الفنجال في كفي صوبتني قبل اسمي والله الدايم لو اني اصبح شروق الشمس متوفي من تلحضه بالنظر ماعاد له لايم ياوجد روحي على شوفك وياشفي #ماجد_المسعودي

خلوووها✋🏻 ناصر السعيدي منصور الهذلي

سلام واحد على ناصر ومنصور ماودي افرق صحيبٍ عن صحيبه شعار من جيل عام الفين وكسور وأنا اكبر من الثنين وْعود شيبه

يامرحبا ياولد عم ابن مستور و الضلع واجد ذيابه وانت ذيبه الشعر ماهو بـ عمر الشعر بـ شعور وانته شـعـورك واحاسيك غريـبـه

دام البقاء وانت شاعر مانت معذور نعرفك والرجل مايظلم نصيبه وان غاب شيخ المشايخ تاخذ الدور حطوك في جامع الحاره خطيبه

ان كان وعدك ما يشبه وعد بـ الفور الصدر ما يـاصـلـه … شكٍ و ريبه انا احتمي ماقفي ما لفّ و ادور و انته مصيبه ليا قالوا مصيبه

يبا يزاح الظلام ويطلع النور والدين لا زال في مكه وطيبه مار انتبه للسعيدي يمكن يبور يضحك معك والحنش في وسط جيبه

يامكثر المدح في جدك وفي خالك هوّن على روحك وهوّن على قلبك خل المواقف لاهلها روح في حالك لا تثقل النفس بالحمله وتثقل بك وان قامت المعركة تشرد من ظلالك راحت عظامك من الذله تراقل بك #ماجد_المسعودي

، عيش الحياه وشوفها عن قرب واحرص على نفسك وسجتهـا وابعد حلالك عن مراح الجرب والهامله ترجـع لـ دجـتهـا والثله اللي لبس واكل وشرب لا تزعـج العالـم بصجتـهـا كم من خواجه في بلاد العُرْب والا العرب تُعـرف بلهجتهـا #ماجد_المسعودي

كمّ لقمه تشبع الذيب واعطيها قفاي :

كـل ماجينـا وردينـا التحيه ماطمعنا بالغصون ولا عنبها . للقلوب الغافله حسْنه وسيه والقلوب اللي تعرف العلم نبْها . يالبيب القلب والنيه مطيه كل لحيه قدرها يحمى شنبها . كل ماصادفت لك فالدرب حيه دوسها من راسها حتى ذنبها #ماجد_المسعودي

هاض هاجوس القريحه واستثارت يا مساء المشتاق مدري ياصباحه مرت الذكرى على البال وْتوارت واحرمت قلبي سكونه وانشراحه وسْرقت نومي من عيوني وطارت مثل طيرٍ فالسماء يكفخ جناحه دارت أيامي ولا ادري كيف دارت مابقي للشوق في صدري مساحه

حالة استنفـار :

تجارب الأيام :

بعض الوجيه ..اللي لا راحت ولا جات مثل ( الغفال ) .اللي ..بليا ..وسايم وبعض الوجيه تشوفها بعض الاوقات وتبقى ..ملامحها على البال .. دايم #ماجد_المسعودي

يامقادير الليالي والخطوب خايفً سلك الحرير يجرني .. احتزم لليل قدام الغروب وابتسم للصبح لجل يْبرني .. آتحرّا والتفت في كل صوب وانتظر ليت العلوم تسرني .. ما لفاني مع مراويح الهبوب غير ذكرى كل يـوم تمـرني .. قبل تغدر فيّ سودان القلوب طعت قلبي في هـواه وغـرني

[ مالقيت لجرح قلبي طبيب ولا علاج والجروح اللي ورى الصدر جتني من يدي]

قطعت الشكوك وقلت ياقلب طاب الفال مساعيـك في بعـض العلاقـات مشكوكه . تخيّـر مكانـك عـن قنـاعـه وراحـة بـال عسى خطوتك سمحه وساعتـك مبروكه . على دربك اللي فيه رمضـاء وفيه ظـلال احد يغرس النخلة واحد يغرس الشوكه