طاحت الشمس وانقاد الهوى من مهبّه ليت صدري مثال مْن الفجوج الوسيعة من تعلّق بحلمٍ ما تحقق .. نشب به يبذل المستطاع وخاف ما يستطيعه مودع الصبر في قلبٍ يصاليه حبه وانتظر من مقابيل الليالي وديعة ما تعودت احط الوقت عرضة مسبه واقعي حاول اقناعي وعييت اطيعه

أنت يامسك البدايه ويا مسك الختام ماطرى لك تسقي اللي من الصده ذبل كل حاجه تنتهي بعد .. فقد الاهتمام الجفا مثل الدهر والوصل مثل الوبل انت تبخل بالمشاعر وتبخل بالكلام وانت جدانك من الجود يعطون الإبل الربا في الحب ماهوب عيب ولا حرام لا عطيتك حب وإحساس رجعها دبل

ياقطر دون حدش جيل يتبع جيل دولتي فالوغى …. تعلن تواجدها . ولعنة الله على امريكا على اسرائيل ولعنة الله …. على اللي مايرددها #الدوحه #السعودية

الا يارسولي بلّغه ماقدرت آجيه سلّملي عليه وخذْ سلامه وعطنيّاه لا قالوا تحبه قلت ماعادني بابيه ونا أشفقله أشفى من سقيم المرض لدْواه أقوِّي اعزومي كن معاد عندي فيه وأنا والله انّي مونسٍ البلا واكناه عروق الحشى ماتنبت الّا على طاريه تنامى على قربه وتهجر على فرقاه

قطعت الرجا من يوم برق الموادع لاح وغدت كل حاجه ماتبكّي .. تبكيني على اللي برى حالي غيابه و سدي باح أكابر و أزيّف ضحكتي و البلا فيني بقى له معي صوره على البال ماتنزاح حفظها غلاه اللي جرى مع شراييني عطاني علومه كل أبوها و رحت و راح ولا طحت من عينه ولا طاح من عيني

طاح الحطب مع طيحة الاوراق فرصة عمر جيت آتغانمها مشتاقةٍ تسعى ورى مشتاق متجلي العذر بمعالمها وصالها من بعد طول فراق وسميةٍ هبت نسايمها مثل الهوا فالخيمة أم رواق تلعب بقلبي لعب خاتمها وانا من آول همستين عناق حسيت نفسي كنت ظالمها توي عرفت إن الكلام يذاق ياحلو طعم الحرف من فمها

هذا الليل كن الشعر واقف على استعداد مراسيل شِيمه تاخذ الشوق ، و تجيبه لا طال المدى وارخى ظلامه وحزني ساد تذكرّت وصلٍ بارد الريح .. تومي به أحب الوداع المر ،، حتى الوداع الحاد لا صار اللقاء بعد الوداعات يا طِيبه توهمّت قربك يوم وصلك ماهو منعاد هذا قلبي الي ما تفيده تجاريبه

لاغاب عنك اللي غيابه مصيبه وطالت به الغيبه ولاجابه الشوق مافيه داعي تنشده عن مغيبه ماغاب عنك الا وهو منك مسروق خله يكمل غيبته وش تبي به لا تلحقه لو كل مطرود ملحوق ترى المحبه ماتجي بالغصيبه لو السما تطبق على الارض من فوق

وداع الربوع و سالفتنا ضحى الأثنين ما أعلم بها لو أن الأجرب على رقبتي

ياوجودي .. والوعد ليلةٍ قبل الربوع كل ٍ .. امساها وانا ساهر ما امسيتها قلبها ناراً تواقد واصابعها شموع تحتريني في وعدها وانا ماجيتها إستماته خوف رهبه ظما تشتيت جوع غيرها أشياء لو أعرف إسمها .. سمّيتها كل عمري عِشت به .. ما عدا ليلة ربوع أبتدت يا ليتها .. وأنتهت يا ليتها

لي ايام صدري ضايق وخاطري مكسور اجامل وانا في ذمتي .. ماني بـ حلوى يجيني بلا من شوفة المجلس المعمور ومن الارتباط ووضولة الناس والملوى اسرح مع الذكرى القديمه وادق الزور واصدد من وجيه العرب كني مجلوى مايرتاح بالي لين اسابق مغيب النور وحول على بعض المداهيل من علوى

من الطاري اللي حط صدري ثلاث امزاع سريت ومعالم نجد وآنتي معازيبي آحث القدم وعيون قلبي على المهزاع شعوري غريب وضحكتي بث تجريبي على ذكريات الماضي ، وتالي الاوجاع يامكثر تنهايدي ،، ومكثر تراحيبي مايملى الفراغ اللي ، تركتي ورى الاضلاع الا طيفك ، اللي بر بي يوم برتي بي

يا دار الأحباب كلٍ له من إسمه نصيب و أنا نصيبي من البيبان .. مقفولها غربت نفسي بـ نفسي لين صرت الغريب إللي عجز ياصل الديره و هو حولها أحتاج لأطيب خوي و أحتاج لأفضل حبيب لين الغلا و الهموم يقل .. مفعولها يا صاحب الخاطر المكسور خلك قريب عندي قصيده حزينه يمكن أقولها

جهلت وجه الفرح و أنا بـ سن الشباب عسى العذر في صغر سني و كبر جهلي عن طاري الهجر لو يفتح من الشوق باب شبت ورا الصدر نار جمرها . . يصطلي طعون الاحباب تاخذ من طعون الحراب منها العيون اتهامل . . والصدور تغلي ومن يوم ذقت الفراق وضاع حرف العتاب و أنا ولي الجروح . . اللي

وش اللي سرق من صوتك الحب يا مملوح لمحت الغلا مفقود من قسوة النبره اسولف معك ما كن لي فـ السبب مصلوح وانا والله انها خانقه حلقي العبره دخيلك لا ترجع لهفتي رجعة المكسوح ابي صوتك يعوّد علي مثل ما اخبره ما دورت غيرك يوم غيرك تجي وتروح على القلب ما تلقى لها دربٍ تعبره مع

تذكّر ثلاث أعوام فيها المواصل شاع نسانيسها عذبه ويسجع لها القمري وتذكّر يوم إن قلوبنا لـ الغلا شرّاع وثماني عليك ان طوّلت عوّدت عشري والحين لاوالله من صدّتك مرتاع أداري على نفسي وأداري على قدري أعزاز النفوس تموت ماطاح منها باع ولابد الظلام إن حل يطلع لنا البدري

طال ليل وزاد شوق وحن قلب ومر طاري وخاطب الليل القصيد اللي متعبني نذيره منعزل والعاشق يبين على وجهه مواري شوقه يدك الضلوع ويكشف الي فالسريره هيبت قلب جسور وزودت فيه العزاري ماقواها لو معه باس على جيوش كثيره مبتدا حرب المحبه تشبه لذات الصواري بالجيوش وبالدروع وبالسلاح وبالذخيره

غديتي على بال القصايد بدون شعور مثل كلمةٍ دايم على البال موجودة وش العذر يا غصنٍ تعدى حدود السور والأعذار ماتت والمراسيل مفقودة أنا قد خلقت من العتم والغياهب نور مشيت بذهابٍ ما تمنيت به عودة عزاي إن قريتي وصفك اللي ما بين سطور وعرفتي مقامك وإنك الحين مقصودة

أسافر على متن السحَابة وأدفّ الريح ورى غربتك، وآخر منازلك، وبلادك وأمر الليالي بالطواريق والتجرّيح لا جاد الزمان بكل طعنة ولا جادك أعرفك وأعرف انّك عمر مايبي توضيح يطول المدى ماخانت البيد ميعادك عسى ليلةٍ فيها من الشكّ والتبريح فدا ليلةٍ - فيها مجيّك ومعوادك

قد نسيت من المحبه وسجيت وسليت لين غنااا مخاوي الليل لي تقوى الهجر جابك الطاري وانا كل ماتطري بكيت ليت لي عين ماتبكي وقلب من حجر كل مايدعيني الشوق لديارك سريت لو ماغير اصلي بمسجد الحي الفجر ادري ان مواجهك صعب لاكن يوم جيت ودي اخذ في عيوني وفي قلبي اجر