ان طعتني غير الموضوع الجرح يسرى مع الظلما تلمع عيونك بدون دموع تقول ساعه دخلها الما !

لو اني اعد ماتنثر عيون المزن ماروْيت القاع لكن السما وافيه الشعر ماهو كلامً نقتفيه بوزن الشعر خارج نطاق الوزن والقافيه ياللي سرقت القصيده لو سرقت الحزن معها ما والله زعلت وجعلها عافيه

يالبنك لاتتصل مخباي منحمسه اللي تخبره معي جوني وقالو به تقييم مندوبكم من 1 لـ 5 وتقييم الاجواد من والنعم للكوبه

جعل هالحاله اللي فيك ماتبطي يامثير التعب بـ رياحك الهوجا كل هالناس تخطي وانت ماتخطي مايشوف البعير رقبته العوجا

ليلةٍ من ليال البدر كانت طريفه كان ليلك لحاف وكان عنقك وساده مرّت النسمه عيونك وطاحت قذيفه دمعتك فوق خدي تعبتني زياده ليش تبكين و دروب المشقّى كليفه؟ والمشقّى ما شيّب راسه إلّا عناده جسّي شْغاف قلبي باليدين اللطيفه ماينافسك في عرشه من الغيد غاده مْتبصر بـ عقلي ، يالعيون

تطق صدرك ليه ؟ دامك هاجد واللي ورى الطقه يبي له طاقه والله ياصدرك جاه طق واجد اكثر من الطار بـ يدَ الطقاقه

ذخيرة الشوق دايم ( دمعةً حيه ) لاتبلش بضيقتك يالشاعر الشرقي دايم طرف غترة العشاق مملية مثل الدسم في رواق معشي الطرقي

اللي خذت قلبي وراحت لا سوال ولا جواب الله يا مقسى مكابرها , وحلو اعتابها ! عشانها لو اقضي العمر المحدد بـ اضطراب عيونها تستاهل اتعب فـ العمر واشقابها !! من دون درب وصالها رسمت منع الاقتراب حتى لو اللي يطلبون , الاقتراب اقرابها ! اذا اقبلت جمالها يفوق تفصيل الثياب ماهيب هي

الجادل اللي يمر القلب دوار صيد مفلّكن بندقه ومولمن ساعده عليه خصرً يساعدنا لبدع القصيد وردفً على قومته يبغا من يساعده هذي لو تقول يالشاعر ماعندك جديد اجي لها الشعر من لافيه لـ مساعده

, مرحبا حي الله اللي جت بعد ما غابت خاطفه قلب الهواوي بـ الثقل والهيبه لو تعرفين الليالي يا الغلا وش جابت ؟ ما تركتيني ضحيه , لـ الجفى والغيبه ! الجروح اللي من فراقك تراها طابت ! كان وصلك ما ينقضها علي يا طيبه !! لو صبر قلبٍ عزومه فـ المحبه شابت ما صبر عقلٍ يشوفك بين شك وريبه

عيون ساهر ولا عينه ليا جيته يفرع الموت لابانت لك الفارع الظاهر ان لوحة الـ (100) قبل بيته عدد ضحاياه ماهي سرعة الشارع

يعطيني الله فوق ظني ياعمر لامن سجدت وقلت همي وعوزي ويسوق لي في غمرة الظلما قمر ويجيب لي في ساعة الضيق عنزي

هذا الحرير اللي مخلا وامهدود تلمه الريح ويعود ينتثر ويطير سرب من العصافير ويعود اليا هدا بال السواليف وخثر وش هالجمال اللي وكل ماله بزود حتى تجاوزتي وصرتي هالكثر من رقتك جايز على رمل النفود لو داست اقدامك مايلقالك اثر جيتيني ورحتي مثل ذعذاع نود واحييتي بقلبي شعور مندثر

ماعلى عهد وضاح الثنايا صكوك لاضمن قلبً يدور رضاه تركه طبع الانسان لو يحيى حياة الملوك يبهت الشي عنده عقب مايملكه ما اذكر اني قطفت الورد من غير شوك ياعيونً على استعبارها موشكه المشاعر لها في كل موقف سلوك وغالبا كل لحظات القلق مربكه

لو اني اكابر على بعض الاوضاع وش يستر اللي فالضلووع يتعرا ؟ اسبوع : وانا بيني وبينه صرااع ماعاد معي اللي من الصاد لـ الرا ضعفت عند الشوق والشوق طماع يرضيك يوم انه علي يتجرا ؟! احتاج فـ مواصلك : نوع من الانواع يـخـلي اللـي دااخل الراس بـرا

تومي براسً مايسوى غترتك وعقالك والعيون من الجهات الاربع تحاوطني طاب ظني فيك لو الله مطيب فالك ليت قلبي مستخير وعقلي مغلطني يوم جيتك في لزومي ليه شان قبالك جيتك اسحب هقوتي ماجيتك اسحب بطني واحد يبري عناك وواحدن يبرالك وواحد خذ ماتبي تاخذ / وواحد عطني

جهلتي مع خطاياي الكثيره فكرة التصحيح صنعتي من غيابك شاعرٍ كثروا محبينه ترك داره و خالف سربته قبل الصدور تبيح و اخذ في غربته ضحكة حبيبه و اول سنينه طوى لك سكته بين الجروح و لهفة التلميح يضمك في ضلوعه طيف ، قبل تضمك يدينه تمرينه لا شاغل سبحته بالذكر والتسبيح ولا ربي كتب له ..

مشاعرً بين التعالي والخضوع مافيه غيرك فالوجود اولابها لاشاف وجهك قال ممنوع الرجوع يسري لو ليلتك مايسرى بها وان شاف عنقك يحسب المتن مخلوع واليا تمثنى لبتك صلى بها باقي زرار وبس من بين الضلوع فكيه وتفك السعاده بابها

ياجميله كيف افوّت فرصتي وافوتك والمشاعر من حلاوة مبسمك متحده ودي احيابك واداري خاطرك واموتك قبل جثمان المحبه لايوارى لحده بعدك اشعر بالقصيد اللي يثير سكوتك وقبلك اشعر بالفراغ العاطفي والوحده كيف ماحبك عساني مانحرم من صوتك وانتي احلا صوت واحلا وجه واحلا وحده

أخذوا بعضكم من سنيني وخلوني سنيني الماضيه والله ما اسامحها و خلّوا لي اللي يعدّل ميلة ظنوني والحاجه اللي يخربها .. يصلحها اللي تجرّا : ينزل دمعه عيوني اثره تجرا عليها .. لجل يمسحها يالله بـ صبح ٍ يقويني على طعوني لين افرح الفرحه اللي ودي افرحها