د قطر امیر شیخ تمیم: نن یې په یوه تازه فرمان کې مردف القاشوطي د افغانستان لپاره فوق العاده سفیر وټاکه. مردف تر دې وړاندې د سفارت چارسمبالی و، چې د فوق العاده سفیر په توګه ټاکل کېدو سره یې د قطر استازولي خپلې لوړې کچې ته ورسېده. نن هند هم کابل کې خپله استازولي سفارت ته لوړه کړه.

پاکستانی جنرال: اسلام‌اباد ته راغلي کسان افغانستان کې هېڅ حیثیت نه لري. یو پاکستانی جنرال وایي، چې اسلام‌اباد ته وروستیو کې راغلي د افغان حکومت مخالفین افغانستان کې هېڅ حیثیت او ارزښت نه لري. درې اونۍ وړاندې د افغان حکومت ځینې مخالفین د افغان حکومت پر ضد اسلام‌اباد کې راټول شوي و

ملي دفاع وزارت: پینځه عرادې زرهې روسي ټانګونه یې ورغول. ملي دفاع وزارت وایي، چې د هېواد لوېدیځه قول‌اردو کې یې تازه پینځه عرادې زرهې روسي ټانګونه ورغول او ګټې اخیستنې ته چمتو شول. یاد وزارت وایي، چې ټول هېواد کې یې له کاره لوېدلو وسایطو او وسلو رغولو کارونه چټک کړي دي.

د ا.ا.ا ویاند مولوي ذبیح الله مجاهد: پاکستاني پوځیانو باندې د انتقامي بریدونو پر مهال امریکایي استازو هم راڅخه د اوربند غوښتنه وکړه. ښاغلي مجاهد دا څرګندونې نن یوې خصوصي رسنۍ ته کړي او زیاتوي، چې منځګړیتوب ته یې اړتیا پېښه نه شوه، یوازې د اوربند غوښتنه یې وکړه.

هندي رسنۍ: هند به ډېر ژر د افغانستان لپاره شاژدافیر وټاکي. هندي رسنۍ وایي، چې هند ډېر ژر کابل ته شاژدافیر لېږي، چې د سفیر تر ټاکل کېدلو پورې د سفارت چارې سمبال کړي. یاده رسنۍ وایي، چې د هند او افغانستان اړیکې په چټکۍ په پراخېدو دي.

#تازه د افغان سولې لپاره د امریکا ځانګړی پخوانی استازی زلمی خلیلزاد کابل ته را ورسېد. هغه د بهرنیو چارو وزیر امیرخان متقي سره لیدنه کې د کابل او امریکا متحده ایالاتونو ترمنځ د دوو اړخیزو اړیکو پر پیاوړتیا خبرې کړې دي.

د پاکسان د سنا غړي او ګوندي استازي: له افغان حکومت مننه کوو چې اوربند یې وکړ. د پاکستان سنا مجلس یو شمېر غړي او د لویو ګوندونو مشران اسلام‌اباد کې افغان سفارت ته ورغلي او افغان سفیر سردار احمد شکېب سره یې لیدلي. دوی د دواړو لورو په ښو سیاسي او تجارتي اړیکو ټینګار کړی دی.

هندي رسنۍ: کرن یاداو د هند لخوا د افغانستان لپاره نوی شارژدافیر وټاکل شو. هندي رسنۍ وایي، چې کرن یاداو به د سفیر تر ټاکل کېدو پورې کابل کې د هند سفارت ټول‌چاری مسوول وي. هند تر دې وړاندې خپله استازولي سفارت ته لوړه کړې او ژر به خپل سفیر هم وټاکي.

د صنعت او سوداګرۍ وزارت: نورالدین عزیزي د ترکمنستان نفت او ګاز ۳۰م نندارتون کې ګډون وکړ. د یاد وزارت د خبرپاڼې له مخې، دغه نندارتون کې په نړۍواله کچه د هېوادونو او شرکتونو استازي ګډون کوي، چې ښاغلي عزیزي هم د ترکمنستان په رسمي بلنه د یو لوړپوړي پلاوي په مشرۍ ورغلی دی.

د عدلیې وزارت: د لوګر مرکز ابچکان دښتې ۵۴۷۰ جریبه ځمکه امارتي ثابته شوه. عدلیې وزارت وایي، چې ځانګړې محکمې د یادې ځمکې په اړه له څېړنې وروسته دا پرېکړه وکړه. یاد وزارت وایي، چې هېچا ته امارتي ځمکې نه پرېږدي او ټولې به بېرته راګرځوي.

د ا.ا.ا د اطلاعاتو او کلتور وزارت هغه اقدام غندلی چې د پاکستان یوې ادارې له اېکس ادارې څخه د "طلوع نیوز انګلیسي" یو پوسټ د لرې کولو غوښتنه کړې وه. وزارت له هېوادونو غوښتنه کړې چې د رسنیو د ازادۍ اصل ته درناوی وکړي او د افغان رسنیو په اړه دې ناسم ذهنیتونه نه خپروي. #میثاق

پاکستانی دیني عالم: پاکستان نه ملک دی، نه تاریخ لري او نه هم کومه جغرافیه. نوموړی زیاتوي؛ پاکستان په سیمه کې د انګریزانو یوه چاوڼۍ ده، چې هغوی یې د خپلو موخو او مفاداتو لپاره استعمالوي.

میرویس افغان: د پاکستان او افغانستان ترمنځ د ترکیې په خبرو کې افغان لوری برلاسي ښکاري. د نوموړي په وینا؛ پاکستان د جنګ جګړو په اور کې سوځي مګر برعکس د نړۍ‌والو پام افغانستان ته راوښتی او تېره اونۍ د لویو پرمختګونو شاهد دی. #میثاق Mirwais Afghan

د ریاست‌ الوزراء اقتصادي مرستیال ملا عبدالغني برادر اخوند په مشرۍ د ملي تدارکاتو کمېسیون نوبتي غونډه کې ۳۵ پروژې وڅېړل شوې. د هغو له جملې ۲۲ پروژې چې د سړکونو، کانالونو، برېښنا او تعلیمي ودانیو په برخو کې دي. د ۳.۵ میلیارد افغانیو په ارزښت منظورې شوې. #میثاق