الطيّب اربوعه تحب علومه الي تجمّلهم معا لجناب والجادل الطرقا تحب اقدومه وتقول اربه جايني خطاب

من لا قدح من مخة الراس شاره ما تنخطب بنته ولا توخذ ارياه ومن لا رفـت يمناه زلـّة يساره تصبح يمينه قدرها مثل يسـراه

مسامحك والطيب مني و فيني واعاملك واعامل الناس بالطيب اقدر اقول الفرق بينك وبيني والا بلاش اقولها خابرك ذيب

ظروف الليالي خلها بين ضرس وناب وخل المثل عندك يادنيا من انتي له تجمل مع الاجناب وكسب غلا لاصحاب وحياةً بدون الطيب بالله وشهي له

نسوق الجمايل راهيه والنفوس عزاز يدينا دمار اللي يجئ في مخابينا كرامة ضيوف وفي قضى حاجة المعتاز هذا سلمنا اللي نفتخر به و يرضينا

ياليت لصحبه عقود كنه عقود الزواج الي شروطه في كتاب الله علينا صارمه والله يابعض اصدقاي وطيبها حسب المزاج اني لطلقها طلاق بالثلاث الحارمه

ليت العمر يفدا ، وافدي بروحي مواطيك !! (رحمك الله يالغالي ) .

اتضايق من معرفة قليلين الوفوق ليت ربي ماقسمها وﻻ الله رادها ليتها سلعه وليت البخت دﻻل سوق كان يمدينا نعارض على استيرادها

الطيب ماهو بالمواتر والهدوم الطيب باخلاق البشر وافعالها يالله عسى عز المظاهر مايدوم اللي تخدع اهل الوفا باشكالها

نعيش بـ نعيم الصبر لولاه كان علوم عسى الله يزيد الصبر ويجمل الصابر وانا والله اني داريٍ فالصدورهموم ولا كل عظمٍ لانكسر يجبره جابر

​​كلن يحب ​ﺎلجود ويدور ​ﺎلطيب ​ﯙتبقى ​ﺎلجمايل حظ منهو قدرها يلي تقول ​ﺎني زبون ​ﺎلمواججيب ​أفعل ​ﯙتكفيك ​ﺎلطروش بخخبرها

المراجل كايده والطيب كايد مايطول خطامها غير المردد صامل الهقوات كسّاب العوايد وافيٍ من طيب راسه ماتردد

ممشى مع سودً هوى خـاطري ومناه من اطيب فحول البدو بالاصل منتوبه جلال العظام الفجح مربوعة الجمهاه سناد الغوارب جرد الارقاب مسلوبه

إبشر أني عند ظنك وترقى بي سنود في لزومك محزمن دايرن مايرتخي ألرفيق اللي ليا طالت الطرقه يزود والله أن أجزاه بالطيب واعده أخي

يقولون وش لك من ورى ذبت المشراف وانا اقـول جـعل اللي بـلا القلب يبلاهـم لا طرف نهاري وانحت الشمس للمهياف يـجـيـني عذابٍ مادرو به ولاجاهم

آتجآهل كل وجعة تجيني . . و آستميت لين قمت آمشي شمال وآنآ شفي جنوب لكن آعرف يآزمن و أدر كآنك مآدريت روسنآ من عزة آلنفس مآ تعرف تتوب

مشينا على درب المعزه ونهج العود وفي ”مدرسـة شيخ المراجل تعلمنا“ عسى الله يبعدنا عن العيب والمنقود وعسى الله في عيون النشاما يجملنا

انا ربعي اللي يوم عاد المهار اتغير لا غاروا على غزايز القوم قشّوها تراقبهم عيون الذيابه ..وعين الطير تعرف انهم اليا ركبوا الخيل عشّوها