اعوذ بالله من قرب الحقود الحسود اللي ماوده على الدنيا معافى سواه مايطهرالقلب الاسود لو تحج اليهود ثعبـان ســمـه بنـابه يقطع الله نماه بندر الهبداني

لـواهـني اللي اليـامن غفـى نام ولا حال له عن هاني النوم حايل وانا عيـوني لـه عـن النـوم لطـام تـقـزيـه عـن نومـه هـموماً ثقـايل بندر الهبداني

والله ان الـطيـبـه نعـتـبرهـا راس مال والـرديه ماعـطيـنا حـجـم لصـحـابها ولا جهلنا قدر الاصحاب وعزاز الرجال يالحــــــروف اللي ظلمها بعض كتابها بندر الهبداني

الصاحب اللي كثيراتن مشاريهه اكيـد يفـقـد مـعـزة مـن يعـزونه سدد وقارب حسب وقتك وتوجيهه ولاتراقب الناس ويش اللي يسوونه بندر الهبداني

ياراس مال الغلا وأصدق شعور الغرام وأجمل مراحل حياتي في تفـاصيلها فيك اجد الحب كله والرضاء والسلام ياســلســبيل الـحـيــاه ويا قـنـاديلها بندر الهبداني

مـابيـن يمكـن وتقريـبـاً وحـول الكـلام راحت ظنون العرب والواقفين اجلسوا الوقت متعب ووضع الناس ماهو تمام ياغـافليـن العـوافي مـاتـدوم احـتسوا بندر الهبداني

أقدر الطيب وعزه وداريه وحفظ الجمايل مثل حفظ الوداعه الطيب ماله غير طيبً يجازيه والعمر يفنى والفعايل قناعه بندر الهبداني

أسوق عجلاّت الخطاوي على الدرب ولادري وش اللــي بطــريق انتظـرنا الـقـرب لله والبـشــر مـالـهـا قـــرب والـيـا أتكـلنــا بالـولـي مـاخـســرنا بندر الهبداني

#يوم_Iلجمعه يارب  ياهادي  البنادم👈🏼ليا ظل ومنجيه من كثر الفتن والمعاصي ظروفي اللي مالها  عندهم حل..! عندك لها  مليون  حل  وخلاصي  #شمس_العنزي #مجموعة_سوانح_ادبيه_عربيه

ياخذني التفكير يابو مشاري إلين يقلع ياسنافي مدايه الله من لليلاً قضيته طواري ودوامـة التفكــير ماله نهايه بندر الهبداني

مساجله بيني وبين عبدالمجيد الهبداني

#بوح_المشاعر اتسلا ب الاماني  تسلاي  السجين  واعدينه لاقبل العيد يشمله العفو راحت الايام والعيد وهو عاده سجين لاتنازل طالب الدين ……ولاجاله عفو #شمس_العنزي #مجموعة_سوانح_ادبيه_عربيه

ذكريات الراحلين أشد من فرقاهم بيت للمري شهير ودايم أغنيبه …. أحسبني ناسي ن همي واثرني واهم أحيته خطوه على الاطلال بعد الغيبه يالله أنك تجعل الفردوس هي مثواهم ويالله أرزقهم شفاعة من سكن في طيبه ماجد ساكر الهبداني

مابين مستقبلين وبين متوادعين آمنت بن الحياة ان جمعت فرقت

يسعد الله صباحك يسعد الله مساك و الله أن طلتك تبعث بقلبي سرور أنت بعيوني الثنتين مثل الملاك يوم غيرك اشوفه في عيوني عبور بندر الهبداني

مرت بسرعه وراحت واخذت قلبي وهدتني الجرح عسى الله يسامحها بندر الهبداني

لليل السهر ومنادمة طاري الشوق تهد حيل الشخـص لو كان صابر وانا والذي ماقلت لناس منطوق بيني وبيني حيلتي !!! بالمكابر ماغير اغني كل ماضقت طاروق لـعـل مـني ماتضيــق المحابر ياملهمة فكري وياعز مخلوق العشق ودى العاشقين المقابر بندر الهبداني

ياداليـه لاتـزعـليـن وتضـيقـين انا أنثني دونك عن الضيق كله حرام ماغلا منك والناس حيين غـير الـذي في حبـها نعبد الله بندر الهبداني