الغياب أبرك من الحاجه اللي ماتفيد والخواطـر تنجبـر لا انكسـر روتينهـا مابغيت اقاطع المجتمع واجلس وحيد لين شفت النفـس مالله عليـه إيعينهـا من تبع شَف العرب من قريب ومن بعيد ماقـدر يملك رضـاهـا ويملي عينهـا .

أنا عن اللي جاي ماعندي علوم ومستقبلي ماا أعرفه الا بـ ذكره واثق تمامًا بان كل شي مقسوم مثل مااثق في حمد ربي وشكره وفـ مطاول الآمال مانيب ملزوم بـ اعيش يومي بس وأحب وأكره لـ أحدٍ يهرّجنا فـ بكره من اليوم حنا عيال اليوم .. يا عيال ، بكره .

عريبة نسب يهنى بها العـزّ فـي مربـاه لها من جليل العز نود و حماد وضوح يا بنت الكبار اللي لهم صيت وجه وجاه تسامت فعايلهم يوم إن الدميّ تفوح .

على الله والانسان يتعافى من الازمات لو النفس تفنى . . قبل تقضي عوايزها تعيش الاوادم . . كلها في عنا ، واثبات وتسعى .. ورى ( غاياتها ) لين تنجزها والاهداف كل اللي بعدها من اللذات ما يشبه متع لذاتها .. ( قبل ) تحرزها.

القلب له من جاير الوقت زمّه مير الزمان الشين محدن يناحيه َ والله لولا ضلوع صدري تضمه روّح مراح الطير من كف راعيه .

لاترمي المزحه على كل جالس ترى نفوس الناس ماهي سويه احفظ لسانك لا دخلت المجالس ماكل من قابلت تصبح خويه .

الجناب السمْح مني واليدين الحاتميّة ممتلي قلبي شعور وممتلي صدري رحابه من طباع الاولين اخذت صبر وطيب نية واتزان ورشد وادراك وحضورٍ ينحكى به لابسه عزي وشاح وبي غرور وعنجهيّة اتباهى بي فخر وآنا سليلة :راس لابه اجودية فارقة عن كل بنتٍ اجودية مثل ما فضل النبي زايد على فضل الصحابة

كل نفسٍ في هواها مسفهلّه لو عليها فـ الحيـاة اللي عليها .

تحت دبرة الله ماعلينا خلاف وخوف تمر السنين وتمشي إن سرّت وضرّت .

يارب حاوطني بنورك وين ما رحت ورجعت واجعل قدومي مرحبا وقفايتي برد وسلام .

جعلني لاجيت في بال من أطري عليه إن ماتبسم وأنشرح خاطره ما اضيقه .

من وين مارحنا لنا العز محجوز واذا حضـرنا بالصفوف الاوليه.

كلٍ على عرقه يمد الواجيب وكلٍ على مرباه ينطق لسانه .

من فضل ربي علينا ، ننحشم ونحشم الطيب فينا وريث جدود ، ماهو كلام .

لاتقنع العالم … بشيٍ تسويه قد قيل من مبطي رضا الناس كايد الناقصين … يكبرون المشاريه والواثقين … يكبرون الوسايد

لاتلتفت في حسايف وقتك الماضي غامر على العز ، و التوفيق عند الله .

النفس لولا القناعة ما عسفناها اللي ل أجل عزها قامت قيامتنا كم حاجةٍ ودنا فيها و عفناها مهما غلت مهيب أغلى من كرامتنا .

كل ماشفت العباد اللي يعيشون بضعافه قمت آعرّض راسي المرفوع للريح ومهبه .

استغفروا فلا تعلمون كم ذنب سـ سيغفر " أستغفرالله العظيم واتوب اليه " .

وش لزومي في مفاهيم البشر مخطي وصايب العقول مقسمة والعاقل بعقله تقدّا أستميل لعزلتي وأبعد ولا عندي سبايب غير حبي للهدوء إللي عن اللجة مبدّا .