ياسارقة نظرة الاعجاب من كل صوب انا ماحب الطريق اللي عليه ازدحام ياما تجاهلت لاجل انجا بـ قلب طروب لي فتره اصد به ويردني لـ الغرام خذنا من الحب مايكفي ونبغا نتوب وفي كل حاجه ما أخذنا غير ذروة سنام نعرف نصيد الجوازي بالحيّل والسلوب وتردنا الشيمه اللي ما عليها ملام حنا نعرف

مستاحش و صرت أشوف إن كل طِيبه كمين و الإبتسامات من بعض الوجيه إحتيال

احلامي اللي راحت ادراج الرياح قد راحوا اكرام اللحى . . قدّامها

تذريت في سمعة نبا طيب الوقفات مثل مايذري البشت ف البرد راعيه يقدر جنابي عند من تعشق الطالات على شان طيب فعوله وطيب طاريه رحل جعله الجنه وعلومه الامن جات تبين لك ان سمعته بين العرب حيه يكفيني الحاضر بذكره لو انه مات مثل ماتشرف .. كل مامر ماضيه

ودك تعاشر واحدٍ ما تدانيه ولا تعاشر واحدٍ ما تهمّه

لا تنصدم من جور الايام والناس اكسب من دروس الحياه القناعه .

السكوت أبلغ بـ واجد الى ضاع الكلام يَ متاهـات الدليـله ،، وميـل المتـزن

لاتهل الدموع اللي جذبها الحنين الندم مايخفف من مدى الفاجعه والمحبه ليا اقفت مثل ماضِ السنين لو تحاول ترجعها .. ماهي راجعه !

والله ان بالصدر تكّه وبالكبد إلهدٓه مايبرّدها .. عبادي ، ولا عبد المجيد حيلة العاجز لياضاق يصفق في يده والقوي يفعل مثل فعل هارون الرشيد كل ماضاقت والابواب صارت مؤصده تنفرج : بالفاتحه والتكاثر والحديد ندري ان الامر للخالق متم وعده لو نفضفض للبشر ، ونتعبّر بالقصيد !

في ظلمة أيامي .. اللي عفت تاليها اشوفك الجانب المُشرق من أيامي .

"إذا عندك اللي ينهي أحلام عمري ؟ قل وأنا أشوف لي في مقبلات العمر دبرة"

ياضيقتي ماني بشاكيك للناس مثل ماني عايش مع ألناس عيشي بيني وبين الضحك مشوار عساس و مسـافـةٍ تحتـاج دربيل جيشي الانبساطه و الطرب و التوناس راحت ضحية عنفواني و طيشي توازن الضيقه مع الهم والياس مثل التوازن فـ النظام المعيشي

توازن الضيقه مع الهم والياس مثل التوازن فـ النظام المعيشي صار الزمن حدّه مثل حد الأمواس يضرب بـ شلفاء مثل شلفاء القريشي وكان الفرح بنكه مثل بنك الإفلاس بـ نسوقها على حساب الطبيشي :)

واقعي مره طمس لذة حلاته والصبر مل انتظار .. المقبلاتي ياجماعة من خبر بعدين جاته يسعف اللي ينتظر بعدين تاتي

لاتحسب الارزاق تاتي بحيله وان جات بالحيله غدت مثل ماجات

ليت العمر ياطيب الفال عمرين عمرٍ اجرب به " وعمرٍ اعيشه ".

مصير الايام تكشف لك خفايا الصدور  كانك تشوف الوجيه و تجهل قلوبها

مغاتير حلم العمر تطرد سراب الضوح وخلج الهقاوي في ذرى الصبر مقروعه

مبارك عليكم الشّهر الفضيل، جعلنا الله وإيّاكم من صوّامه وقوّامه وغفر لنا ذنوبنا وجعلنا من العتقاء من النار، وكل عام وانتم بخير 🌙

في ضفّ ليلٍ سواده مثل ريش الغراب ظلامٍ .. آبعدت عن ضول البشر بـ سببه امْعرّضٍ نافذة صدري .. وساع الرحاب ومْوجّهٍ « بوصلة فكري » على مطلبه وين اللي مايطربه غير المطر والسحاب عشان يسمع من « الابداع » ما يطربه يلومني كان ما قال بـ صريح الخطاب لله درّ « القصيد » ودرّ : من يكتبه