لله در النفوس القانعه والنظاف مهما يشح الزمن بأرزاقها راضية

عزالله إني عقب فرقاك . . في غربه لو كنت وسط البلد بين اهلي وربعي لو أوصل الجار وأصحابي و ذو القربه " الحزن غيّر عليهم وجهي و طبعي ".

حلمت فيك البارح كنّك تناديني سمعـت صوتك يناديني، ولبيته وفزيت مفزوع الا وينـك وويني وأثاريك حلم على الواقع تمنيته

أنت يعني لانويت تغيب باقف عند بابك ؟ لا وربي تاقف الدنيا وأنا " تأبى الرجـوله " ماتعودت أتبع المقفي ولو حضرت جنابك رح عساها خيرةٍ والدرب لك عرضه وطوله

ما عاد تسعدني من أيّامي أيّام وأشياء واجد في عيوني تساوت .

أنا ما عاد أطرب مع الطير وغْناه ودي لو إن الطير ... ينفذ بـ ريشه تدخل من الباب الكبير المُعاناه والابتسامة ،، تطلع مْع الدريشه لكن ... لا زلت بخير ، والحمدلله حتى لو إن الدار بعدك ! وحيشه يحزنّي ... إن الماضي اللي بنيناه ما هو بـ مثل الواقع اللي نعيشه

ما خاب من قال : ربي أنت المُيسَر ، وأنت المُسهَل سهَل أمري ، وحقق مطلبي وسخر لي ماهو خير لي .

بيني وبين النفس حرب وطلايب مرات أنا الغالب ومرات مغلوب تمضي حياتي بين مذنب وتايب واللي يريده خالق الناس مكتوب ".

تمـادى بالخطا والظلم والبهتان وأهديتـه خروج ٍما يجي عَـقبه . . رجوعٍ ولا تجماعي

"أحسن الظن بِالناس كأنهُم كُلهم خَيِر ، وأعتمد على نفسك كأنهُ لا خير في الناس".

من كثر ماماتت احلامي بـ ليلة يقين ماعاد فيني على نزف المشاعر نسم لو انطعّن كل ليله وانكسر كل حين يطيح دمعي على خدي وانا مبتسم .

يا صاحبي لو تسمع هروج عني من ناس قالوا كلمةٍ مالها ساس حاول تعاملني بما شفت مني ماهو تعاملني بما قالوا الناس .

تجاهل الجاهل على شان ترتاح واسمع من العارف لا منه تكلم .

مد النظر قدام لا تقصر الشوف واطرب شبابك دام الاشواق حيه .

خلك بحر غامض وبأعماقك أسرار وفي ظاهـرك للناس عزه وهيبــه لا تشتـكي جــرح الليــالي والأقدار يدوس جرحك من تحسبه ، طبيبه

لو قدرت أجمع ما بين السهل و المستحيل كيف بـ جمع عقل ناضج . . . وقلبٍ عاطفي ؟

سبحانه اللي يزرع بذور المحبة فالقلوب واليا عطى عبده قبول الناس جاته مقبلة بعض الآوادم تقبله لو فيه شي من العيوب وبعض الآوادم لو تحاول تقبله ما تقبله

تحسه من زود المحبه يشرق بقلبك مثل ماتشُرق الشمس على أهل الارض .

مافيه احد يبقى معَك طول الطريق حتى ظلالك يتركك بعد .. العصّر

الله .. من جفنٍ عن النوم محروم قلبٍ رجف بين الضلوع النحايف حاولت انام .... وﻻ تهيّا لي النوم النوم والهاجوس ... ماهم ولايف ما تستريح العين والبال مهموم ولا يستقر الحال والقلب خايف غديت مثل الي بالإعدام محكوم ما مات …. لكن من العمر عايف