"وأحب اسهر إلى صبحٍ سرق في طلعته لونك وأحب انثر نجومٍ ليلها ما ضايق أحبابك"

مرحبا يا اللي ما بين الغيد وحدك دُرّه عند غيرك ما يجي للزين ذكر و طاري والله ان البال محدٍ غير زولك مرّه تسرحين بقلبي اللي يعشقك و افكاري من عرفتك و الغلا فـ الصدر لله دره يا اجمل ارزاق الحياة و مكسبي واقداري

شكرًا ياسين بونو 💙

القليل من التجاهل .. سلاح العاقلين يجبر اللي غره الكبر ، يرجع مستواه

وقفي لين الزمان يمرّنا بأربع فصوله الثواني مستحيل انها تكون اللي بقى لي يوم جيتي كان ياكثر الكلام اللي بقوله ويوم رحتي ما لقيت من الكلام الا ، تعالي يا ثمر قلبٍ وهبك الله مرابيه وميوله انتي الدنيا واهلها كلّهم وانا لحالي

لا قديم إلا القديم اللي أحب اشوفه ولا جديد إلا غلاه وحبّه المتجدد .

رحلت انت و تركت بداخلي طيفك و صبرٍ طال.. غدت ذكراك شمسٍ ما تغيب و صورتك ظلّي..

"ولا لي بالبشر غاية ولا لي بالثـرى أوتاد خفوقي حر و اتبع ما يعز النفس وارضيها تركت أحلام واجد .. لأنها في ناظري أقیاد وأنا ما ارضى القيود اللي تشل الروح بيديها"

أنت مدهال الأماني وميزان الشعور مَعك أواجه سُود الأيام و أغني لها

اشره على الوقت ما اشره على ذاتي مراحل العمر مرت .. قبل حزتها ما تاخذ من الصباح الا أبتساماتي وماتعطي من الليالي غير عتمتها صافحت كف السحاب وسالت أبياتي وغنيتها و الضلوع العوج .. غنتها سود الليالي خذت مني طموحاتي وأنا إلى اليوم .. مدري وين ودتها

سلام يابيرق . . يضم الشهادة ماينتكس في يوم تنكيس الأعلام 🇸🇦🤍

لله دَرّي على الصبر وعلى الإعتياد أواجه الوقت صلب وخاطري ما حكى أنا أكثر إنسان تشكي له قلوب العباد وعلى كثر ما يواسيهم .. ما عمره شكى

لا ألتفت وجه الجميله وسوّا بيّ جميل ضعت فـ العين الوسيعه وعيّنت السعه"

يا حبيبي و الغلا اللي مره الاعمى وشافه ... ما عطاني غير خطوة لو تودي ما تجيب ما زعلت الا بعد مر الشعور اللي اخافه .. انك تصير الوطن والناس واجي لك غريب لا يهمك جرحي و دمعي و كفي و ارتجافة انت بس ارجع وكل جروحي الاولى تطيب

يستريح الليل في عتمة جديلك ويتهنّى وإن تمرّد ما خذا إلا من بياض العنق شامه

مازلت انا المشايّ فالدرب الطويل و مترامي الأطراف .. ماخِلته طرف هزايمي .. ما كانت بعيني قليل أشوفها مثل إنتصاراتي شـرف

هلا يابسمة الوجه الحزين وخاطر الملتاع هلا يانسمة الليل العليل وضحكة أيامي عرفتك وانتهى عصر الحسافه والتوجد ضاع ولقيتك واقعٍ أجمل مدى من سالف أحلامي أنا وشلون لو أبعد وأقول إن الدروب وساع وأنا مالي سوا دربك عظيم ومصدر إلهامي ..

تغاضي ياعيوني والسنين قصار مادام الوقت لا أنصفني ولا أنصفته أحب اللي مضالي وأكره التكرار وأشوف اللي يخوفني ولا خفته غريب شعور والواقع غريب أطوار كثر ما كنت راضي كثر ما عفته ياكثر اللي تحاشيته يصير و صار ويا كثر اللي تمنيته و لا شفته .

آخر الليل سارح واوّل الليل ساري استهلّ الدروب وعاش مثل الأهلّة سبّة بياض وجهك من سبايب سَماري يوم وجهي بوجه الشمس وانتِ بـ ظلّة

سامحيني واسكني قصري وابادلك احترامي واذخريني للسنين السود وعيونك بصيره درب واحد مايكفّيني ولايبلغ مرامي الطموح اكبر من حدود الفضا والمستديره ياوجودي ياصخب دنياي ياراية سلامي يايقين الشعر يابصمة وفاه وشك غيره ياعظيمه مدي احلامك على صدري ونامي واستريحي شاعرك مغنيك عن شبه الجزيره