خلك عزيز النفس لو همومك جبال لاتشتكي للناس من حر مافيك هذا الزمن ياصاحبي كله اهوال يهدي لك البسمه ثم يرجع يبكيك

ماكل رجلٍ لاتضايقت تنصاه ولا كل مزنن بالحياة تستخيله بعض العرب لو يعجبك زين ملقاه تصبر على مر العوز وماتجيله

بعيداً عن ضجيج الوقت والتطويل والتقصير يازين النيّه البيضا - وزين الكلمه الذربه توسّد مجدك اللي في عيونك ياصديقي غير هذا هوّ اللي فعلا يستحقّ انك تفاخربه بوقفة ( صارمين ) الوقفه اللي تِعجز التعبير هنا موقف ( ذهول ) الشاعر اللي وش يعبّربه #سعود_هذال_نجم_الجماهير

آنا احبّك ! فوق مالاأستطيع محبةً - قشرا - تعدّت حدّها امّا ( كرّهني فيك ) بالهجر السريع ولا لحبّيتك - ف خلّك قدّها انا ماحب اللي / متاحً للجميع خذ كلمة الصامل - وعطني ردّها تقدر عن الدنيا تضيّعني واضيع ؟ وابواب قلبك لادخلت تسدّها ؟! #عمر_بن_هذال

زيدي بنورك معْ صباح النور نور انتي ( لصباح السعاده ) كافيه واستنطقي ( حرف المشاعر والشعور حتى يسولف لك بوزن وقافيه لاجيتي مْن الحسن زاهيك الغرور النّاس مع جيّتك - جتها العافيه #عمر_بن_هذال

ودّي ولاادري ويش ودّي .. ولاكن بـ المختصر ودي بـ حاجة جديدة عليك امسي .. ( وارتمي واتماكن ) وعليك اصبّح ..( كل يوم بقصيدة ) #شي_بخاطرك_ودك_يتحقق

ادوّر مكاني ( وارفع الراس ) باستمرار واشوف ( السما ) ونجومه اللي تناديني وسنّدت ( حلمي ) فوق طير الطموح وطار وطاحت قصور الارض - والارض من عيني #عمر_بن_هذال

أضرب على الصعب دايم والسهل خله ما ياخذ السهل . . . غير العـادي الهيّن

الامير اللي بعزمه ( واجه الكايد وحلّه وصارت بلاده لها في كلّ فخر الاولويّه وعلّم الدنيا بانّ طويق ثابت في محلّه ماتحرّكه الهبايب والرياح الموسميّه وردّد الشعب السعودي عاش والله عاش والله عاش - سلمان الحزم والعزم - ومحمّد وليّه #محمد_بن_سلمان #عمر_بن_هذال

الكفو دايم فوق المعالــي يحتلها لاجيت ترقى مكانه ماتحصـل طريق تجف الأقلام فـي مدح الكفو كلها وكـل قصايد المدح في جنابه تليق .🤍

الخوه الي ماتعزك وترفعك بعها بقايم سوقها ولا تمالي و الخوه اليي تحتمي لك وتمنعك ارخص لها دمك ولو كان غاليي

#بني_خالد

الصاحب اللي وراه فـلوس لو هو ردي تكــثر اصـحابه مافــيه نخــوه ولا ناموس لــكــن الأمـــوال جـذابـه محيسن القوس

يابنت أنا ماني حلو بـ الحلا حيل ولاني بعد شين ٍ يعفس هدومه بعض الحلا ماسر حتى الرياجيل بـ العكس خلا في بعضهم نعومه

رفيقك الغالي الى غاب له مده لا تحرجه وانت ما تدري عن احواله يمكن ظروف الزمن لـ الغيبه تحده ويفضل انه يصد بـ همه لـ حاله يا صاح ما كل غيبه تعتبر صده لاعاد تشره على من راح في فاله

حنا بدونك , يا عظيمه مساكين كل ما كبرتي عمر " يكبر مكانك " يا امي يدينك لا تحسبينها يدين هي العطاء هي الدعاء هي حنانك وشلون ما نرضيك وانتي تخبرين " إن الله بيرضى علينا عشانك ".

خاو الخوي اللي عن الناس يغنيك خـوة وفـا ماهـي بخـوة وناسـه اللي على عسر المواقف يـصافيك لـشافك ضايقـن ماصد عنك براسه

محتاج لي قلبين مع قلة احساس عشان احقق مابقى من امنياتي قلب اتحمل فيه صدمات الناس وقلب اكمل فيه باقي حياتي