إخلاص سالم حمد يتجلى في بيتينه يوم قال : أنا آسف أني رحت من دون ذكر أسباب و لو أني بحب / بأحبك معاهدك بالله حشى ما تركتك من عيوب أنت ما تنعاب و لكن عزاي أني تركتك لوجه الله

ليه تنشدني وانا حالي يوضح حالي واضحه في حالي الصدمه لو اني جاحد . الليالي تاخذ الغالين غالي .. غالي والمواقف تشخل الاصحاب واحد .واحد

هذا ضيّ الصبح .. او هو بعض نورك ؟

انا كل عام ادفن من ضلوع صدري ضلع اللى طاب جرح أفراق غالي رحل غالي كسرني زماني كسر عود الحطب لا خلع من فنود سمرٍ عرقها فـ الثرا بالي

اخترت صعب يستحق الشقى به ما للسهل في بحر الامجاد مرسى

كل ماجانا مطر والقاع تقبل صبّه قلت ياربي وأنا عبدك لاتخليني واحفظ اللي والله إن اموت وأنا أحبه واغفر ذنوبي وخله لي ولا تشقيني

الفقد يبقى فـ القلوب والعقول تأثير ما يمحاه يوم ولا سنه زود على كثر المشاكل والحلول كلام واجد ماقدرت افصح عنه تمتلكني عبرة عيت تزول على الفقيد الي تكفن بـ كفنه مرت علي ايام بعده وانا اقول إن كان هاذا حلم صحوني منه

ماحدٍ مرتاح غير اللي يزيد إدراكه أن من يركض ورى أوهام الحياة هبلته كل منّا في عراك ٍ داخلي .. وعراكه يصنع اعدا من وهم، وهموم بمخيلته يااا وجودي بس يوم وجيهنا ضحّاكة قبل تطلق هالحياة ظروفها المنفلتة

من لايعيش العمر سامي ومتغاضي ماهيب دايم ظروف الوقت خادمته كنز القناعـه غنـاة الـنفس للراضـي يعيــش دنـيـاه فـاهمهـا وفـاهمتـه

الحسَاء حسانا لو الدهر نساناً❤️.

قامت الدنيا تمادى و تعطينا عروض يالله توفيقك و عفوك وسترك والنجاه ندري ان العمر محدود والدنيا حظوظ وثمرتها السيره المستقيمه و الصلااه وانت ياللي بارق الحزن في عينك ينوض العرب ما من وراهم لا فقر ولا غنااه خل في شخصيتك لو شي من الغموض لاتصير كتاب مفتوووح من مرّه قراه

حبيبي عادك النجم القديم إن صد ليل و عاد تحت جنحك أردد ضحكتي وأرتب أعذاري خذيتك عن هزال الناس ويدين .. الظلام عناد وكم مرت شهورٍ ما نشدت بْها عن أخباري ضميت الود وعيونك مناهل .. والسنين سهاد على وين اتجه لو ضاع في سود الهدب ثاري

خلق ربّي جمالك يا عفيف العرض عشان اللي يشوفه يتْعض منّه إذا هذا شكل واحد من أهل الأرض أجل وشلون شكل الحور فالجنّه ؟

يا غرامٍ يندعى به على الصدر الرحوب من ظفر به يشكر الله على حسن المئاب ٰ انت غاية من تمنى ونكسة من يتوب معك ياهون المصايب ويا كبر المصاب ٰ فيك مصياف الخواطر ومرباع القلوب وفيك من نجد العذيّه عواصيف المهاب ٰ وفيك يلقى اللي يحبك من الواقع هروب ما درا انه رايحٍ من عذابٍ في عذاب !

اوفا بشر لابتي واغلى ديار وطني🇶🇦

تبخّرت كل الأماني وأنتهت كل الحلول يا روضة أحلامي تعدّاك السحاب المنهمر ياللي من فراقك عرفت إنْ آفة الورد الذبول حرام الأشياء الجميلة في بشاعة تندمر ما كنت أخاف مْن إنبهاري كنت أخاف أنّه يزول كانت علاقتنا خيال أروع من أنّه يستمر

يا رب خارجني إذا خاطري طاب وأطفت رياح اليأس هقوة سراجي واهديني الراحة لو بجوف سرداب وأمطر عليّ برحمتك في عجاجي وافتح ليا ضاقت مغاليق الأبواب يا رب .. والدنيا لا تعقد حجاجي .

تصير المدينه .. عندي من العصر وخلاف جناح المريض اليا اقفوا الناس من عنده

والله اني من عرفتك تنومست نوماس عزً لكل شخص وقبيله ياحبيبي والغلا لو تحسست شريان قلبي لك مكانه جليله ✍🏻