على سكة التيه وعلى مفرق الخذلان وقفت اتأمل ماحصل بينك وبيني احاول على الصده واحاول على النسيان وعلى فطم قلبي عنك ماعاد يمديني تكاثرت وصلي وانت من جيتني ولهان وعطيتك من السنين الحياه اجمل سنيني انا ماقدر اصبر واتحمل قدر الامكان " وانا كل يوم اشوفك تطيح من عيني "

شعور الحنين اللي يجي كل ليلة عيد يلخبط شعور الفرحه اللي نصايدها يصوّت ضميري فـ الحشا كنه بن مهيد على الطلّه اللي فـ اول العيد فاقدها حلالاه ياذاك المعنّق و ذاك الجيد اليا علّقت فستانها و نقشت يدها

على عيدك مبارك تاقف امال انتظاري سيد هي اللي كانها ما جات منك مالها شاغر تمر الذاكره كنك شغف جدة ثياب العيد شعورً كل ما كني كبرت اعود له صاغر تلاعبك الطواري في خيالي واتهدا واتزيد مثل ليعاب ذعذاع النسيم لـ ريشة الداغر :)

انا بـ اعطيك احتمالين ماهو بـ احتمال فيها حـرية مغادر . . وحـرية قدوم ان رضيت رضاك مكسب وقربك راس مال اعترافي لك بـ قدرك يدوم او ما يدوم ان زعلت ارضتك الايام وارضتك الليال السنه واجد ثلاث ميه وستين يوم ! "مابعد قفى المقفي . . وقلنا له تعال من بغى الصدّه يبين علمها ومخدوم"

يامقادير الليالي طالت الطرقه علينا ان تقدمنا تعبنا وان تراجعنا انقهرنا وان تعذرنا وقلنا هذا ماتملك يدينا يعذرنا فالميه واحد وغيره ماعذرنا

لا انتهى عمر الغلا و أقفت عن ديارك رحالي لك يمينٍ بالله اني ما اتنازل بـ اللتفاته صدة الخذلان مافيها غرور ولا تعالي ايتجرع مرها اللي حبك بكل استماته

ودي ارجع من بعد طول اغترابي يا كثر ما اشتقت لـ الديرة وآهلها :)

انا لي اسبوع أعيش في"حالة استنفار" احس اني لحالي عن الناس في عزله ليا طرو المنهاج والبعد والمشوار؟ تقول ان قلبي وسط صدري يفزز له حلالاه يا شغال ميحد..وليل..وقار على لكززٍ لا نيش بنصه! يفزز له ما والله،،نوقف لين نفهق خبيث الدار مداهيييل بدوٍ طرشهمم"بعدو نزله"

حيث انه أول شخص يسقط من عيوني مرتين وانا عيوني من سقط منها ماعاد تعبّره !

تارك لي ذكريات .. ومداهيل وراي خاطري فيها وانا ماقدر اعوّد ورى ضاع لي حلم من العام والسبه وفاي مثل ماقد ضيعتني من الوضح عشرى مابعد شكيت حتى على اعز اخوياي من كرامة خاطر بالشكاوي ما ضرى تارك حالي على الله وهو دامه معاي والله اني في سعاده وفي ضل وذرى

انا البارحة بين التمنيّ و طول البال ما خليت شيٍ يفرض الحل ما جيته حياتي لو احسب كم اوقّف على الاطلال حياة معزولٍ " من دوامه الى بيته " لحالي مثل متغرب ٍ ضاق فيه الحال طواه الوله للدار و الدار نافيته

نفسي من التفكير والخاطر العمس ما عاد يجذبها على شيّ خرمه حط السهر جفني مرادٍ له من امس كنه مع جفني ذبح شاة غرمه صارت تغيب الشمس وتسفّر الشمس وانا على عيني من النوم حرمه

البارح احارب نعاسي عشان أسهر واليوم أدوّر على الغفوه ولا ألقاها .

ياغايبه ما أبغى ملامحك تنعاد أنا خلصت من الفراق وبكيته سافرت عن طيفك من بلاد لبلاد ولا وصلت لديرة . . إلا لقيته

مدري وش الحاجه اللي ضيّقت صدري طغت على الإبتسامه و أغرت الدمعه تصدّق اني من الضيقه ما عاد ادري هي ليلة السبت ؟ و الا ليلة الجمعه

عقلي الي كان يبغي من الواقع هروب تالي الايام يبغي الهروب من الخيال ما تنحت ضيقتي يوم لاحيت الهبوب زال شين من همومي وشين لا يزال ضيقوك وجابو اقصاك يا الصدر الرحوب كل ماراحوا وعادوا على نفس السؤال .

الحزين يشوف في بسمته سترة نجاه لو ورا البسمة من الحزن قومة وقعده من كثر ما هزّه الماضي اللي ما نساه ودّه إنه !.. ما يفكر فـ بكرة و بعده من يدقق في جميع المراحل فـ الحياه لا يلوم الا التفاصيل لا خاب جهده كثرة التفكير .. في بكرة وفـ اللي وراه تشغل الواحد عن الحاجة اللي في يده !

من عرفت ان التخاذل من كبار العيوب ما عطيت النفس فرصة تدور معذره لو عزومي ما توردني العد الجذوب صار حلمي مثل ورد نبت في مقبره طالب العليا لو تضيق به كل الدروب كن في صدره عن الياس عود ينهره أصرفي نظرات الإشفاق يـ الريم اللعوب انا ما ينظر لي إلا بعين المفخـره

بدا يعيش الخوف في قلب الشجاع وبديت أمل من ، الحياه الفانيه والمشكله مدري متى يوم الوداع ومدري متى يوم القطوف الدانيه لكن على طاري ضياع وماضياع أنا بديت أضيع . . مررره ثانيه

ودّي افهم بس نفسي ما قدرت افهمها مِـن يحرّرني من قيود الشعور السلبي ؟