ما اغمض التحليلات السياسية نسبة لوضوح نبوءات الكتاب المقدس التي تتكلم عن علامات نهاية الدهر ...اصلّي من اجل كل طفل بريء قُتل بسبب مخططات الكبار الشيطانية...إن لهم ملكوت السماوات...

ما اجمل الكذب امام نصف الحقيقة

شو بشع يكون واحد عم بيحكي مواقف عالسوشيل ميديا وبالحياة العادي العكس ... وشو حلو واحد يكون مواقفو واراءو حتى لو ما بتقنعني هي ذاتها عالسوشيل ميديا متل مواقفو بالحياة....#خبثاء #وراء_الشاشة

اكثر المجازر والحروب في العالم وعبر التاريخ ارتُكبّت تحت عنوان " الله تبعي هو الصح والله تبعك غلط" ما ابشع واشرّ الانسان حين يكره ويقتل الاخر باسم الله جاعلا الخالق متراسا ومبرّرا لمطامعه السياسية والسلطوية...

الكوت ريتويت والرد على تغريدة فيها قلة اخلاق او تغزية للنعرات الطائفية تفيد صاحب التغريدة بنشرها ولا تضره.

من اوّل ما بلشِت المدرسة ،الاوتوكار بيوقف ١٠ ثواني تيطلّع ولادي ... وبتبلّش السيارات تزمِّر ورا... يمكن لازم يضل ماشي بلا تلاميذ تما يزعجن....شعب اناني بلا اخلاق بنسبة عالية...

ما حدا بيحبّك بالفن وبالسياسة وبالدّين اذا كنت بتحب الكل...اغلبية العالم بدا ياك تحط عدو حتى لو كان وهمي تتحمسلك....بس انا لح ضل حب الكل لاني مربّى عتعاليم فصل الخطية عن الخاطي...او الخطأ عن المخطي او تعاليم الخطأ عن المعلّم.

ما بدنا دولة علمانية ديمقراطية توحّدنا بمختلف طوايفنا...بدنا لا دولة وكل فترة طايفة تقوى عالتاني.

فيك تبقى عمسيحيتك ويحبّك المسلم الصادق...وفيك تبقى عاسلامك ويحبّك المسيحي الصادق....ما ضروري تحط ايات قرانية تيحبّك المسلم وما ضروري تحط ايات من الكتاب المقدس تيحبّك المسيحي ويجيك لايكات....يا غيّر دينَك اذا مش مقتنع فيه يا ما تتزلّف.....

للاسف صرنا بال٢٠٢٤ ومناهجنا بالمدارس بعدها تعتمد على حشو معلومات في رؤوس التلاميذ فقط لا غير...وهي بعيدة كل البعد عن المناهج التفاعلية المتقدمة التي تعتمد على المشاركة وتشجيع التلاميذ واكتشاف مواهبهم دون المقارنة والتصنيف بينهم

وقت توقع جريمة ويكون في دولة قويّة وقضاء نزيه محصّن ما حدا فاضي او بدو او عبالو يتهم حدا....بس بعدم وجود الدولة بتنفجر نص المدينة وبعدا لهلق تاركتنا نتحذّر ونتهم ونشكك ونخاف ونحزن #لا_دولة #الله_يستر

اغلبية الكومنتات تحت الفيديويات او الصوَر بتجي مسبّات واهانات لاشخاص ما عم بيهاجمو حدا بتأكّد قديش نحنا مجتمع بأغلبيتو مفترس ومتوحّش باني هويتو عكره الاخر للي منو من معتقدو الديني او ذوقو بالفن او رايو بالسياسي او حتى نوع الطبخة للي بحبّا.

ما في اوسخ من الاعلام...عمرو دياب شاف برغشة عخد للي بدو يتصوّر معو كرمال هيك شبقو كفّ.

في ناس ما بتتذكّر ٤ آب والودايع والحرب الا وقت يجي عمرو دياب علبنان.

فصل الدّين عن الدولة يحمي الدّين ويحمي الدولة ويحمي المواطن مهما كان دينه او ايمانه او عقيدته.

لا خوف على لبنان طالما هالقد عنّا كميّة غير محدودة من المحلليلين السياسيين .

اغلبية للي بيسبّو وبيجرحو وبيهينو بالتعليقات بفوت بشوف صورهن بالبروفايل بخجل من نفسي قدام ايمانن وخشوعن وروحانيتن.... مش تاركين آية مش كاتبينا مش تاركين نبي وقديس مش راكعين تحتو. نعيش في مجتمع فيه الانسان خبير بسحب العلّة للي فيه ورميها على الاخر وادانته.

نحنا مجتمع بأغلبيتو قادر ينسى انفجار ٤ آب بخبر فنانة عم بتضحك بعزاء..وننسى الودايع اذا نكتة من كوميديان ما حبيناها..وننسى شهداء الحرب اذا حدا ماشي مزلّط عالطريق.

ما اوسخ من بعض التعليقات للي عم بتعلّق عوجّ فنانة كبرٍت بالعمر او تعرّضت لازمة صحيّة إلا الموقع الفني بذاتو للي حط صورتين للفنانة هيي وصبيّة وهلق مع عنوان ما همّو الا اللايكات وعدد التعليقات..#انقرضت_الانسانية

في كتير فرق بين الرأي والنقد الفني او السياسي او الديني او الرياضي...الرأي بيجي حسب اذا آكل فصوليا او تبولة امّا النقد الفني اختصاص علمي يُدرّس في الجامعات.