رغم المصايب و الصبر ماتطرقت احـدٍ .. من العـالم يلملـم شتاتِي ويـوم انّها لـزّت عليَّ .. و تحققّت ! ذكرت منهو يوقْف .. لْـ مُعضلاتِي انا نصيته .. بعد ما حكّني : الوقت وشتتّ لي الضيقة مع اربع جهاتِي

حطّي الدنيا على كتفي .. وروحي واعتقي من ليلك الدامس وشاحه وجهك لـ ظلمى ليّاليّي ..وضوحي من يناظر به تعمّ ارجاه .. ( راحه ) شامتك غاية .. لها شِعري وبوحي ! " يابعد من حط لي فقلبه مساحه " المكان اللي به قلاده .. طموحي (: اتركيني معْـه في رحلة سياحه .

اه لو لي قدرة ارجع لـ ماضيّي صغير قبل لوعات التخلّي، وطعنات القفا بعت من قدّم لك رضاه والحب الوفير يوم تغفى من سواتك وطرفه ماغفا بين تمتمْت التساؤل وتجبير الضمير ليه احسّه واقفٍ فوق جرحي .. ما كفا ؟ السلام الداخلي مبطي : احسه اسير بين صدمة التجارب، ومحصول الأفا

ارحبي يامن تخطّت على كبد الثرا يا سحابه وبلها .. عمّ ساحات الفياض عنْك مايغني شيوخ ومناصب واومرا ولا مباني ولا قصور ومساحاتٍ عراض لوّ .. بسمات الاوآدم لها بيع وشرا لأشتري لك كل بسمه على سبع الاراض ولو .. يُوزّع نور قلبك على العالم ترا مابقى فالناس عتمه بعد هذا البياض

اقولـه .. و انـا لـي لابـتن تمِّـن الحـدّان لها المجـد تليد بـ وجه الايـام تشهربه ! سلايل يام بن يصبا لا من المواجه حان م تضـرب سوا فالكبد والنحـر بالحربه !

يمّــه" يدينك ماهي .. بـ ايّة يْدين ! يا حاتميّـه بـ العطاء .. في زمانك مـْنك استمد الصبر والعطف واللين و القى بعد كثر التشتت .. امانك زانت تجاعيدك على كفّك .. الزين رسمـه إلآهـيّه .. لـ عُظمـة كيانك تعشوشب الدنيا .. وتزهر بساتين لا مرَّت النسمـة ، حَـوالي مكانك

تركي المعلّث يقول : هقواتنا خيلٍ بليّا مصاريع ماتمشي بمشهات من يمتطيها رديت عليه وقلت : عند الكرامه .. مانساوم ولا نبيع لو الثمن دم الرقاب .. انْحميها وين انت؟ ياللي عاقتك ذبّة الريع ازهم لصكات الدهر .. نشتريها

ريح الجفا صلفه وانا خاطري هش ادنات … ما مرّه يشتت شعوري ! ما لاح لي برقك ، ولا مواصلك رشّ رغمّ انّي احبّك بصوتٍ جهوري الحبّ .. خلّا احلامنا في كنف نعش من عقب ما هي في بساتين جوري

عند الكرامة .. مانساوم ولا نبيع لو الثمن دمّ الرقاب .. انْحميها وين انت ياللي عاقتك ذبّة الريع ازهم لصكّات الدهر .. نشتريها