فيه غصّة بكل سؤال ما بلاقي جواب كافي…

نفسي أقتلع حالي اقتلاع من هالمكان، من هالواقع… أوقف زي غيمة وأمشي مع التيار… أذوب وأتلاشى بمكان بعيد… بس أنا هون، وما في واقع تاني أهرب عليه…

منعرف إنو الحياة قصيرة كتير… عشان هيك بنحاول نطوّل عمرها بالكلام والكتابة…

ليش الواحد أحيانًا بفهم القصة متأخر؟ بعد ما تخلص، وبعد ما يختفوا ناسها، وبعد ما يبرد القلب منها وتنحط بالنسيان… ليش وقتها بتيجي الذاكرة وتسلّط عليها الضوء، وكأنها تعطيك الفهم متأخر…

كنت بدي أكون أي إشي… إلا هداك الشخص اللي بوقف بعيد.. بتفرّج على الأشياء وهي عم تفوته، ومش قادر يعمل إشي يوقفها…

بعد ما وصلت لهالعمر، شو تعلّمت من الحياة؟

شو أكتر إشي مشتاقله هالأيام؟

نصيحة: لا تولّع كل أصابعك مرة وحدة… خلّي شوي منهم لبعدين…

ظهري صار يوجعني من كل المواقف اللي كبّيتها وراي…

شو اللي ممكن يحوّل الواحد من إنسان متفائل وبيحب الحياة… لواحد ساكت ومنعزل؟

من أول كذبة، بتصير كل كلمة بعدها محل شك…

ومن دون ما تنتبه، بتخلص أشياء كنت مفكّرها دايمة… وييجي يوم تقعد تسأل حالك: كيف انتهى كل هاد؟!

ورا تفاصيل صغيرة، الصورة الكبيرة بتكتمل…

بشو بينهزم الإنسان؟

كل اللي حبيتهم.. بعدت عنهم وحطّيتهم على رف بقلبي… واللي ما حبيتهم كمان نفس الإشي. ولا حدا فهم… ما فهموا إنو قلبي أصلًا تعبان وقرب يوقع…