ويظل المرء ينتظر ظهور ذاته الأفضل بدون السعي لتحقيقها.

هل الإنسان بيتعود على الشخص أسرع ولا بيكتسب العادة أسرع؟ يعني لو حد بدأ يلبس بشكل أفضل وأشيك علشان شخص ما. هل هيتعود على الشخص ده ويحس إنه مش محتاج يلبس كده تاني الأول، ولا هيكتسب عادة اللبس الشيك الأول؟

راكب مكروباص. كل ما أحسن إني خلاص حددت كل البوصلات اللي على الطابلوه أكتشف إن لسا في تاني. حددت لغاية دلوقتي ٦ وخايف يبقى في تاني

عمري ما كنت بحس بالوحدة رغم إن كتير بحب أكون لوحدي، لكن دي أول مرة أحس بيها فعلاً. المعاناة منغير حد يشاركها معاك وتقلبوها هزار وترول، بتحس ساعتها إنك فوحدة فالوحدة بس سيبك انت من الاسكراب والبالطوا. الأوت فيت الرسمي لطبيب الوحدة هو العباية

الحمدلله تم رجوع المية لخزانيها بعد خلافات استمرت لخمسة أيام. كل اللي اتقال إشاعات أنا والماء إخوات

ويقولك المفروض أزعل إني معيِّد فالتكليف!!! ده بعيدا عن اللحمة والشاي التحفة. كفاية الجو بس ❤️😌😌

🌑🔥

#NewProfilePic

سؤال يؤرقني بقاله فتره هل المصطلح الأدق للعسل الأسود هو فعلا عسل أسود؟! ولا الأدق هو دبس القصب؟

والله إنك عنكبوت فرفوش علشان كده مش هقتلك

#NewProfilePic تم خطف يومين قبل النووي

أي مشاكل عندي بتختفي لما أصحى أشرب كوباية الشاي على المنظر ده

بفضل المواصلات تم تغيير ترتيب أولوياتي ل العربية أولاً، ثم بعد كده بقى نشوف حوار التخصص ولا الجواز ولا السفر لإن لو مش كده مش هيبقى عندي ظهر للحاجات التانية

أنا علاقتي بالعباية دي بدأت تاخد منحنى خطر. مهو يعني إيه اليومين اللي بتبقى فيها فالغسيل مببقاش طايق نفسي وأول لما تتغسل وأرجع ألبسها بحس بفرحة محستهاش فتخرجي، ومينفعش أروح مكان هقعد فيه اكتر من يومين إلا ولازم أخدها معايا. هو ده طبيعي ولا أنا الجفاف العاطفي عندي وصل السلوم؟

شادد في الدنيا رحالك, ماشي ما بتشكيش في حالك

تخرج من البيت تتحر جسمك يعرق علشان يرطب عليك لكن الحرارة عالية فالماء يتبخر ويبقى الملح فتروح البيت متبل جاهز للتسوية

أنا مشواير الجيش دي خلتني مستني اليوم اللي فعلا هخش الجيش علشان أركز فمكان واحد لفترة كده.

هو الجيش هيعمل إيه لو عرف إني باخد مخدة معايا الوحدة علشان أحضنها وأنا نايم

My new obsession كوباية شاي فالمية وخمسينة

أنا حاسس إن المهر محتاج يقل 15%ولا حاجة للرجالة اللي بتعرف تطبخ. أصل بصراحة لسا عامل شوية رز بكبدة الفراخ مع شوب جوافة باللبن مخليني باصص لناس من فوق