مع كثرة الفتن .. ايِّااك ثم ايّاك ان تظن انّ الخللْ بدينـك .

"ماضاق بي درب الحياه وتعثّـرت البال ينسى .. والجروح اتّـداوى لكن حزين اني بعد هالعمر صـرت اشوف كل شي بعيوني ،، تسـاوى".

"من شاف غيره يشتكي هم الافلاس يرضا قليل النفع .. لو هو مظلوم وان كان همك صاحبك معه وسواس بتعيش بين الناس.. معطا ومحروم".

"ياصدري والله انحن للصبر والعزم محتاجين حروب البارحه .. بيشلّها بكره على كتفه نسانيس الصباح تعالج الجرحى من الناجين وتدفن كل حلمٍ ليلة البارح .. لقى حتفه".

"البارحة نسناسها ضيق و دقايقها شهور تقبل ثوانيها بتنهيدة و تقفي ب غْلقه ما ذابت أطراف المحاجر ذابت أطراف الصدور من حرّ ما اونس ليت في عيني سحابة مغدقه غديت مثل الي مضاريبه تقلّط فالنحور و يوم استوى له ردّ ثار ابوه لكّت بندقه".

"مناضيح المواجع تتضح لك في شفيف البوح تْبيّن الوجعه اللي في صميم القلب كانيها يقولون السحابه في مثانيها البروق تْلوح وأنا أقول: السحابه تحمل الماء في مثانيها عساها تنهشم فوق الضلوع اللي تحتها فوح تطفّي نارها وألا تْقضقض مابقى فيها".

"ابتلشت بشوف الاطلال تذكار ومكان وذكريات كل يوم جديد اعدّها ماني بناقص صداقه ولا فاقد حنان بس فاقد لي سنين عجزت اردها ! القلوب اللي تغير الى دار الزمان يغني الله من وفاها وباقي ودّها".

"وسط زحمة ذكرياتي جلست بمفردي كيف كل الناس فيني وأنا فيهم وحيد؟!"

" أضحكي لي ياليالي العمر دام العمر مره وأسقي جفافٍ تفرع وأحتضن زهرة شبابي أنفضيني منه ماضيٍ روح بـ خيره وشره وأدفني لي ذكرياتٍ عمرها طول عذابي قولي إن الليل مهما طول الشمس بتمره ونشوة الأحلام مهما طولت بـ تدق بابي ".

"أصـبح ترى . . أرزاق ربي مخلفات الظنون واشبع من الصبح دامه مثل عذب اللمى قم و أروّ منه المشاعر وإمّل منه العيون خلّه يجـي بينك . . وبين الحـياة إنتما و أصـبر .. وصـابر وهـوّنها ولو ما تهون أحـيان نضطر نوهّم بالسـراب الضما".

" يهوّد الليل و نجوم السما غرّا والليل دايم مع الاحزان متداخل اتصنّع الوِنس والضحكات من برّا وانا طويق المسمّى شايله داخل".

"يارب عبدك هزّته سود الليال العابسات ولا لقى له واحدٍ غيرك يعدّل سيرها انا الغريق اللي رماه الموج بين المغريات أغفر لي ذنوبي .. وساعدني على تغييرها".

"لك الله يالضمير المنجرح و الخاطر المنصاب ما تمشي غير مع درب الشقا و دروبك دروبه قوي العزم من ضغط الليالي جاه ضغط أعصاب ما عاد يفيد راسه وصفة الدكتور . . و حبوبه يسولف بـ السعادة للجميع و يقبل أي عتاب يبين لك رحابة خاطره . . ما بان عذروبه".

"في محطة وقوف ، العالم الراحلين ألف سكة تعدي .. بالووجيه وتمر ٓ مهما تحمل من أمتعة السفر والسنين شنطة الذكريات اثقل متاع العمر".

"اجلس معاهم وفكري (ضارب ديرة) الروح عند الغلا.. والجسم بالكرسي دااايم وخدي على كفي .. من الحيرة من شافني يحسب انه ملتهب ضرسي". زبار الحربي

"وَعَينُ الرِضا عَن كُلِّ عَيبٍ كَليلَةٌ وَلَكِنَّ عَينَ السُخطِ تُبدي المَساوِيا".

"العمر ما هو كم نعيش .... بـ هالحياه .؟؟ العمر كم ضحكة ... وكم حلم ... وإلخ .... وكم دمعة... طاااحت .. وراها الف ... آآآه على خيانة ( صاحب ) في خانة ... (( أخ ))".

"خذلكْ الظن يا موهوم لا تشره على الخلان غفت عين العتب من بعد ما سالت دموع اللوم هي الأيام هذا طبعها من سالف الأزمان من المؤسف بعد رغدْ الطموح تْدوّر المقسوم يداويني كلام .. وفي مُراعاة الشعور إحسان عسى بعض الكلام اللي على هيئة حياة يدوم".

" ووجهي كل ما مسّه من الغربة وصب وأحزان طفت فيه الحياة .. ولاذكرك أشعل قناديله ياربي وأنت جلاّي الظلام الراحم المنّان يارب المرسلات ورب قلبي وانت تاوي له أعوذ بنور وجهك لاتصيّرني ضعيف ايمان تلقّاني بعطفك يا كريم ان قلّت الحيلة ".

"زهاك الحزن يا قلبٍ تخاطفْك الليال السود وندهْك الطاري اللي جرّتك في أعلى مشاريفه سريت وغايتك غاية تلاحيها الهبوب النود على قمرى التعب ونجوم توجس بالضيا خيفه ينادمْك الوهم والشوق وحلمٍ فالعمر مكمود ووجهٍ كل ما أنفضوا مجاليسك حضر طيفه".