ما تموت المحبه لو يطول الغياب انت موطنك قلبي منت عابر سبيل .

من عطاني قدري أعطيه احترامي ومن تجاهلني تجاهلته وطفته ومن يدور قربي أعطيه إهتمامي ومن يقفي عني أهملته وعفته والمكان اللي ينزل من مقامي تنكسر رجلي لا جيته وحفته .

ماكل ساكت ماعلى خاطره شي ولاكل صرخات الحناجر لها صوت .

إن جلسنا معزه وإن رحلنا إكرام وإن حكينا جزاله وإن سكتنا بحر .

أنا إللي شاف أن التغاضي حل والصده صواب وأقفى له بقلبٍ ماهو يجزع وعزمٍ ضامنه لو الهزيمه من عدوي كان باب وله جواب مايوجعك كون الهزيمه من حدٍ مستامنه .

بين أحتمالات الغرابه والذهول ياقرب بعض الصمت من بعض البكا .

إليا كسرت الغصن لاعاد تسقيه ماعاد يــ نبت .. لو تـرده محله .

كل يوم أسمّن عذر والهقوه تخيب في رفيقٍ شح طيبه وقدّم لي رداه .

حتى لو ان الغلا فيني واصلٍ حده لي عقل يدرك حدود الشوق ويكابر قياس عمق الجرح يحدد المده مده تحولك من غالي الى عابر لاشفت مركب غلاي رياحك تضده بيصير مالك مكان وقيمه ودابر كسرت لك خاطر ومديت لك صده والخاطر اليا انكسر معاد له جابر .

أنت سند نفسك ولو دارت الأيام أنت رفيقها وفرحها وعوضها وأنت لا تزاحمت سود الليال قام سيفك على سود الليال يحتلها لا تقول ان الصديق ما يغيره الأعوام الاعوام تغيرت وش عاد اهلها ؟ بد " نفسك " ودايم خلها قدام والي ورا سوالف محدٍ يمها .

تعرّضت أمَور صعاب ماني بهّا مكلوف بعضها ظلمني كُبرها مع صغر سنّي .

" يارب أنت أكبر من الحظ، وأكبر من هذا التعجيز وأكبر من هذه البعثرة، إختر لي ولا تخيرني وأكفني شتات العقل وحزن القلب وحيرة النفس "

دربٍ يهين النفس ماني بماشيه لو قام خفاقي على الضيق وأمسى .

عليك باللي يلحق القول بأفعال ولا الرّدي خله وجنب مساره أنشهد أنه ما كذب واحدٍ قال من لا يعدك ربح عدّه خساره .

نصبر على جور الليالي و الايام والعمر يمضي والليالي سريعه ياقلب لا تحزن ترى الخير قدام عند الذي مد الصحاري الوسيعه .

"قبل الموادع .. نحسب إنّا قويين وعند الوداع أثر اضعف الناس حنّا"

مستعَّد أخلي بلاد، وأنزل في بلاد دام ذعذاع الكرامه لا هب، يـهبْني والقلوب، إللي خذاها التغطرس والعَّناد مستحيل! أشري رضاها عشان تحبني '

والله اني ما اتعنى في رضا اللي ما يبيني لو يرف القلب شبيت بـ ضلوعي وكويته العمر مره واذا ما طالت العليا يديني ابتر الثنتين شيمة روح عزٍ مستميته الضعافه ، مالها عندي قبول ولا تعنيني والردى ، شفته على غيري يهول ولا هويته ..

شرهةٍ في غير حق وحاجةٍ من غير قيمه لا تعرّضها على عقلك ولا تاقف عليها .

أنا أكبر من الطيحه و أنا أكرم عن التبرير و أنا الشايف العارف و لو كنت متغاضي.