Свиткав скочен зглоб и не можам да одам. Свиткав страница од книга која ми истегна некои други стабилизациони лигаменти, и не можам да седам. Да си легнам?

Посакуваната близина со роднините ми е: на свадбите да ме ставаат на масата до wc-то.

Мерка за флексибилност: сè уште можам да си ги приближам стапалата до носот за да ја проверам свежината на чорапите.

Кажи ми суетно, овај, искрено.

Владата купи фрижидери за длабоко за да ги замрзне цените, иако можеше да ги остави на тераса- кога температурите се под 0, велат експертите.

Белешка за себе (откако бев прашан): Не го прашувај човекот што е на одмор кога се враќа. Му најавуваш проблеми што ќе го чекаат?

Ах бе Киплинг: "... најинтересното нешто на светов е да откриеш како соседот доаѓа до леб"

Свет на полни CV-a, а празни животи.

Ги собира исечените нокти од работната маса со полу-свиткана дланка како да собира лебни трошки, и ми вика: Маци, многу сум педантна.

Мислам дека на толку многу различни начини се имам вратено на почеток, што на стартната точка трева веќе не расте.

Да не беше одамна затворен, ќе тврдев дека гулабов што слета на гранката, живее околу МекДоналдс.

"Уште ова ми требаше"- тип на ден. Како оној дополнителен тањир кој ти го оставаат токму во оној миг кога се поттргнуваш мислејќи дека си завршил со миење на сите садови.

Останаа ли шуми и светот во нив за навистина да верувам во "шумско" овошје?

Имам чувство како да сум во ред во кој секогаш некоја кола безобразно се протнува, и џабе ти е зелено светлото кога ти не се поместуваш.

Немам животни мудрости на чинија што веќе не сум ги искористил во некоја роденденска порака, имам некои растителни мудрости, ама и тие ми се прскани.

Да скинеме ружа од дворот на комшијата и да го фрлиме пикавецот таму. Е, тоа мислиме за нештата што не се наши.

И покрај тоа што ја знам шифрата за влез во зграда кај девојка ми, секогаш ми прострујува некое победничко хакерско чувство кога ќе ја погодам.

Ох доколку работевме за себе, сопствениот живот и сопствениот бизнис, така како што работиме за другите.

Студено е, ама ми се шлапка со боси нозе во некое вирче.

Што правиш? Еве, се простаткам. Би сакал да се маткам, но машко сум и немам утерус, само простата.