. العمر وقفات والدنيا دروس وعبر والعاقل اللي عرف الايام وحمولها . من جادل الجاهلين يضيع له في بحر فلا تخاطب الناس الا بمستوى عقولها .

مابعد عسر الزمان الا تياسيره لو سود الايام تفجعنا حقايقها بنسوقها في رجاء اللي مالنا غيره خلاق الأنفس ، وكافلها ، ورازقها

يجاملك رجل يبي منك مصلوح و يصالحك رجل يدور صلاحك هذاك يأخذ حاجته منك و يروح وهذا معك ما يبغي الى نجاحك

لابد من عقب المطاريش معواد ولابد من عقب المواجع عوافي ولابد من عقب السهر لذة ارقاد ولابد من عقب الكدر جو صافي

عن مقام الطيب مانرضى التنازل والخساير من هل الطيب مخلوفه ، من رقى فالشامخات من المنازل شاف شيً ماقدر غيره يشوفه

والله اني عارفٍ ماعلى الدنيا مقام من رجاهامثل راجي سراب القايله الحظيظ اللي توجه لربه واستقام واشترى الدار الاخيره بدارٍ زايله

نعيش ف الدنيا العريضه ونحلم ويمكن نحب اشياء وفيها مضرّه . يارب وانت اللي عن الغيب تعلم اكتب لنا اللي فيه خير ومسرّه

خوةٍ تحفظ وقارك وتزهى مستواك وترفعك على معاديك واتدق انحرة َ وخوةٍ تقطع احبالك من اعز اقرباك ماتخلي لك مذاري ولا ظل اشجرة

بعض الشجر لو يبطي الغيم ما أسقاه يموت راس الغصن والجــذع نابت مثـل الكفـو صلف الزمن لـو تحداه تشوف حاله شين والطيب ثابت

الكلمة اللي ما تليــق ،،، بـ مقـامـي تمــرني و اسكّــر السمـــع ،،، عنها افـرض على كفـــو الرجال احترامي وارفع مقام النفس ، م أرخص ثمنها

اثقل ديون الطيب دين الجماله وألذ طعم الطيب طـيب المواقيف وازكى دروب الطيب درب العداله وابرز صفات الطيب رد المعاريف #..

يا الله ياللي عليك الضيق وإفراجه تغفر لنفسٍ عليها الهـم ساهجها ٰ نبعد عن المنه ونبعد عن الحاجه ونطلب مـن الله سبحانه يفرجها

صدوف الليالي مدرسه والحياه ظروف ولا فيه شي أحلا من الطيب في حله لا تندم على المعروف ياراعي المعروف ليا ضاع عند الناس ماضاع عند الله آكثر ما يضيق خاطري نشدة الملقوف ليا شاف فيني من ظروف الزمن خله عساني ليا زليت ما زل عند ضعوف عسى زلتي قدام من .. يدمح الزله .