الليله السهره على خط الفراق يهيب يالفرقا تجيك مفاجئه وضعي يشابه مابقا وسط العراق ولا أهي بالتشبيه صارت لاجئه #جرة_قلم

مايختلف فالهوى جاهل و عالمْ كلٍ تجي رغبته من دون ضّنه واللي متفارق ترى ماهو بسالمْ نجر الهوى لازم بليلة يدّنه #جرة_قلم

على طريق مفارقين الحبايب وفي موقفٍ صامت وممنوع الازعاج حل الفراق وصار ضمن العجايب صدمه وكل ٍ صد من قوْ الاحراج #جرة_قلم

على صباح الخير والجو عجْه يشبه لجو اللي مفارق حبيبه وانا مع الابيات صجه ولجه واعي واعرف الهينّه والصعيبه #جرة_قلم

مع كل طلعت شمس بلقالي حبيب وأودعه لا حان لي وقت الغروب من هكذا حالي وأحس اني غريب خلاص أنا بصحى من ذنوبي واتوب #جرة_قلم

أغيب والغايب يجي عذره معاه وأعود وأخذ وقت وسجّ القدم ترميني الدنيا مع كل أتجاه والعفو عندي خير من وقت الندم #جرة_قلم

القصيد يساق لك مثل الركايب حيث تفتشها ليا نوختها هن بنات أفكار من سبع العجايب وكل بنتٍ فكرها غير أختها #جرة_قلم

عل وعسى غصن الغلا حي مامات خبري بذعذاع الهوى أن شد يومِي اللي جرى لي حلم والوقت مافات ردوْ عليْ يامفسرين الحلومِي #جرة_قلم

أغيب وارجع واحسب لكل مافات عذري معي لو العواقب وخِيمه احسن اجي بزعاج واغيب بسكات وعندي النوايا غير ماهي سليمه #جرة_قلم

لازلت اغرد وأبدع البيت والقاف ومادار بالخاطر يجي في قصيدي شاعر ولي مبدأ ومعنى وميقاف وبالشعر لايمكن يخلص رصيدي #جرة_قلم

هب البراد وبينتٓ نجمة سهيل واللي على بالي لهالحين مابان عقبه قضيت الليل هم وغرابيل وخاويت همي خوة الذيب سرحان #جرة_قلم

أسمع بقول أن التواصل له جسر وعن وصل ملهوف الحشا مالي غناة محتاج له باليسٰر ولا بالعسر معه احس بلذة سنين الحياة #جرة_قلم

والله أنْ الوصل من عقب الفراق من دون لا ريحه وبلا لون وطعم #جرة_قلم

كان ودك في حياتك تستريح لا تعاتبني يابو خدٍ ندي والله اني بالغلا ماني شحيح دام قلبي لك بساط ٍ أحمدي #جرة_قلم

متى على الله لي تزف البشاره محتاج اجدد مابقى في حياتي سهر وقصيد وبرد وايضا زقاره يحس فيها اللي يسوي سواتي #جرة_قلم

في ليال البرد عني لاتغيب والله ان احتاجلك شوق ودفا بالشتاء كنك علاج من الطبيب والقصيد يساق لك وجه وقفا #جرة_قلم

أغنم من حظوظ الزمن فرصةٍ لك فأن راحت الفرصه ترى صعبه تعود دنياك درس ومابقى حصةٍ لك أنجح قبل لاتفرك العود بالعود #جرة_قلم

أتهيض بالشتاء والجو بارد ودونكم والله ما أونست الدفا والحقيقه لو يكون الفكر شارد يشبه لبرد الشتاء برد الجفا #جرة_قلم

يالله ياللي برحمتك تحفظ حلب انصر حلب من النجوس الطامعين أنت اللذي بقوتك تغلب من غلب أجعل لنا البشرى بنصرك يامعين #جرة_قلم

لايطول الوقت وتشّين الضروف وأنت قدم البير وتحس بضما جبت لك كل النقط فوق الحروف وحول مفهوم المعاني بك عما #جرة_قلم