ياصباح الخير يا منتهى السحر المباح يا نعيمٍ في حياتي .. قطوفه دانيه تصبح الدنيا واهلها على شمس الصباح وانت شوفك صبح ثاني وشمسٍ ثانيه

يقول أحدهم: "نرشد التائهين ولا نعرف كيف نغادر المتاهه" ويقول الشاعر: "أشوف الخطا وأجيه كني عليه أنقاد وأعرف السنع وأدل غيري وأنا غادي"

بيتين تعبر عن الحالة المزاجية: الأرض ضاقت بالبشر وصدورنا قامت تضيق وأنا من أول لو يضيق الوقت في صدري سعه العام لو يضحك صديق العمر جاملنا الصديق "واليوم لو يضحك صديق العمر ما نضحك معه"

"يقول الآباء كلام غير مفهوم ، ثُم تشرحهُ لنا الأيام"

لسان حال الليلة على طريقة النشيرا وهو يقول : "وديّ أضحك من بعد طول المعاتب و التمادي ضحكة اللي يضحك من أدناة حاجة - من حفيده "

من: أتركيني بين الأحلام أنا أحبّ الخيال الخيال أحلى من الواقع الواقع مرير الى: عقلي الي كان يبغي من الواقع هروب تالي الايام يبغي الهروب من الخيال

معشر العشّاق لا نمتوا انا اللّي ينطح الليل بـ جلافه ، و يتجلّا لاتحسبون الهوى لعب و تسلّي لا ادلهمْ الليل بعد الوحده إلّا كل يوم اسامره و اخذ و اخلّي الحنين يزيد والدمع .. يْتدلّا ضيقةٍ في خاطري ضيقة مصلّي طاف له فرضين / ما كبر و صلاّ - بداح بن ذيب

صباح الخير ، اما بعد : "لولا هقوةٍ تشرق علي كل مطلع نور ما حققت من غايات عمري ولا غايه "

يا معايد الأقصى و الأدنا تراني حبيبك اللي ما نسى أنه حبيبك قلبي معك ولا معي قلب ثاني والعيد قرّب وأنت ربي حسيبك كم لي من الحرمان و الفقد أعاني الله يجيب العيد و الله يجيبك - سلطان الحوالي

العيد قرب وأنا جالس ف الغربة وحيد والعين ما تبغى تشوف كثر ماهي فاقده لانفس للفرحه ولا رغبة للثوب الجديد العيد من دون الأهل ماعاد منه فايده العيد مع اهلك يساوي فرحه الف عيد وجنب أحبابك تحس للعيد فرحه زايدة كذاب من قال ان عيده ف الغربة سعيد أسال مجرب عاش بالغربة وعينه شاهده

قال الامام مالك: إذا مدح الرجل نفسه ذهب بهاؤه ويقول رشيد الزلامي: عيب على الرجال مدحه لروحه الرجل يفعل والأجاويد تكفيه

مساء الخير ، اما بعد : زحمة أفكاري ضروري تستثير إحساسي وتقطع حْبال الهدوء، وسجّة المتعايش والله ان العالم — اللي عايشٍ في راسي ازحم من العالم اللي فيه راسي عايش

الحكمة الشهيرة : "رضا الناس غاية لا تدرك" وقال احد الشعراء : "الوجيه الطيبه تعرف الي تبيه ماتدور رضى العالم ولا تركض وراه من يجامل وجيه ويستحي من وجيه راح عمره وهو يمشي بدون اتجاه البس الي يعجبك واكل ماتشتهيه دامك ف طاعة الرحمن عيش الحياه"

يا سيّد الروحات والجيّات والذكريات الحلوه المرّه تبي تعرف معناة جلد الذات؟ شفني .. وانا اعاود الكرّه بيتك مزار الضيق والآهات وعلى الرغم من ذلك .. امرّه مازال وجهك سيّد الاوقات رغم الغياب المرّ .. بالمرّه يمكن تخون الذاكره مرات ومعك انت ماخانت ولا مرّه

اللهم أهلك الظالمين بالظالمين واخرجنا منها سالمين

يجيك من ينشدك نشد التفاتيش يبي يدور هرجتن .. يعتمدها خله يروح مفلتن في يده ريش يقوم منك وحاجته ماوجدها - صقر النصافي رحمه الله

صباح الخير لكل شهم ، ثم لكل انثى جميلة … أما بعد يا أخي : " تجمّل مع العالم وخلك حسين أخلاق جميلك هو اللي لامن أقفيت يبقى لك " وتذكر أن : « ما يجعل الأحرار مثل المماليك —— إلا معاريف الرجال ببعضها » وأنت الثاني تذكر : " كان ماعانك زمانك على رد الجميل الجميل اللي

دكتور بعض القصايد تجذب الانتباه وكلامك الي تقوله ماوعى سامعه فلا يغرّك نفاق وكذب بعض الوشاه شف الكلام الصحيح بـ عيني الدامعه الطالب الي قبالك نادم من خطاه والنفس بـ العفو يادكتورنا طامعه انا اعاني من الحرمان طول الحياه مابي اعاني من الحرمان بـ الجامعه

" ماكل يوم للنـشاما عيد "

يا ليت الزمان يعود بي لأول مشوار قبل لا تقص احداث الأيام تذكرتي وتاخذني الدنيا عن الدار وهل الدار غريبٍ يضج بغصتي همس حنجرتي شعوري شعور التايه المرغم المنهار اعرف اولي لكن اجهل وش اخرتي - عبدالله السراهيد