- 7 ذو الحجه 👌 صوماً مقبولاً وإفطار شهيا ♥️ تقبل الله طاعتكم وصالح أعمالكم 🤲

بحب أستخدم كلمة ( حضرتك ) فى كلامى مع أى حد بتكلم معاه سواء كان كبير أو صغير بس ما بحبش حد ينادينى بيها 🤗✋ 💞وتصبحوا على خير 💞

بقينا عايشين فى بلد كل طموحنا فيها إن لما نحط دماغنا ع المخده بالليل مايكونش علينا حاجه لحد ومكفيين بيوتنا مصاريف وأكل وشرب وعلاج ، وبالنسبه للى جاى مش فارقه كتير ، وزى ماترسى هندقلها والكل بقى ماشى اليوم بيومه وبقينا حتى نخاف نفكر فى المستقبل عشان مافيش معانا اى حاجه نواجهه بيها

- 8 ذو الحجه 👌 صوماً مقبولاً وإفطار شهيا ♥️ تقبل الله طاعتكم وصالح أعمالكم 🤲

بلاش تسيب لنفسك أثر سئ عند أى حد وخلى الكل يفتكرك بحاجه حلوه إنت عملتها معاه سواء كلمه أو حتى ضحكه أو موقف جدعنه منك ، حتى لو إنت إنسان مش كويس بينك وبين نفسك مش لازم تطلع عقدك ونقصك ع الناس ، وأهو لما ربنا ياخدك تلاقى اللى يفتكرلك حاجه حلوه ويترحم عليك ويدعيلك كُن ذا أثر #الفجر

على سبيل السعاده ♥️ الجامع الليله فى صلاة الفجر كان أشبه بليالى رمضان عكس الأيام اللى فاتت والحضور كان ماشاء الله جميل ♥️

- 9 ذو الحجه 👌 صوماً مقبولاً وإفطار شهيا ♥️ آخر ليله فى أفضل ليالى الأرض وكل عام وحضراتكم جميعاً بكل خير وسعاده وعيدكم مبارك وربنا يجعل أيامكم كلها أعياد ♥️ تقبل الله طاعتكم وصالح أعمالكم 🤲

سيدنا إسماعيل قال لأبوه يابا أنا عاوزك تكتفنى وتربطنى جامد وتبت الرباط عشان معرفش أفلفص منك وإنت بتدبحنى وعاوزك تحط وشى فى الأرض عشان عينى متجيش فى عينك فأصعب عليك،أنا عارف يابا إنك مغلوب على أمرك وإنك مبتعملش كده من دماغك جزء من خطبة العيد من على لسان الإمام بالنص،عوض علينا ربنا

- يُلامِسون قلبى أولئك الذين ينتبهون لتفاصيلى الصغيرة التى لا أنتبه أنا نفسى لها. - جبران خليل جبران✍️

لحد دلوقتى جالى على صراحه 8 رسايل كلهم أجمل من بعض ، ربنا يجبر خاطر أصحابهم ويسعدهم ويفرحهم زى ما أدخلوا على قلبى الفرحه حتى لو بالكلام ، وكل عام والناس الطيبه بخير وفى خير ❤️ 107468592402914792355.sarhne.com #صارحني

_بتعمل إيه لما حد بتحبه يقع فى مشكله ؟ الحمد لله عندى من البلاغه والحكمه ما يكفى لحلها👌 _وبتعمل إيه فى مشاكلك ؟ الحمد لله أنا اللى بغرقنى الحمد لله أنا اللى بورطنى الحمد لله بغرق فى شبر مايه😂😂

ياعم ماتشغلش دماغك مين يسأل ومين ميسألش ، دول بياخدوا التليفون معاهم وهما داخلين الحمام 🤗😂

إسمحولى أقولكم صباح الخير من على شط راس البر وزى مانتوا شايفين محدش لسه وصل غيرى 🤨 تقريباً هو ده اليوم الوحيد اللى بخرج فيه من بلدنا وأجوارها 😂😂 صباح الفل بقى 🤝♥️

مصر كلها عارفه إنى شرقاوى وواحد باعتلى على صراحه بيقولى إنت منين 🙄😂 أنا من الشرقيه ياغالى ♥️ 107468592402914792355.sarhne.com

ما ينفعش العيد يمُر مرور الكرام غير لما يكون العبد لله خاربها زى كل عيد ، مش مضيعنى غير نزاهتى وفلوسى اللى كلها رايحه ع الكيف والمزاج 😂😂😂

سيبك من الأهلى والعظمه اللى عاملها وخلى عينك على عبدالقادر من النهارده وطول الفتره الجايه لأنه هيكون الأفضل فى مصر فى مكانه

ليه الناس ما بتهتمش بالحاجات الحلوه اللى بنعملها عشانهم بكامل إرادتنا ربع إهتمامهم بالحاجات الوحشه اللى بنعملها سهواً أو بالغلط أو من غير قصد ؟