خد بس أول خطوة والدنيا هتنور طول ما أنت ماشي. مش لازم كشاف عربيتك ينور الطريق كله من القاهرة للإسكندرية عشان تقرر تتحرك. لا،كشاف العربية بينور ٢٠٠ متر ب٢٠٠ متر و انت بتتحرك لقدام وعندك يقين انك ما دمت ماشي في الطريق، هتوصل. اعمل كدا في كل حاجة تانية، ابدأ بس بأول خطوة واتحرك.

إستخدام التليفون في الترفيه والشغل والالعاب والتواصل والمذاكرة والتعلم ومشاهدة الفيديوهات، كارثة كبيرة. كل مرة بتفتح التليفون هتكون قدام خيار صعب جدا بين الترفيه الجميل وبين الشغل او التعلم. حتى لو بدأت بالفعل في حاجة مفيدة، هتكون مشتت وبتقاوم. استخدم لابتوب، بلاش التليفون.

شوف مقدار الوقت اللي بتقضيه في اليوم الواحد وانت بتستخدم التليفون في الالعاب ومنصات التواصل و التصفح اللي بدون غاية. وبعدين تخيل الوقت دا - اللي هيكون على أقل تقدير ٤ ساعات يوميا - لو رجع لك تاني تستخدمه في أي حاجة الا التليفون، هتعمل ايه؟ #your_time_is_limited

السعادة اختيار مش صدفة، اتلكك عشان تنبسط بدل ما بتتلكك عشان تنكد على نفسك. الدنيا مليانة مأسي وانت مش اشقى واحد في الدنيا دي. هتنيسط وتفرح لنفسك، هنكد هيكون على نفسك بردوا، محدش مهتم ولا فضيلك. خد بالك من نفسك، واتلكك عشان تفرح واللي تعرف تعديه، عديه. وكل سنة وانت طيب 😍❤️😘.

وَكَذَٰلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ ۚ نُصِيبُ بِرَحْمَتِنَا مَنْ نَشَاءُ ۖ وَلَا نُضِيعُ أَجْرَ الْمُحْسِنِينَ ﴿56﴾

رتويت لعلها تشفع لك .

رتويت لعلها تشفعلك.

#حق_محمد_محمود_لازم_يجي_شهيد_الغدر

الإتجاه والطريق🧭 اللي انت ماشي فيه أهم بكتير من السرعة اللي انت ماشي بيها. أيهما أفضل؟ إنك تمشي ببطئ و واحدة واحدة في الطريق الصح. والا إنك تمشي بسرعة فائقة ولكن في الطريق الخاطئ !؟ الإتجاه أهم من السرعة.

"عند معاشرتك لبعض الناس، ستدرك وقتها لماذا خلق الله جهنم." - دوستويفسكي

أنا أسوء حاجه ممكن تحصلك في حياتك .

لو أنت مش بتتعلم مهارة تقدر تتكسب منها أونلاين من خلال العمل الحر أو بيع خدمة أو حتى تطور مهاراتك بحيث تقدر تقدمها بشكل ديجيتال وأونلاين، هيفوتك كتير جدًا. مرحلة التعلم هي أصعب مرحلة لأن مفيش عائد أو مشجع عليها ولكن صدقني المستقبل في العمل أونلاين. واحنا حالا في المستقبل.

تغيير عقليتك من: "أنا مش هقدر، أنا مش هعرف!" لعقلية: " إزاي أقدر وإزاي أعرف؟" بيخلي دماغك يبحث على حلول وأفكار بدل ما بيدور على أعذار ومبررات. دائماً اسأل: إزاي أقدر...؟ و ماتقولش "أنا مش هقدر".

أهم مرحلة في حياتك هي فترة الجامعة. اللي أنت بتعمله في سنين الكلية، بيسمّع معاك بقية حياتك، بدون مبالغة. الفترة دي مميزة جدا، مفيش ضغط، مفيش مسؤليات، عندك وقت كتير، ووقتك ملكك، تقدر تقريبا تعمل وتتعلم أي حاجة أنت عايزها. استغل الفترة دي أوووووي لأنها مش هتتكرر.

"إقرأ ما تحب لحد ما توصل انك تحب أن تقرأ" مش مهم تبدأ بقراءة الحاجات اللي كل الناس بيقولوا عليها مهمة ومفيدة، إقرأ عن حاجات انت بتحبها وبتشدك، قصص مصورة، روايات جيب قصيرة، حكايات فرغلي المستكاوي! ما تسمعش اللي بيقول الروايات تضييع وقت، إقرأ الحاجة اللي تشدك وتجيب رجلك للقراءة.

اسعى انك توصل للمرحلة اللي تقدر فيها تشتري وقتك بالفلوس بدل ما بتبيع وقتك بالفلوس. فالغالب، معظمنا بيشتغل في وظيفة ٨ او ٩ ساعات يومياً، مقابل مرتب شهري، يعني تقدر تقول انت بتبيع ال٨ ساعات دول لحد عشان تنجز له وظيفة. اسعى انك تكون الشاري مش البائع، وقتها بس هتحس انك حر.

أكبر كذبة بنضحك بها على نفسنا، هي: "معنديش وقت" معنديش وقت أقرأ. معنديش وقت أشوف الكورس. معنديش وقت أمارس رياضة. معنديش وقت أكتسب مهارة تنفعني...الخ. كل ما هنكرر الكلام دا، كل ما هنكون حريصين اننا نثبت دا فعلا وللأسف هنكون بنشتغل ضد نفسنا وضد مصلحتنا. بلاش نقول "معنديش وقت"

الناس الي بتكون معاك وانت واقع ومفيش فيك حاجة سليمة وصُحبتك مملة وكئيبة ، ويفضلوا جمبك يفكروك بأحسن ما فيك، لحد ما ترجع كويس، مينفعش يتساووا ابدا ابدا بالناس الكويسين معاك لما بتكون تمام بس ..

"قبل عام، كان كل شيء مختلفاً ، لم أكن لأتصور نفسي هكذا.. والآن بعد أن نظرت للخلف، أدركت أن سنة واحدة يمكن أن تفعل الكثير لشخص."