ولكنك لم تحبني.

زمان كانت تعتبرني ملجأ لها ، واي شي يصير معها على طول تقوله لي ، الحين ماتحب او ماتبي تقولي اي شي ، انا مدري سويت شي غلط عشان هالشي يتغير او هي ماعاد تشوفني ملجأ مثل زمان ، معرف

كتبت لها جريدة لاني مااتحمل اشوفها متضايقة حتى لو معرف وش السبب بس مااتحمل، حتى لو عندها احد ثاني بحياتها وهو او هي الي مضايقها ، او حتى لو انها مو متضايقة بس تحاول تتهرب مني، بس مجرد شعوري انها متضايقة مايهون على قلبي مهما كان السبب ، انا صدق احبها من اعماق قلبي

المهم تصبحون على خير والله يلعن الحب ويلعن اللحظة الي قلبي الغبي قرر يحب

ياليت اقدر احضنها وانسيها الضيقة والزعل ، انا متأكد انها بترتاح بحضني

" عطيتها قلب يتمناه الف محروم" "عطتني جرح يهد جبال"

يارب تكون نايمة ومرتاحة ، ويارب تقوم مبسوطة ومافي شي مضايقها ونفسيتها احسن

يارب ترجع تحبني مثل زمان

ودي انام بالمحادثة حقتنا رغم انه مافيها شي حلو بس ابي اكون قريب منها

صحت من النوم شافتني مرسلها كلام طويل ومسجلها فويسات وكله كلام حلو ، تقول ليش كل هذا؟ بدال ماتنبسط اني معها ومابي اشوفها متضايقة تقول ليش كل هذا؟ مافيني شي طيب وقسم بالله انها تزعل

تقول قريت كل كلامك بس مرض الشك الي فيني ، يقول انها ماقرت بس قاعدة تسلك لي، ليش احس كذا ؟ وش هالاحاسيس؟

والله مشكلتي اني احبها حب مو طبيعي ، كاني في البدايات معرف وش هالمشاعر الي ماتموت ، اذا هي مشاعرها ماتت انا مشاعري ليش ماماتت ؟، ليش للحين اشوفها مميزة واشوفها احلى شي عرفته بالدنيا؟

ابغى اشوف الانستا حقها ، قلبي يقول انه في شي هناك وفي احد تكلمه ، بس خايف كيف افتح معها الموضوع

انا مستعد اموت عشانها واضحي بكل شي لها بس هي مو مستعدة تسوي اي شي عشاني

بهالعلاقة اكتشفت اني انسان بدون كرامة ومعرف كيف ممكن احط عيني بعينها اذا ربي جمع بينا

قعدت اترجاها واخر شي فتحت رسايلي وماردت وقعدت ترسل ستريكات ولا كانه في شي ، ولا كانه في انسان مكسور ومقهور ومجروح بسببها

احاول ابعد عنها واحاول اتركها بس مقدر

انا بس ابي اعرف هي ليش تكرهني ، كانت تحبني وتموت فيني ليش تغير كل شي؟ هل هو طفش او لقت واحد ثاتي ، او ماصرت اجذبها مثل زمان

طيب اذا هي طفشت انا ليش ماطفشت؟ ، ليش قلبي مايفقد الشغف مثلها ؟ ليش للحين معلق عليها ويبيها اكثر من اي شي

افتقد لكلامها الطويل ، افتقد لدلعها لي ، افتقد لكلامها الحلو ، واضح كل تفكيرها رايح مع شخص ثاني😔 بس والله مابي اظلمها وقسم بالله مابي ، قد ظلمتها قبل وتندمت ، بس قلبي كذا يحس وش اسوي ؟