أحبائي من كل مكان أحب أبلغكم إني هكون أجازة طوال الأسبوع الحالي من الأحد ٢/٦ إلى الخميس ٧/٦ . وهكون متاحة معاكم من الأسبوع التالي علطول 👌 تابعوني وإنتظروا مني كل جديد وبإذن الله مش هتأخر عليكم 🤝

شبه مامته ولا باباه؟ 🤩 من أجمل اللحظات اللي بتعدي علينا وعليا أنا شخصيًا في العيادة هي لحظة السونار 5D لما بياخدنا في رحلة لطيفة واستثنائية لعالم الجنين الصغير 👼🔎 بشجع كل أم تقابل جنينها وتاخد خطوة الفحص وتكوّن أول ذكرى حلوة ليها مع البيبي 💕

كل عام وأنتم بخير في هذه الأيام المباركة ، تقبل الله منا ومنكم صالح الأعمال وبارك لنا في يوم عرفة المبارك🕋📿♥️

كل عام وأنتم بخير حبيباتي أتمنى لكم ولأسركم عيد أضحى مبارك، مليء بالسعادة والفرحة. 🐏🕋🤍

مؤمنة جدا في المذاكرة والإطلاع على كل جديد يخص المجال مع مشاركة الخبرات مع زملائنا للتطوير من شغلنا بالذات في المجالات الطبية لان كأطباء بنتعلم كل يوم حاجة جديدة وبتظهر حاجة جديد وحابة أشكر كل اللي شارك معانا في ال event وتابعونا عشان تعرفوا اكتر عن الزملاء اللي شاركوا معانا

نشخص الحالة على أنها إجهاض متكرر فقط لما الإجهاض يحصل مرتين أو اكتر بس بشرط 👇 ✔️لازم يحصلوا ورا بعض . ✔️لازم يحصلوا لنفس الأسباب . لو شرط من الأتنين دول متحققش منقدرش نصنفه أنه إجهاض متكرر . تابعيني عشان تعرفي عن صحتك و سلامتك أكتر 👋

اتسئلت كتير عن كبسولة منع الحمل أو (شريحة الذراع) 💪 عبارة عن قضيب بلاستيك مرن بيكون في حجم عود الكبريت تقريبًا و بنزرعه تحت الجلد في أعلى الذراع ومع أنه يعتبر من وسائل منع الحمل طويلة المفعول ومع ذلك هي مش مناسبة للجميع بعد الفحوصات والكشف نقدر نحدد إذا كانت تنفع ليكى أو لا

الحمل ممكن يستمر لأكثر من ٤٢ أسبوع، خاصةً أول حمل. بنسمي الحالة دي "ولادة متأخرة" وكتير بنحتاج لتحفيز الولادة الطبيعية أو القيصرية لتجنب المخاطر. لو ملتزمة بمواعيد الطبيب، ولادتك هتكون بأمان 🌸. لو عندك أي أسئلة عن الولادة المتأخرة، اتركي تعليق أو رسالة وهرد عليكي 💌.

لو لاحظتي نزيف خارج مواعيد الدورة، دا ممكن يكون: 🌸 إجهاض مبكر. 🌸 موانع الحمل. 🌸 التهابات أو أورام. الفحص ضروري لو لاحظتي دم مش في معاده 🩸🧐. اكشفي واطمني، وأنا في انتظار أسئلتك 💌.

مدام منال صحيت بوجع بطن، ودخلت عيادة بالصدفة تتأكد من دورتها المتأخرة. خرجت شايلة طفلها! متستغربيش، ده حمل خفي من غير أعراض. بعض السيدات بيلقوا نفسهم في الشهور الأخيرة أو معاد الولادة بدون إنذار. تابعي دورتك الشهرية بانتظام مع الطبيبة، خاصة لو اتأخرت لو عندك استفسار توصلي معانا

لو قالولك إن دمك تقيل وانتي حامل، دا طبيعي بسبب ضغط الرحم على الأوردة والجلطات اللي ممكن تظهر في الرجلين 🩸. الأعراض: ▫️ ورم في الرجل. ▫️ ألم مع المشي. ▫️ دفء أو حرارة في منطقة التجلط. ▫️ احمرار بعد الركبة. الجلطة ممكن تأثر على الجنين، فلا تستهوني واتوجهي للفحص فورًا.

لكل بنوتة لسة جديدة في عالم الآنسات 💅 الريل دا دليلك عشان تتطمني على صحة جسمك من لون الدورة الشهرية وتعرفي إمتى تزوري طبيبة النسا وتتفادي تطور أي مشكلة ممكن تحصل قدام 🌸 شاركيه مع أخواتك وصحباتك ولو عندك أي استفسار سيبيه في كومنت أو رسالة 💌

لو هادمة اللذات على وصول، وعاوزة تأجليها، ملكيش غير حبوب منع الحمل. هتتحكم في الهرمونات وتمنع نزول الدورة، وترجع طبيعي بعد التوقف 🩸 لكن تأخيرها ممكن يسبب تقلبات مزاجية وانتفاخ وتقل في الثدي ⚠️ حبوب منع الحمل فعالة، لكن لها ضريبة إرهاق جسدي. لو عندك أي أسئلة، ابعتيلي رسالة 💌.

الصيف بدأ ومعاه موسم الأفراح 🎊 كستات، أوعي تلبسي الكعب العالي وإنتي حامل 👠❌. هيسبب وجع ضهر وتقوس، وممكن يعرضك لخطر السقوط وألم الرجلين 💔. خدي احتياطاتك دايمًا عشان حملك يكمل بأمان حتى في مناسبات الصيف. لو عندك أي أسئلة، ابعتيها في كومنت أو رسالة 💌.

كل عام وأنتم بخير، مع حبي وتقديري، د- منى سعد،

من أكتر الأسئلة اللي بتوصلني هو تربية القطط وتأثيرها على العقم القطط لو واخدة تطعيماتها ومهتمة بيها مش هتأثر على حملك أو فرص حملك الجاية 😸. بس لازم تتجنبي التعامل مع فضلاتها عشان تمنعي الطفيليات من الانتقال ليكي لو عندك مناعة من قبل، حملك بخير استمتعي بوقتك مع القطط وحملك آمن.

لما بتوصلي سن اليأس، بتظهر أعراض بسبب اختلاف الهرمونات. للحل، بنلجأ للهرمونات التعويضية 👌🏻. زي العلاج بالإستروجين أو العلاج المركب ⭕️. لكن لازم تاخدي بالك من الأعراض الجانبية زي الغثيان والصداع ⚠️. العلاج ده مش بيناسب كل الحالات، فاستشيري دكتور متخصص.

عند سن اليأس، بتظهر أعراض بسبب تغير الهرمونات 😢. لحلها، بنلجأ للهرمونات التعويضية 👌🏻، زي الإستروجين أو العلاج المركب ⭕️. لكن، فيه أعراض جانبية زي الغثيان والصداع ⚠️. العلاج ده مش بيناسب كل الحالات، فاستشيري دكتور متخصص. لو حاسة بلخبطة أو عندك أي أسئلة، ابعتيلي رسالة 💌.

قلقانة من التشوهات الخلقية؟ 🙊 فحص السائل الأمنيوسي للجنين يساعد في كشف أي خلل بالكروموسومات مثل متلازمة داون أو تشوهات خلقية 🔸الفحص بسيط ويدوم أقل من 20 دقيقة. 🔸بنسحب 10-20 مل من السائل والجنين يعوضها نفس اليوم. 🔸النتايج بعد أسبوعين. نصيحتي: تابعي الفحص المنتظم لحل أي مشكلة

بتعاني من ألم بسبب جفاف المهبل؟ 👀 الهرمونات، خاصة الاستروجين، مسؤولة عن ترطيب المنطقة الحساسة. مع تقدم العمر، يقل الاستروجين، ويظهر الجفاف بأعراض مثل:🔴 حكة وألم 🔴 تكرار التبول 🔴 عدم الراحة 🔴 نزيف بعد العلاقة الحميمة إذا كنتِ تعاني من هذه الأعراض، استشيري طبيبك للعلاج