يابيت مـوحش بعد راعيك يابيت موحش جنابك والنظر فيك موحش لـ جازع بن عماش البقمي

لا تحسب إنك / فـ البسيطه / مـعمّر لو تضحك [ الدنيا ] ترى أنيابها حداد ✍🏻 جازع الرياحي

ركعه وتر لله في ظلمة الليل خيرٍ من الدنيا وكل شي فيها

جاهر وحدث بـ النعم وأشكر الله ما ينحصي رقم النعم لو حسبناه واقنع برزقٍ جاك كثره وقله بالحمد يعطي ربنا لا حمدناه - ✍🏻 جازع الرياحي - [ اللهم لك الحمد حتى ترضى ]

قبل يفوت الشهر والعمر وأيامه تزودو / بالنوافل / واكثرو .. منها فرصة عمر والعمر ياكثرها أحلامه لا تبخلون الليالي وش كتب عنها ✍🏻 جازع الرياحي

حاول تكمل في مواجيب دينك مهما تقدم فأعرف إنك مقصر لا ضاقت الدنيا ترى الله يعينك وبرحمته حتى [ عيونك ] تبصر - ✍🏻 جازع الرياحي

ياللي تحسب الوقت كله سعاده ترى الحياه أصعب من اللي تخيّل لو تصفي الدنيا وتعطي زياده لابد من يومٍ شنقها يميّل - ✍🏻 جازع الرياحي

الصدق غيثٍ فـ المناشي ينشي دربٍ مشينا فيه طبع ونهضنا ياكيف أجامل وأتغاضا وأمشي وحنا غلاض وما نجامل بعضنا - ✍🏻 جازع الرياحي

سبحان من كل شي فـ الكون بأمره اجزل عطاه وزاد واعطا زياده النار يبعد صلوها شق تمره للي يحسب حساب تفنى السياده ياحظ من كمل مواجيب عمره في طاعة الله والشكر والعباده ✍🏻 جازع الرياحي

فـ السوق نعرف مع التجار مربحنا ولا نقبل اللي يجيك النقص من صوبه لو نطرد الهرج والهراج ما رتحنا خل السوالف عن الافكار محجوبه عوامل التفرقة والبغض والشحنا تصبح حقوق أكثر العربان مسلوبة - ✍🏻 جازع الرياحي

الناس من كل شي قامت تناقص ساير وجامل فـ الحياه القصيره أبليس يركض بـ الجمر ويتراقص يشب ناره في قليل البصيره - ✍🏻 جازع الرياحي

لا يدخل بـ قلبك وفي نفسك إحباط بعض البشر بيديه نفسه هدمها من لا تعلم من قسى الوقت وإحتاط تاطا / عليه / [ العاديات ] بقدمها - ✍🏻 جازع الرياحي

اللهم يا مقلب القلوب ثبت قلبي على دينك وطاعتك وأغفر لي ما تقدم وما تأخر ..

ياغافل الدنيا ما تعطي لك إنذار لو تصفي أعرف ما تدوم السعاده برقّت أنا فيها ودايرت الأفكار ولقيت نقص العمر عكس الزياده لو يعلم الأنسان عن غيب الأقدار بيعيش باقي العمر كله عباده يالله يامبدل لنا [ الدار ] بـ الدار رحمتك في يومٍ تبيح السياده