خويي شايل هم الحج بأخواته(٣)وقلت:تساهيل. رد:وحدة باردة بيتوطونها ووحدة لو يدفها أحد صاحت. قلت:نسيت وحدة؟ رد:تقول حطني في مكة والوعد المطار.

‏الوالد دخل الصالة ويأشر على الوالدة ويغني: سرا ليلي سرا … واعدوني القمر إذا ظهر نورِه. خطمت الوالدة:معلمتك لاتم تغنيها لي وفيها هالنورَه!!

‏‏#حركات_السعوديين_في_دبي‏ بعظهم يخيس يومين في بوكينق علشان يختار سكن جنب المترو وإذا وصل يستاجر سيارة يسوقها في النهار وفي الليل تكاسي !!

#انا_من_الجيل_اللي أجلس ساعة أرجع شعري ورى وإذا وصلت الاستوديو فصخ الوالد طاقيته ولبسنياها وحط وردة بمخباتي وقال:ماشاء الله، بسم الله عليك!!

أخوي بحركة درامية جدع عقاله عند الوالد وقال: طلبتك تفكني هالعيد من حسحسة الكراعين والروس. رد:الله يذكرك الشهادة عين القز خربانة رح صلحها!!

#اول_مرة_استخدم_كمبيوتر أعلم خالي عليه وقعد يستخدمه ولهيت عنه، فجأة لقيته يهز راسه ويقول لا! ناظرت الشاشة لقيت طالع له:هل ترغب في حذف الملف؟

وريت خويي صورة بدر الزيدان قال:لايهمك يهودي! علمته إنه سعودي وشطح:هذا في ملكته بتبصم العروس بجبهتها على دفتر المملتس!

ولد عمتي بيشتري ضحايا:بكم النعيمي التركي؟ رد:هذا بلدي. قال:ماتخلون النصب. سألته:وشلون عرفت إنه تركي؟ رد:أبلخمه وشكله صادق...نرجع نشتري منه!؟

بعض الشياب مصر يشري خروف نجدي مع إنه مشهور بالطلوع(الخراج)، يجلس يتلمسه من أوله لآخره وإذا خلص تحس الخروف بيقول:أقدر الحين أدخل على الملك؟

سألت أبوي:ديرة تبعد١٨٠وأمشي بسرعة١٨٠ كم يبي لي آصل؟رد:ساعتين!سألته:ليه مزود ساعة؟ قال:فيك طبع مخيس ماتذكر أغراضك إلا في نص الخط وترجع تجيبها

‏‏#تسريحة_تستحق_التقدير‏ هي اللي تسنها سنام بعير: يدخل جسم البنت القاعة وبعد خمس دقايق يلحقها شعرها< تحكك يدك ودك تربط رقبتها بحبل وتنوخها

#تسريحة_تستحق_التقدير حر >شغلي المروحة. طفش >طيري. تنويه:التسريحة غير قابلة للتجربة في الصالة أو الهروب من المحاضرة.

جميل وهج فلاشات الكاميرا وهي تصور كشخة الوالد بالبشت لصلاة العيد، ومؤلم اختفائها عندما تسلمه أمي السكين مع سروال رياضة أخضر وقميص شتوي بني.

#لو_البنات_يذبحن_الضحية تسان يوم العيد يذن المغرب وهي ماسكة السكين ومقابلة الخروف تقول له:والله ما باليد حيلة وغصبٍ علي .. حللني وأبحني!!

أثناء الذبح فاجأنا ولد عمي (١١سنة) بشيلة أغنية: قلبي يحب البنيات! رجفه عمي وقال: خل عنك الأغاني وسبح وهلل وشل الجلود وإذا قضينا حب اللي تبي.

#ليش_تعيش_بالسعودية لأني كل ماقلت لأهلي: أبكمل دراسة بالخارج(تمهيداً للاستقرار هناك) ردوا:تزوج ولا يردك إلا قريح!<ماحصلت الزوجة ولا حصل قريح

كلمة شكر أقدمها لجميع المتابعين على حسن ظنهم وتحملهم، وأسأل الله العلي القدير أن يوفقهم ويمتعهم بالصحة والعافية. (٣/١)

شكراً لجميع من قدم لي الدعم فهذا جميل لن أنساه، والله يحلل ويبيح من اغتابني أو أساء الظن بي، وأرجوا أن تحللوني وتبيحوني. (٣/٢)

لظروف خاصة قررت ترك تويتر وإبقاء الحساب كما هو دون أن أقوم بإقفاله. سبحانك اللهم وبحمدك أشهد أن لا إله إلا أنت أستغفرك وأتوب إليك. (٣/٣)