سلامي على إللي شوفته تبري العّله عليه الحشا ملهوف والعين ظميانه .

لي وليفٍ سم حالي و أنا عنه انتحيت حالف أن عيني على غيره ما لدّها في وداعه يوم قفّى تهيضت و بكيت يوم نفسي جنبّوها من اللي ودّها ..

ارحب بطيفك لاضوى والعرب ممسين تراحيب عود ٍ تو ما طابت جروحه ㅤ رزقه الله بطفلٍ بعد ما فهق خمسين وغدا عنده اغلى من عيونه ومن روحه

عفى الله عن قلبٍ ليا قلت وضعه زان خذا له شوي وعوّد الوضع مثل أول .

دوافع الوصل للعشاااق معروفه اسرفت بالشوق واخشى ذنب تبذيري يااصوتك اللي عليه الروح ملهوفه ان جابه الخط له شكري وتقديري انا فدا وجهك اللي كل ما اشوفه اقول للضيق روح دور على غيري

هيه يالي جاب طاريك ذعذاع النسيم حزةٍ فيها الهواجيس بي متخالفه ㅤ اتذكر يوم عادك تسّولف لي واهيم يا عساه ابرك مواجه مع ابرك سالفه ㅤ عادلك في جرهد القلب وعموق الصميم حاجةٍ ما هيب تنسى ولا هي بتالفه

يا فاتنه قلبي خضر مدري يليق او مايليق اشوفك بكل السنين اللي تضم اليالها انتي الغزل وانتي الشعر وانتي البحر وانا الغريق ب عيونك النجلا بضحكتها ب حبة خالها وشلون اخليها وانا ذايب على نص الطريق من بعد ما ذاب بنحرها البرزخي سلسالها .

يوم جاء وجهك صباحٍ فيه مال الضيق داعي جادت الدنيا سلام.. وسافرت بالعين قرّة للسماء قبلة عيونك، لأوَّل دروبك مساعي لأخرك نجمٍ قديم، وفي وهَج وجهك مجرّة كيف أشوفك في فتور من الهوى وأنت اِندفاعي؟ شايفٍ فيك أجمل أيّامي.. ملذات، ومسرّة

تمر السنين وكل حاجه على المعتاد هذا دربك ادله وذا بيتك ادله ولازال صدرك عن حنين الغريب بلاد تبعدني ظروف العمر وارجع لـ ظله توقف ملذات العمر بين شرب وزاد ولا ألذ من صوتك الى جاء في حله جعل كل يوم قد مضى لي معاك يعاد وأنا مايكفيني معك مامضى كله .

درةٍ ماهدّفوها أهل الغنايم تكسر البترول والسوق العقاري يرتكب لعيونك القاضي جرايم خل ملحقت المساريح المساري

يمّ الحبيب الي هروجه تعاجيب يا عين لدّي له ويا رجل سجي

أبعدي همّ المحبة وعيشي بي صديق الصداقة عمرها اطول وانا ما اعرف احب ㅤ بدويٍ . . يكره الضيق لكنّه يضيق يعني لا اسلوبٍ حضاري ولا صدرٍ رحب

أدعي الله كل ماشفت برقٍ في مخيل يسقي القاع المحيله بشقٍ من سما صاحبي ماعاد عندي على الهجران حيل وانت تقدر تروي الكبد وتكف الظما عقب فقدك يا أتلع الجيد ما ليلي بـ ليل عايشٍ ما بين جور الزمان وربّما كل ما يطري لي الرمش والطرف الكحيل أصفق كفوف الندامه على عذب اللما

الغلاا لا صار ماله في وجودي طاري ! والله إن أغيب وأبعد دامك المتجاهل غلطتي إني عذرتك وأنت منت بداري يوم توجعني على شيٍ ماهوب يستاهل

" حي من ذكره مسرّه وقربه ينشرى "

ملكني غرامك لين صرت املك استعداد اناصر ضحايا الحُب و افهم مجانينه ادور لـ جرحك من يدين الطبيب ضماد و أثر ما يضمد جرحك إلا سكاكينه

ما خبر قلبي على . . قلبك ردا بس هجرك صابني في مقتلي عاذرك عن كل حاجه ما عدا كيف هالشهر ما باركت لي ؟

هلا يابسمة الوجه الحزين وخاطر الملتاع هلا يانسمة الليل العليل وضحكة أيامي عرفتك وانتهى عصر الحسافه والتوجد ضاع ولقيتك واقعٍ أجمل مدى من سالف أحلامي أنا وشلون لو أبعد وأقول إن الدروب وساع وأنا مالي سوا دربك عظيم ومصدر إلهامي

والله إن بالي طويل ودايم ٍصدري ، شمالي و الزمن يبغى . . يبّيح سدي و بيحت سده والكلام ، اللي ليا من مر قدمي ضاق بالي ؟ أحذفه بالصدر كني حاذفه . . في بحر جده طاح من عيني عتاب وطاح دمع وطاح غالي و العيون إن طاح منها شي مااا والله تردّه :)

جفى الغايبين اللي ليا عاهدو ماجاو هو اللي يخلي سيرة الحب مكروهه عليك انت ياللي هرجك احلى من الككاو ونفسك على اعلى مستوى العز منبوهه معي منك جرح .. وسم بالله عليه وداو اداريك واحنك .. من أثمه ومشروهه عط الراي قلبك شف هوى القلب وين وهاو ترى السعي في غير المشاهي؟ هو التوهه