عزت علي نفسي وانا اطلب وصالك اسكت ولو ماني على الوضع ، راضي لاصرت تنساني بوقت انشغالك مابيك تذكرني ليا صرت فاضي .

ياقلبي ان طعت شوري صك بيبانك واكتب على بابك المكسور للمنفى محدَّ يحس لمشاعر ثورة أحزانك حتى حبيبك خذا من صحتك وقفى .

لا عاد تسأل وش بقلبي من جروح كل شيء فيني من غيابك تغيير خذيت فرحي وتركت لي همّ وروح وحتى الحنين بغيابك صار يتكسر .

لا تحسب اني على دربك بدور لك شمعه من يلوح للرحيل يوصل دروبه رايح .

مابكيت بغيبتك ولا انزلت لي دمعه والله لـ تبطي ودمع العين ماهو طايح قد حفظتك مثل حفظ المرجله والسمعه وادري انك مع مرور الوقت رايح رايح .

وانا وش بيدي لاجفاني لذيذ النوم عيني تبي المرقاد و قلبي يبي خِله .

انا في داخلي فوضى كثيره تستحق السرد ولكن … مالقيت الي ينشدني عن اخباري بقى اخر عود كبريت وانا يدي ذابحها البرد واخاف العود لايطفي قبل تشتعل ناري سقيت بـ كل مافيني ومع هذا يموت الورد وقضيت العمر أتسائل وش الي موت ازهاري .

ماهو بكيفي يوم اقفى واخليك لو هي بكيفي يالغلا ماتعداك ابعدت عنك وكل مابي يناديك روحي وقلبي والمشاعر تمناك .

مابين الصعب وبين الخوف والتجريب احاول ماميل بيوم ولا تتشرد افكاري امر بمرحلة صح ، او خطا ، او تكذيب كأني تايه في شي ولاني عارف اقداري انا يارب مدري وش اللي ينكتب ب الغيب ولكن رحمتك اكبر من اللي فيه أنا داري .

فاقد اللي يفهم خاطري قبل احاكيه ويضيق لو يلمح ابيات شعري حزينه .

ما طاح في قلب الغلا غير الاوجاع وما شالت كفوف الندم غير ضيقه اثر الغلا لا زاد عن حده .. انباع مثل الدفى لا زاد يصبح حريقه .

على الهون يا سود اللّيالي تراني ماش ونفسي من ظروف الزمن باح خافيها عيوني على حظي وحظي طريح فراش والأمال ما ندري على وين تاليها .

حاول تفرق بيض الأيام والسود يا قلب موكل الحبايب حبايب اللي يبيك يجيك لو دونك قيود يكسر على شانك خشوم الصعايب واللي يبي فرقاك لو دربك ورود ما جاك لو إنك من أدنى القرايب .

اذا قلبي احتالت سنينه معك، لا باس انا أشوف في ضحكتك موته ، وميلاده احنك مثل ما احن نفسي من الوسواس أحبَّك محبَّة شايبٍ لاوَّل أحفاده حبيبك لو إنه في ديار الهوَى عسّاس يشوف الدروب اللي تودي لك بلاده وش اسوي إن زاد الحكي فى عيون الناس انا كلّ يوم .. احبّك اكثر من العادة .

ياعين لاتبكين فرقا المواليف مكتوب لك فاللوح جفوا وجافي كلن يجيله في زمانه صواديف واللي كتب للعبد لازم يشافي هجوس قلبي بين ماقفو مناكيف يوم ان قلب الاش صافي بصافي فكرت في دنياي تفكير حريف واقول ي دنياي بلاه كافي .

تكفى لا تقول أحبك وأنت بالحب كذاب بعت الدنيا لأجل عينك ورديتني كسير شرعت لك قلبي وسديت بوجهي الباب إما كنت لك أحباب ليه تتركني هجير كان قربك يسر الخاطر وبعدك عذاب والحين ناظرني مع فرقاك عايش بخير .

اتسلا بالقصايد وكـبـدي فـوق نار كل ما قلت انجحي الكبد قالت : توها وكل ما قلت استخيري ترى القلب استخار طقّت أطـنـاب المـحـبـة و شــبّت ضـوها خشف ريمٍ ذيرتها البلاجيك القصار يمـحـق الله مـن رماها وعكر جوها فارعٍ تحفظ لـ ضيدان وتحْفظ لـ نزار ودك اتـبـيّع حـلالـك وتـجلس تـوّها .

أغليك وأدري في وصالك دمـار وعطيتك اللي في يديني.. و نـوها كسرتني كسرٍ مـا عـقـبـه جـبـار وراحت سنيني مـا لـحـقـنـا ضـوها خايف معاك وقلبي بـ وسـط غـار لا أمنـت نـفـسي ولا صـفـا جـوها تضحك بوجهي والظماير كـبـار سـود الـنـوايـا يـا عـشـيري تـوها .

يغليني أدري.. مير ماله بـيـانـي كنّه يـعـدّ الـبـوح فـي حـقّـه ازرار أظما لوصـله والـحـيـا قـد كـوانـي ليت الذي في القلب تظهر له انوار الخوف طوّل والـجـفـا مـا هـدانـي وش فـايـدة حـبٍ بـقـى سـرّ واثـار الحب وقـفـة.. ما هـو بـس أمـانـي إمـا أمانٍ يـرْدِع الـقـلـب.. أو نـار .

بديت أخط القوافي والحشا ميراد وأنا بوجه الزمان أصغر صناديده قطعت فياض الغياب وجفني السهاد على جمر من صليب الوقت توقيده أصك باب العتب والناس في مرقاد وأجر صوت الحزن والضيق تفريده أجحد صويب الوجع والهاجس الوراد يحد قلبي على الونات ويزيده .