السلام عليكم ورحمة الله كيف الحال يا معشر كم شخص🫡 هذه الحساب بخليه مثل المدونة على الاشياء الي تعلمتها والصدق هذه الفكرة في بالي لها فترة واليوم قررت ابدء بدون تاجيل بحكم اني دخلت مجال جديد. وباذن الله تكون بداية خير وبركة والله يقدرنا على فعل الخير.❤️ نقول يارب ما اسحب😀😀

في شي قريته قريب الصدق الكلام عجبني وحبيت اشاركه. هو انك تخلي هدفك في كل شغله تسويها يكون هدفها لنفع الناس. اذا الله رزقك بعلم او مال انفع به غيرك وخلي هذه هدفك الاساسي. لعل الله يفتح لك ابواب بس بسبب دعوة من شخص ساعدته ولو بمعلومة او ريال حتى.

فكرو بالاستثمار بعيد المدى من الحين واستغلو فكرة (compound interest). حرفيا من اكثر الاشياء الي يندمو عليه المستثمرين هو انه ما بدء من بدري. وان ما كان عندك دخل او طالب. الفكرة انك تكون لنفسك عادة ولو ٥٠ بالشهر والين ما يكون عندك دخل وتدخل بعادة وخبرة.