🇦🇪 بِنت زْايدِ 🇦🇪 من باب شوقي لك وزود المحبة نسجت لك بـ القلب أبيات وعبارات كلك غلا وعيونك أول وأحبه وإحساسي لحروفك تجاوز المسافات كل القصايد من غرامك كتبه وإنتِ بقلبي دايمًا دون كل الذات

🇦🇪 بِنت زْايدِ 🇦🇪 في قهوتي صحوة وراحة في المذاق تفهم مزاجي وتعدل لي سنيني أشربها بحب وأحس الوقت راق تهدي الحشا وتداوي الحنينِ سوالف معها لها طعمٍ يراق وترافق أفكاري في صبحٍ وأنيني يا زينها لا صارت بجنبي وفاق قهوتي خير الوناسة ورفيق السنينِ

🇦🇪 بِنت زْايدِ 🇦🇪 يسعد صباحك يا ضيّ النور يا زين من زاد الحُسن زينه طلتك مثل الورد والعطور تسحر قلوب تمرّ في يدينه يا ليتني ظلّك المستور ولا خيالٍ دايمٍ يحتضينه يا أجمل الناس لك في القلب دور ومكانتك في مهجتي ثمينه

🇦🇪 بِنت زْايدِ 🇦🇪 ربّاهُ إنَّ القلبَ ضاقَ بحملِه لكنَّ في ستركْ يحِـنُ ويطيبُ نرفعْ إليك الدعـا بدمعٍ خاشعٍ فأنتَ الملاذُ وبـابُكَ لا يُغـيبُ يا من إذا ناداهُ عبدٌ خاضعٌ جاءَ الجوابُ سريعُه والمجيبُ فاغفرْ لنا وامنحْ قلوبَنا هدىً إنّ العطايا منكَ لا تُحْصى وتُهيبُ

🇦🇪 بِنت زْايدِ 🇦🇪 المرجله ما تنشرى بالهدوم ولا كل من لبس البشت ينقال شجاع تبقى على وقت الشدايد علوم وتبـان لا من جاك وقتٍ شـناع يا صاحبي لا تفتخر باللزوم وانتَ على طعن القهر مستطاع عيبٍ عليك وتحسب إنك تدوم تكيد كيد النسوان وين الطِباع

🇦🇪 بِنت زْايدِ 🇦🇪 يا حيّ ذاك الشعر لا منه طاب فيه الحلا والزين والهيبة أثره يا بنت ما مثلك على الكون أحباب فيك السمو وفيك طيبٍ نشتريه بـ مهره خذتي دلال الطيب من صدر الأنساب ووصلك مثل العود لا فاح عطره يا زين زينك ما يوصف بالألقاب حتى القصيد يعجز يوفي قدره يا جعل عينك دايمٍ ما بها غياب

🇦🇪 بِنت زْايدِ 🇦🇪 قلوبنا بيض ولو نمزح مع العابرين لكن لعينج يالغلا نمزح بشوقٍ وهَوى يا زين ضحكتج تهزّ الحشا والرمشين وانتي سبب فرحة العمر وانتي المنى ما نرضى بغيرج ولو زادوا المحبّين في عين قلبي حبّج انتي أول المدى إن مرّ طيفج، تنبض الروح مرتين وانتي الهوى وانتي سعادة هالندى

🇦🇪 بِنت زْايدِ 🇦🇪 ونمزح طيبٍ ما نحب اللّعب بالثمين نضحك ولكن ما نطعن قلوبٍ نقيّه نـقابل الطيب بطيب ونـوفي للدين ولو زعلوا منا صدقيني نرضي النيّه ونخلي صدور أهل الوفا دوم هنيّه ما نشتري بالمـكر درب الشـياطين نمشـي على درب النقا والخطـا نطويّه واللي يبي درب الردى حنّا مب بعيدين

🇦🇪 بِنت زْايدِ 🇦🇪 دنيـاي وداري وكـل أحبـابي أنـــت وانتي القصيد اللي غلاها ما يموت حبّك سكن في داخلي ما له بديل وانتي الأمل في لحظةٍ كانت سكوت لو خيروني بين عمري والهوى أختار حبّك وعمري فدوتك يموت انتي سماي بعزّها وغيومها وانتي الشعور اللي على القلب يفوت

🇦🇪 بِنت زْايدِ 🇦🇪 دنيـاي وداري وكـل أحبـابي أنـــت ونبضي وهواي وكل أسبـابي أنـت أنـتِ الحكي فـي سـوالف العاشقين وانتِ الزهر فـي بساتين الغلا الثابتة لو غبتي، تـضيع البسمة مـن وجهي وإن جيتي تغار النجوم من طلّتـك أنـتِ القصيدة وأنتِ أجمل قوافيها ما تنكتب إلا بصدق وما تنقال إلا لك

🇦🇪 بِنت زْايدِ 🇦🇪 ذائقة راقية وشعر يلامس الإحساس كل بيت فيه كبرياء وعزة نفس وصدق شعور بالاخص ولكن مستحيل أجامل شعوري وعذالي بيت يوزن ذهب صح لسانك ودام نبضك شاعري

🇦🇪 بِنت زْايدِ 🇦🇪 شوفون الهوى لعبه وانا اشوفه وفا وثبات وما كل من يضحك مع الناس نسمّيه غالي أحطّه فوق راسي اللي له بقلبي عزيز الصفات وإن طاح من عيني ترى ما أرده لحبٍ خالي أنا أقدّر، ولكن ما أساوم على الذات وأحفظ كرامه قلبي ولو شافوا اني لحالي

🇦🇪 بِنت زْايدِ 🇦🇪 ذوقك خطير وبيوتك تصيب القلب بلا تردد خاصة وكني اللي جاء بكيفه يدور مقتله قوّة وهيبة وعشق فـ سطر وهذا ردي عليج عيونج سلاح ونظرتج في القلب بارود وجفنج إذا سلّ طاح القلب من علّه أنا ما حسبت حساب حبج ولا لي حدود لكن عقب شوفتج صرت أتخوف من الزلّه

🇦🇪 بِنت زْايدِ 🇦🇪 ترا عزيز النفس ما يرضى الغياب ولا يحنّ للي خذل تقديره يمشي ولو بالقلب جرحٍ والتهاب لكن كرامته تعزّ كثيره ما ينحني لا صاحبٍ خان أو عاب يترك وراه الحزن ويكمل مسيره

🇦🇪 بِنت زْايدِ 🇦🇪 فـي زمنهم لا قلوب ولا وفا فـ العاشقين والمقاسات انقلبت ما بقى للحق قيمه كلّ ما قلت الصحيح قالوا عنّك حاقدين والخطا صـار الذكا والصراحه مُوجعَه يا زمن صارت وجيه الطيبين مستحين والمجامِل في عيون الناس دايم يرفَعَه

🇦🇪 بِنت زْايدِ 🇦🇪 حيّه حيّه يا زين الصوت لا طاح يزرع بدرب القلب وردٍ وزهور أسمعه وأحس دنيتي تبتدي أفراح وأنسى همومي والمواجع والكسور عيونه بقلبي مثل نور القمر لاح وغيابه عن عيني كساني حزنٍ وكسور يا ويل قلبي كل ما غاب وأنصاح ينوح صوته بين ضلعٍ مكسور

🇦🇪 بِنت زْايدِ 🇦🇪 يا زين صوتج لا سرى وسط المسامع يطرب فؤادي وينعش كل أحساسي وفي عيونج شوفة الدنيا بتطلاع نور وسحر وخفوقي ضاع بنفاسي طاريج يكفي عن الدنيا ومطماع حبج بقلبي مثل نقشٍ على ساسي

🇦🇪 بِنت زْايدِ 🇦🇪 لبيه لك والشوق فـ عيني منادي لبيه يا زينٍ بقلبي أنا مخفيها لبيه أحبك لين ما تفنى أيادي لبى حياتك يا بعد كل غاليها

🇦🇪 بِنت زْايدِ 🇦🇪 يا هلا يا زين فوق الزين مذكور يا عساك بخير يا نسل الجلالة كن عينك سحرها للروح دستور والوفا تاجٍ على راسك دلاله يا عيونٍ كنها ليلٍ ومنثور فوق خدٍ نور صبحه لا جفاله الحلا في طلتك يزهى وينور كل زينٍ لا ظهر جنبك خياله

🇦🇪 بِنت زْايدِ 🇦🇪 يا بنت لا تلعبين بقلبٍ نوى لك خير سلمّك روحه وما طلب غيرك حبيب اعطيتك قلب يتمناه ألف مكسور وكسير ورديتِ لي طعنات ما يداويها طبيب أنا ما خذت وعطيت أنا حبي لك مصير لكن للأسف حبّك مثل حلمٍ غريب علمتني إن الكسر مو دايم يصير من غير عدو الكسر جا من القريب