Umukino wa Basketball 🏀 waberaga mu Iseminari Nto ya Kabgayi wahuzaga Abapadiri bakorera muri Doyenné ya Kabgayi n'abakorera muri Doyenné ya Kanyanza, warangiye Kabgayi itsinze amanota 68 kuri 56 ya Kanyanza.

Kuri uyu wa 1/7/2025, Myr Balthazar NTIVUGURUZWA yakomereje ubutumwa muri Leta ya Wisconsin aho yagiranye ibiganiro n'Ubuyobozi bukuru bwa Sacred Heart Seminary and School of Theology. Mu bo baganiriye harimo Rev.Stephen uyobora iyi Seminari, Dr Paul Monson (Academic Officer),...

Myr Balthazar NTIVUGURUZWA yashimiye ababyeyi barerera Imana ashimira n'urubyiruko rwemera kwitangira umurimo wayo. Yabitangarije muri Paruwasi ya Kabuga kuri uyu wa 12/7/2025 nyuma yo guha Ubupadiri D. Charles NIYOMUFASHA, akaba ari na we mupadiri wa mbere iyi Paruwasi ibyaye

Kuri uyu wa 13/7/2025, Myr Balthazar NTIVUGURUZWA yahaye Ubutumwa abahereza b'Ukaristiya b'ingoboka 116, atanga isakramentu ry'Ukaristiya ku bana 204 muri Bazilika Nto ya Kabgayi. Habatijwe kandi abana 33. Yasabye abakristu guhora bubaha Kristu uri mu Isakramentu ry'Ukaristiya

Kuri uyu wa 16/7/2025; Myr Balthazar NTIVUGURUZWA yayoboye inama y'Inteko Rusange ya Caritas ya Diyosezi ya Kabgayi. Iyi nama yari igamije kurebera hamwe uruhare rw'Ukwezi kw'Urukundo n'Impuhwe mu ngengo y'imari ya Caritas ya Kabgayi. Hasuzumwe n'uko buri wese yayigiramo uruhare

Kuri uyu wa 19/7/2025; muri Paruwasi Kinazi, Myr Balthazar NTIVUGURUZWA yatanze Ubupadiri kuri Diyakoni Théophile NGAYABERURA n' Ubudiyakoni kuri Fratri J. Damascène ITANGISHATSE na Fratri Emmanuel NGIRIMANA. Myr yashimiye umuryango w'abakristu uko batoza abato gukunda Imana.

Myr Balthazar NTIVUGURUZWA yashimiye abakristu ba Paruwasi ya Ruyenzi uko biyubakiye Kiliziya anabasaba gukomeza gushyira imbaraga mu matsinda y'abana n'ay'ababyeyi. Yabitangaje kuri uyu wa 20/7/2025 mu muhango wo guha umugisha Kiliziya ya Ruyenzi no kuyegurira Imana.

Kuri uyu wa 21/7/2025; mu Iseminari Nto ya Kabgayi, Myr Balthazar NTIVUGURUZWA yasomeye Misa abarimu bari gukosora Ikizamini cy'imibare gisoza amashuri abanza. Yabashimiye umuhate bagaragaza mu gukundisha abana ubumenyi. Aba barezi 598 bamushimiye ko bakiriwe neza i Kabgayi

Kuri uyu wa 27/7/2025; Myr Balthazar NTIVUGURUZWA yatangiye Ubupadiri muri Paruwasi ya Nzuki. Diyakoni Jean Paul DUSHIMIMANA wahawe ubupadiri yashimiye abantu bose bamufashije mu rugendo yakoze yerekeza ku busaserdoti.

Guhera ku wa 30/7 kugeza ku wa 4/8/2025, Abepiskopi ba Afrika na Madagascar bari ino mu Rwanda mu Nteko-rusange ya 20 y'Ihuriro rya SCEAM (SECAM). Inama yabimburiwe n'Igitambo cya Misa kuri P.Regina Pacis Remera kuri uyu wa 31/7/2025, Misa isoza ikazabera i Kibeho ku wa 3/8/2025

Kuri uyu wa 29/7/2025, muri Bazilika Nto ya Kabgayi habereye amasezerano ya burundu ku Babikira 3 bo mu Muryango w'Ababikira ba Mt Marita. Ni mu Gitambo cya Misa cyatuwe na Myr Balthazar NTIVUGURUZWA, guhera saa yine z'amanywa(10h00). Yabasabye kubaho bishimye ndetse no kumvira

Kuri iki Cyumweru tariki ya 3/8/2025; abitabiriye ihuriro ry'Inteko-rusange ya SECAM(SCEAM) barimo Abakardinali, Abepiskopi ba Africa na Madagascar ndetse n'abandi batumirwa, bakiranywe ibyishimo n'abakristu b'i Kabgayi ubwo bajyaga gusoreza iri huriro ku nshuro ya 20 i Kibeho.

Kiliziya y'u Rwanda ikomeje kwamagana umushinga w'itegeko rigamije kwemerera abana b'u Rwanda (abatagejeje nibura ku myaka 18) gufata imiti yo kuboneza urubyaro. ickjournalism.com/karidinali-kam…

Kuri uyu wa 10 Kanama 2025, Musenyeri Balthazar NTIVUGURUZWA, Umwepiskopi wa Kabgayi yifatanyije n'abakristu ba Santarali ya Nyagisozi, Paruwasi ya Nyabinyenga mu birori byo kwizihiza Yubile y'imyaka 50 imaze ishinzwe. Yifatanyije kandi n'umuryango wizihije imyaka 50 bashyingiwe.

"Muryango w'Imana mugize Paruwasi ya Kibangu, ni mukomere ku kwemera mwabatirijwemo. Bana,muri amizero ya Kiliziya, ni mwitabire gahunda za Kiliziya". Myr Balthazar NTIVUGURUZWA yabitangaje kuri uyu wa 13/8/2025 mu Misa yatangiyemo Isakramentu ry'Ugukomezwa ku bana 217 i Kibangu.

"Rubyiruko, iyi Forum muzayironkeremo amahoro, ibyishimo n'amizero". Myr Balthazar NTIVUGURUZWA, Umwepiskopi wa Kabgayi yabitangaje kuri uyu wa 19/8/2025 ubwo yafunguraga Forum y'urubyiruko rusaga 800. Iyi Forum iri kubera muri Paruwasi za Ruyenzi na Gihara (18/8/2025-22/8/2025).

Binyuze mu ruhare rw'abakristu ba Paruwasi ya Gihara n'Ikigega cy'Ubufatanye bw'ama Paruwasi muri Diyosezi ya Kabgayi, none ku wa 21 Kanama 2025, Diyosezi ya Kabgayi yashyikirije Paruwasi ya Gihara imodoka y'ubutumwa. Ni mu rwego rwo gufasha abapadiri kurushaho kwegera abakristu

"Bakristu, yego yanyu nibe 'yego'. Hari abavuga 'yego' ariko ugasanga yuzuyemo imibare...' Bati: nguhaye ibi ariko nawe uzanyiture ibi n'ibi". Myr Balthazar NTIVUGURUZWA yabitangarije i Kibeho kuri uyu wa 29/8/2025 mu rugendo-nyobokamana rwahuje abakristu ba Diyosezi ya Kabgayi

Kuri uyu wa 06/9/2025, Umuryango w'Abarangarukundo rwa Kristu wibarutse ababikira 3 bashya, 2 basezeranye burundu na 3 bahimbaje Yubile y'imyaka 25 bamaze basezeranye. Mu Misa, Myr Balthazar NTIVUGURUZWA yabashimiye ubutumwa bakora bwo kwita ku barwayi, abasaza n'anyantege nke.

Kuri uyu wa 13/9/2025; Myr Balthazar NTIVUGURUZWA, Umwepiskopi wa Kabgayi yatangije Umwaka w'Iyogezabutumwa 2025-2026 yise :" Twitabire Imiryango ya Agisiyo Gatolika duhamye ubukristu bwacu". Yanatanze certificats ku banyeshuri 60 barangije mu Ishuri ry'Ukwemera ry'iyi Diyosezi