الكلب لما تعطيه ماكلة وحنان تلقاه مخلص ليك طول العمر مافهمتش علاش ولاد الكلب مش طالعين زيه

نحلم حلمة حتى نولان مش حيقدر يخرجها هكي! مسافر مصر بالبر و مش عارف ماختمتش في البوابات و بعدين بنزور ورق مع عصابة و رئيس العصابة دار معاي صحبة و جوه عصابة تانية بيغتالوه و قعدت في النص و جماعته بيولو عليه،،، و منصور البعباع مأجر الشقة بحداي مافيش مكيف و طلع جسمه محبب و يبي يعالج.

تنام من غير أدوية وتستيقظ دون ألم .. وتتقلب دون وجع .. وتمشي دون مساعدة .. وتأكل ما تشاء وتشرب ما تشاء .. فـ احمد اللّٰه كثيرا ..

هناك ديون من نوع آخر، لا تُكتب في الدفاتر ولا تُسدَّد بالمال، تُسمّى ديون المواقف! تُحفَر في الذاكرة ولا يمكن نسيانها.

كان مش من الوضوء راهو الواحد مات بالعطش ...

الشعب الليبي العجيب،،، في رمضان امتا تتصل بواحد: الصبح مايردش - راقد الظهر مايردش - راقد مروح من العمل العصر مايردش - راقد مروح من العمل المغرب مايردش - فطور العشي مايردش - صلاة تراويح بعد العشي مايردش - بيرقد لانه غدوة عمل! معظلة ليبية بجدارة!

حلمة عجيبة احداث غريبة و نسيت هلبة التفاصيل المهم ... اللي نتفكره انه معاي وزة اسمها سارة عندها تخلف عقلي، ايه وزة زي ماقلتلكم، عندها فار لعبة مربوط على رقبتها! وصوتها حزين 🙃

الدجاج اللي في السوق شكله متربي في منتجع وياكل في لوز وفستق يستر الله في خروفان العيد زعمة يعلفوهم بالنوتيلا

الصورة هده فيها3 حاجات صعب تلاقهم توا الذهب والدحي والمرأة توكل في راجلها

إحنا مش كارهين مصر ياغبي إحنا نحكو ع مستوى الدولة ، يعنى يامصر حاضر نعطوك نفط ونساعدوك حتى ف سعر معليش ، بس حتى انتى ياماما ألغي فيزا اللي جهدت الليبيين بال$ وصلت 300$ ، يدفع فيها ليبي من دمه ويامصر معاش البوليس متاعك يتمنيك ع سواقيين ليبيين ويامصر ويامصر وهكذا هذا اللي قصدناه ،،

الواحد يستحي من ستر الله وكرمه اللي مغرقه رغم تقصيره الله يديم علينا ستره

😂😂😂😂

عارف لما تكون عندك بردة و زكمة و حساسية ووو الخ و تاخد حبة مضاد حساسية و تختمها بجغطة شيروبو كحة، فقت الصبح نقول لولدي يلبس كندرته لقيت روحي بنلبسها اني 🙃

الدولار 10 سعر البضاعة : 50 جني الدولار نزل 8 سعر البضاعة : 50 جني الدولار ركب من جديد 10 سعر البضاعة 70 جني

ازدواجية المعايير

حب لاخيك ما تحبه لنفسك

ليبية مكسدة مع راجلها قالتله تعرف علاش لعبة الشطرنج مافيهاش ملكة قاللها .. لا لا قالتله … لان المرأة ما تحبش تكون لعبة مشي راجلها قاللها تعرفي علاش خلية النحل مافيهاش ملك قالتله … لالا قاللها لان الراجل ما يحبش الزنين 24 ساعة ...

🙆‍♂️

انا كمشجع للاتسيو يؤسفني اني حنقول: فريقي فالح في تغيير مجرى الدوري،،،، يخسر مع الفرق الضعيفة و يربح في الكبار!!! فريق يركب الضغط ولكن ... الكبيدة حرفة! Forza le aquile 🦅

ليبي يحضر في دكتوراة في امريكا في البغدد! سألوه شن هو البغدد؟ قال لازم تمشو لليبيا وتشوف بروحكم، اول ما وصلو بهدلوهم في المطار طلعو مالقوش تاكسي لان بنزينة ناقصه وصلوا الفندق مصعد واقف لان طرح أحمال ،قاله الامريكي نحس في حاجة علي صدري ومش قادر نتنفس قاله الليبي هو هذا البغدد