أمسيت أكبّر هقوة المشتاق فـ الصبح السعيد وأصبحت وأنت أبعد من البارح ، ومن عوّادته :(

إقتنعت إن الليالي متاحف ذكريات يوم تبطي سجة البال بين أسوارها اللي ظاهرها سعادة وباطنها شتات وحشةٍ ما ملّت النفس من تكرارها ما لفقدك غير نعمه وحيدة فالحياة باحت الدنيا بعَدْك بجميع أسرارها العيون تداري الدمع من كل الجهات مثل الأم اللي تداري شعور صغارها

" أحيان ودي أعذرك بس مالك عذر "

ابتديتك غلا .. ولا عرفت .. انتهيك و شرّف الضيق بالصدر الوسيع وقلط عادني في رجاك / و عاد عيني عليك وعادني فـ الطريق .. و خابر انه غلط

يانديم الذات ماكنت ذات من الذوات أنت وجهة دربي اللي عرفت أختارها وقفتي .. بين التماسك وبين الانفلات حيرةٍ مع كل !.. لهفة شعور ، أحتارها جاد بك عمرٍ مقفّي .. وحظٍ في سبات وابتسمت البسمة اللي دفعت اضرارها الخطاوي يوم ترفق على وجه النبات لو تفج ضلوع صدري .. لقيت آثارها

"معك الليالي كن فيها الضياع سرور لا هانت حياتي ما تهون أنت و ربوعك"

' وان ضما قلبي من الوقت واجحاف السنين من مناهل وجهك السمح ، عيني ترتوي ..

الفعل محسوب : والّا الهرج مجاني والناس يكسب رضاها من يجاملها .

اعرف ان الطواري ما تمّر إلا تجيب احباب يجي طاريك كن البال في جدول مواعيده َ ادوّر لك عذر ياللي تدوّر للغياب اسباب يا شبه الكلمه اللي بعدها غصّه وتنهيده َ من آداب الفراق إنّك تصون العهد للغيّاب اخاف الجرح يهدى وانت تلقى عذر وتزيده "

' أنت حلم وطاح من كف السنين والسنين تروح . . ما توقف لأحد

يامشاريهي على ويش اتشرّه طاب فال الليل ما طيّبت فالي مابقى لي قلب تبقى فيه حرّه راح للي ماعرف قيمة وصالي قالت وصالك مثل قهوتك مرّه قلت من هو قال لك فرقاك حالي؟ لو يطيح النجم من عمق المجره ما تطيح الغاليه من عين غالي جاتني تبغي المسرّه والمسرّه لو ادل دروبها سرّيت حالي

"خابرك لك صدرٍ كما البيدا ولك صبرٍ وثيق يوم الليالي تنقض الهيّن و تفتل عوقهـا"

رغبة في"أبي لي غيابٍ فيه سجّة وراحة بال / عن أرض الصخب .. ياخذني لكوكبٍ خالي"

يا ألطف من الغيم وأمتع من رذاذ المطر في عيوني أحلى من القمرا ومن نورها تصدّقي بالكلام اللي ماهو مختصر الناس دايم تصدّق حسب ميسورها أنا فقير المواصل وانت كلك نظر ترى الفقارى قليلك يبهّج صدورها الليله اللي تجيبك ذيك ليلة عمر وأنتي مسا خيرها وانتي مسا نورها

عسى لاوصله العلم يستأنف التفكير ابي ينشغل فكره من الحين لي بكرى “ تمنيت وصله بالفكر ماطلبت كثير أبا اطري على باله مثل ما علي يطرى “

فصل الشتاء رد السلام وساق ذعذاع البراد " رحبت به " وانا الهبوب البارده محتاجها !!

القلوب اللي نجيها ولا نلقى مكان لو تعريّنا الليالي .. ما عاد نمرّها .

لا قيمة لآراء الناس، مادامت أفعالك تمنحك ضميرا مُريحا."

طاري الشوق لا طال الفراق ايتجدد ياعشير ٍ ما جاد الحظ بك يوم جابك كم لي احن لـ الماضي معك واتصدد لا تذكرت خيبة هقوتي في رحابك ما اقدر اعاتبك بعد الجفى واتودد وانت مع سكة المقفين تشعب اركابك لهفتي يوم اجي مع شارعك واتردد كنها موتت احلامي على سور بابك )؛

كل ما جيتك وريتك ترحب من صميم قلت من قاصي خفوقً وراه اللي وراه البقى ياحب عندي . . من الشي القديم اللي مهما طال عمره ما نقص من غلاه