صافح وسامح واترك القال والقيل خلك نظيف القلب ،، والعمر مره

الله يعز اللي على الطيب رباك صاغ المراجل فيك و عيّن ثمرها

سقى الله ثرى قبرٍ يضم الكرم و الجود عسى جنـة الــفــردوس يارب منـزاله

أمشي على طيب الفكر والنوايا وان طابت النيه ترى سعيها طاب لاصارت الحاجه بـ ايدين الردايا اقفيت أردد ، منة الناس بـ تراب

اعرف من اللي ينتهض لو ابنخاه واعرف من اللي يرتبك لا نخيته احدن اجيه اضيع الوقت . . وياه و احدن ليا ضيعني الوقت جيته

يا كثر ما يفرق حضورك عن الغير مثل المطر مهما هطل ما إكتفينا

طريت في بالي مع .. طلة الصبح  وحياك قلبي وأسعد الله صباحك

لا تجعل البسمه تفـارق محياك وارسم على وجه الحياه ابتسامه واحمل معك اجمل مشاعر بدنياك واطلب من الله في الحياة السلامه

من يفّلت النادر وهو مابين يديه معاد يرجع بالمدامع والصياح مافي شي يبقى على ما عليه حتى الجبال الصمد تنحّتها الرياح

من يسلف صمتي الموحش .. كلام داخلي فوضى تسولف دون صوت

زلة لسان الادمـي بعض الاحيان  تقـطع علاقـات الرفيـق برفيقـه كم من رفاقه دامت ازمان وازمان  عقـب المعزه تنتهي في دقيقـه

والله إني فاقِدلي على الدنيا ، عزيز مانسيته طول الايام لو غيري نساه

هاجوس قلبي مايخليني انساك اذكرك في نومي على كل فاقه حيث ان مالي رغبة الا بـ لاماك ولا لي من الخفرات غيرك عشاقه لا والذي بث الحلا فيك واحياك انك نحيّة خاطري واشتياقه اربع صفات اللي بها الله بداك عقل وجمال وخف دم ورشاقه

الشوق فيني خلاص مبيحٍ سده لا رن هاتف رفيقي شفت جوالي

مشاعر الشوق يا ذاك الغرام ~ القديم شابت وهي في انتظار الصدفه العابره

هذي هي " الدنيا " بسبع العجايب لا تندهش لاشفت كل التهاويل المدح والتمجيد صارت نهايب صار ونعم يطلق لبعض المهابيل واللي حياته بين هم ... ومصايب عايش تحت ضغط الشقى والغرابيل لا تجزع اليا ... جتك سود ... النوايب لولا النوايب ... كان مابه رجاجيل

يا مطول الغيبه ترى الشوق يزداد لك وحشة من شاف عيني فهمها

النفوس الصافيه إصدق معاها والقلـوب الطاهرة حافظ عليـها

اعتبرني في حياتك من الماضي الجميل ان ذكرته تبتسم وان بغيته ما رجع

مع الله تزين ايامنا والسنين تزين ومع الله تطيب الناس لا ضاق خاطرها