Пушењето (активно или пасивно) ги оштетува крвните садови и овозможува полесно создавање на масни наслаги. Пушењето придонесува и кон зголемување на ,,лепливоста" на крвта, создавајќи услови за полесно згрутчување на крвта во крвните садови и прекинување на крвотокот во нив.

Несомнено е дека стресот може екстремно да го покачи крвниот притисок, па ако се предадете на нездрави начини на справување со стресот - алкохол, зголемена количина на храна, расправии …, тогаш сигурно ќе ја влошите и така тешката состојба.

Сигурно ќе препознаете ако имате срцев удар, така? Ќе ви се згрчи левата рака, ќе доживеете силна болка и веднаш ќе побарате лекарска помош. Па и не е баш така. Иако често се појавува болка во градите и во раката, симптомите на срцевиот удар може да бидат многу различни.

Постојат голем број на знаци за срцев удар кои се различни од најчесто споменуваните, на пример: болка во вилицата, задишаност, екстремен замор, вртоглавица, болка во грбот, гадење, па дури и нешто што наликува на напад на анксиозност.