تحسب اني ما عندي علم وانا دريت وش خوافي الامور اللي عليْ ساقتك كلمةٍ قد بغيت تقولها / واستحيت ريتها في نظر عينك .. ودناقتك !

حبيبي والمشاريه القديمه مثل حد الموس تجنب من جحد له حاجةٍ ماهيب منجحده دروب الحب ما يصبر عليها الا ضعاف نفوس ولا ينضد منها الا شجاعٍ / كلمته وحده

لا ينشغل بالك ولا يحـزنك شي ! لو ان حدٍ يسوى ثرك كان يمكن

الحب : صنته بالذرابه والافعال وهي صانته بالتضحيه والمسافيط اتي لها كني مع راس .. هيال واروح منها كني اطلع بطن خيط

محبتي لك نقاها مثل بيض القلوب ما هي محبة ابي سنابك و صور و الو ✋🏻 وبكره لا طال الطريق وبان ضيق الدروب تدرين .. بإن المحبه و اهلها ما خلو قالت كـلامك حلو لكـن شكلك كذوب وانا ما احـب الكذوب اللي كـلامه .. حلو 😂😂😂

واهني اللي ما عنده قليل وْلا كثير وْلا تعرض للملامه وكثر الوندقه والله اني ريت بعتابه الصادق الاخير الفراق يفذ عينه . . ويزهب بندقه

الغيره تخليني اضيق .. واحتاس وازعل واهدّي .. واتصل واتنقد انا غريب اطوار ومعقد احساس وانتي ملكتي لش .. غريبٍ معقد !

الشعور اللي معي من فتره مألمني واتعذر بالنيابه . . والكرامه عيّت لو تحس انك بديت تملني علمني اوعدك ما عاد تدري حي ولا ميت

يا مرحبا ترحيبة الطيب والجود من واحدٍ مبطي وهو فانتظارك العيد والله شوفة عيونك السود هو والله العيد الصحيح المبارك

والله انه فالصغيره . . والكبيره اما فرحة عين ولا ضحك ناجد جعل تفدا كشخته كشخات غيره اطرق يفرق على غيره . . بواجد

مكابري هو سبة اغلب جروحي ومكابرك هو اللي خلاني .. ازل ومحايلي لك بيني وبين روحي محايل اللي مستحيل .. يتنازل

اذا قد الخذلان واضح . . ومثبوت انكان فيك اللي يقديك . . فاخت باخت على الوجعه وباخت على الموت وعلى محابيل الهوى . . لا تباخت

انا بديت اكف شري وخيري وابدا مراسيم الغياب الملحّه مرت علي امور لو جات غيري يمكن تشوفه قاعدٍ فالمصحّه

والله ما انا بجاهل ولانيب واهم لكن تشوف الطبع الامحق عيوني ليه يتغير مذهبك من . . حْكاهم ! وانت اللي باخسني وهم ما ابخسوني ؟

مكابري .. لو يزعلك ما يخالف روحي على طرِاد شفك لحوحه لو انك تلاحظ كثير .. السوالف بتعيّن اسف والعذر والسموحه

اذا بغيت اسامحك جاني الموت لكن على قد السؤال : الاجابه احنك مْن الكلمه الموجعه صوت سكر . . وانا باقولها لك كْتااااابه 🤌🏻

جعل الزعل كله على قربك نذر وسوالفك ومشاهدة ملامحك من اولٍ حتى لو اكابر . . حذر واليوم انا ومكابري على محك ! لا تعتذر ولا تفكر . . فـ العذر ارسل رساله فاضيه واسامحك

حاولت اكابر بس ما احتلت اكابر على شريط الذاكره كل ما اشتقت الله واكبر عقب ما كنت . . خابر ما كنها خلقت ولا كني . . خْلقت !

تزل واطوّف الزله على الصامت اللوم تو العرب ماهوب في حله والله ما يفرح على زلاتك الشامت اللي يدور على زلاتك من . . الله !

على كثر . . ما اغيب وانبّك للحين والدهشه على ماهي ! والله مافيه اجمل من احبك اللي تجي منك . . وانا فاهي