أسافر على متن السحَابة، وأدفّ الريح ورى غربتك وآخر منازلك، وبلادك وأمر الليالي بـ الطواريق والتجرّيح لا جاد الزمان بكل طعنة، ولا جادك أعرفك وأعرف انّك عمر مايبي توضيح يطول المدى؛ ماخانت البيد ميعادك عسى ليلةٍ فيها من الشكّ والتبريح فدى ليلةٍ فيها مجيّك ومعوادك

صواب الكلام يخلي أهل الكلام سكوت و دور الزمان يشابه البرد والكنه - يقال البخيل يعيش ولا الكريم يموت لكن البخيل يموت محدٍ درى عنّه - و حزين الضمير إلى تضايق يجر الصوت لكن جرّته للصوت ما تبعد الونّه - مواعيدها في حزة النوم والا القوت و من لاعته يبطي وهو ما ضحك سنّه

عقب مافهقت الليل عن وجنتك وانزاح ترنّم وسولف لي عن البدر والقمرا لاعلّق على جيد المسا نوره الوضاح وتبيّن تقول قلادة في نحر سمرا اشوفه شبيهك بس للشبه نَص ايضاح ماعنده عيون خدره ووجنة حمرا.

طبعك تغيّر معاي وصعب تفسيره تجرح شعوري جفا وتقول تغليني .

طيبين وعايشين الحياه بكل سرور ونبتسم دام الضماير سترها ربنا لو عرفنا وش تخبي مغاليق الصدور ما ضحكنا عند ناسٍ ماهيب تحبنا .

ياكم حاجةٍ صديت عنها عشان ارتاح ماهوب إي حاجة لازم تصير بالقوه

على وين ما اسج القدم شرق ولا غرب أشوف الليالي ما تشابه سنا .. ليلك قضى ثلث عمري بين ضيقة وحالة حرب ما بين إحتقار الناس و ما بين تبجيلك أنا وين ألّد العين منّك و أدور درب و كل الدروب اللي تودي ، تودي لك "

شاع حُبه فالحشا مثل صلفين الملوك لا وطو دارٍ تعالوا لروس اسيادهّا ..

ماتشيب الاماني لو تخيب الظنون وماتضيق الحياه وعند ربي سعه

صدري اللي فيه من لوعة الهجران نار مثل نار المصنع اللي جنوب الضاحيه لي سنه وانا رهين الشقاء و الانتظار ترقد عيون الأوادم و عيني صاااحيه والثلاث اللي على حالة العاشق دمار الطواري و السهر والرسوم الماحيه الظروف أحيان ماهيب حسب الاختيار تستوي من ناحيه و تخرب من ناحيه :)

ياللي لك الشعر يُكتب و المشاعر تذوب الشوق ماهو بـ يرحم و الطواري بلا تعال، ما فيه واحد خالي من الذنوب اما كذا مواصل العشاق ولاّ فلا ان كان للحب دوله تستضيف القلوب من غيرك اباييعه و اقدّم لْه الولا انا معك خاطري واسع و صدري رحوب حتى لو اني حزين و خاطري ما سلا ….

كل ما فاقت عيوني على صبحٍ جديد فاق حلمٍ لا تحقق و عييت أخسره .‌⠀⠀ ⠀⠀

في سلوم العشق ما لـ الشوق رادّع .

يامل قلبٍ مايميل إلا ليا مال الظلال يركي عليه الشوق والذكرى القديمه تدفعه قلبٍ من أنواع الطواري صار تحت الاحتلال يعيش بين الناس كنه عايشٍ في مقطعه بعض الصور في الذاكره همٍ سريع الاشتعال تاخذ من الانسان عافيته وتعطيه وجعه .

فيه أشخاص من كثِر ماهم مُميزين في حياتنا يليق بهم هذا البيت إللي يقول : أسوق القصايد له لعلهَا توفيه وأنا خابره إنه فوق شعِري وقيفانه

أمان الله على قلبيّ كتم كل الكلام سكات على شان العمر يمضي على قولة محبّينه

حاولت اعديها مع الصدر الوسيع وارسم على وجه الزعل وجه الرضا لكن بعض الاحيان قلبي مايطيع بعض الخطا يضيق به وسع الفضا .

"أنا ما أشوفك الّا غيمةٍ تحييّ هَشيم القاع تهلين المطر من جوفك وتحيا بك أوراقي"

رغم البطا والمشاكل كلها والظروف محبتك في ضميري . . باقيه باقيّه

راضي بحال الحب معاك بكل حال انا اللي أخترتك — قبل تختارني .