كل يوم اصارع لعينك ظروف الحياة اما آن لهذه المعركة ان تنحسم ؟

فاقد اللي زود بعده مانقّص من غلاه من يبشّرني بـ شوفه ويبشر بـ سعده

اعذّل على نفسي واقول الفرج قدام وأردد مصير الحي بالحي متلاقي لو اني من التفكير والهم والأوهام ماعاد اقدر اوقف واتحمل على ساقي ياحلم الحياه انا بدونك بدون احلام ياويلك من الله كيف تصبر على فراقي؟

على كل حال البارحه مرّني طاريك تطرّق لك اللي شيب القاف والطاروق ونشدني وقلت ان المعاريف تثمر فيك مثل من يداري بالخفا جيبه المشقوق .

الحمدلله صرت متعوّد ، على كل الظروف لو كان نفسي في بعض الأحيان تتبع غيّها حتى الحياه إللي من أول كنت الحّقها حسوف ما عاد أفكر لا فـ واجدها ، ولا فـ شويّها سلمي مع ظروف الليالي مثل سلمي للضيوف لا جاتني صكات بقعا قلت يالله حيّها :)

على كل كسرة خاطر و كل جرح شعور تمونين .. و قلوب المحبين " دمّاحه "

مرخصٍ لك باقي العمر ( رغبه و اقتناع )

لو عرفت ان مُنتهى السعي لـ أحلامي ضياع ما تركت العُمر يذبل عشان اوصل لها

حتى المديح اللي يجيني من الغير ماهو مثل إطرائك .. اللي أحبه

ما الله كتب لي فيك حظ ولا نصيب الواقع أصدق .. من يا ليت ، وربما حتى لو إن إحساس قلبي ما يخيب سفك الشعور أشد من سفك الدما والغيمة إللي تاخذ شوي .. وتغيب ما تغري الأ ! الميتين ، من الظما أحيان .. حتى إللي تحس إنه قريب يمكن يكون أبعد عليك من السما

"تعالي، الله لا يبيّض وجه دورات السنين مسليات البال من بعدك ما هيب مسلّية ما همّني كثرة تراحيب اللسان ولا اليدين أهم شيء إن العيون مرحّبة ومهلّية"

"والله أنك حلم عمر وراس مال وما اتمنى وأنك أغلى من خلقه الله على وجه البسيطه"

لآخر رمق متماسك الحبل الوثيق لين صارت معظم أحلامي .. ورق كل الكلام اللي أقوله ؟ ما يليق ! دام السكوت اللي أشيله ما فَرَق الأرض ملّت جهد .. ما عادت تطيق والناس تندا الناس ما تندا عَرَق من البحر ؟ دايم ينجّون الغريق المشكلة باللي على الأرض وغَرَق !

وش استفدت من النباهه ، يانبيه يومياً الفرصة تمرّك .. وتعبببببرر ولا لقيت لحالتك .. عذراً وجيه ! الا انّك تحب التحلّي .. بالصبر تاخذ من امثلة الزمان ، اللي تبيه وتخلي الباقي ، وهي فيها عبر ! ترى التجاعيد اللي تطلع فالوجيه هذا حزن ياصاحبي .. ماهو كبر !

اللي منعني لـ اجي واقرا تفاصيلك إحساسي أني أشوفك من بعيد أجمل

البعيد اللي لا زلت اعدّه من أقرابي فاقده فقد الضمير الحي لأطمئنانه يا موقفني بعد فرقاك على اعصابي ما يزيد الحب غير محاولة نسيانه جرحك الآخير ينعَم في كنَف ترحابي ما تقول الا آخر العنقود بين أخوانه صرت ادوّر في جروحك مايثير اعجابي الخطا في عيني أهون من فراغ الخانه.

يوم فضّلت انعزالي .. على كل اجتماع استرحت .. وصارت الراحة ألزم ماعلي

يامرتبط في كل جرح من الجروح مثل ارتباط الحزن فالصوت الشجي قد انتهى الحلم وقد اغتيل الطموح وانا ماجيت امدح ولاجيت اهجي حتى لو تشوف التفاصيل بوضوح لاتكبر الرجوى بعين المرتجي من كثر مااتعبني شعور انك تروح ما عاد يسعدني شعور انك تجي

وش اللي تخافه وانت طيرٍ بيدّك تطير تمهّل علي في خطوّتك لا تعاقبني لو تصد بعيونك يا وجه الرضى والخير عيونك تصد وقلبك اللي يراقبني

اعرف مزاجك كل ماصرت زعلان من اختيارك للصور و الاغاني احيان احس انك اناني واحيان اتأكد انك كل الاحيان اناني لاتنتظر مني عذر وانت غلطان كثر التمني .. ما يجيب الاماني بروح لا آسف ولاني بندمان بعض الأسف غلطه على شكل ثاني ما افكّر اغيّر بنفسي على شان إنسان ما غيّر بنفسه عشاني