مافيش اصعب من جلد الذات يلي حيجيك ثاني يوم العيد ("

وحده من الأمور يلي تزيد من غروري وهو أن أطفال العيلة كلهم يحبوني ويبتسموا كل مايشوفوني.

عموماً أحد أحلامي نوصل لمرحلة من الرضى واليقين،لدرجة أي ابتلاء وحزن معاش يأثر فيا …

مفروض نقرا ونسهر لكن مرهقه ولازم نرقد ،وفي نفس الوقت مضايقه ان اليوم ضاع

مانحبش الناس يلي تحطنا في وضع الاحتمالات.

اللون والتناسق ووواووو🤎🤎🤎🤎🤎🤎🤎

نستنى في شيء معين لكن مش عارفة شنو هو !!

نحس اي حاجه نحبها فجأة تبدأ تريند ويبدأ عليها زحمه،المشكله فيا الباين !

مش ديما الشخص الكويس لازم يكون معاك كويس للنهاية .

عموماً احياناً الجهل افضل من المعرفة،لان مرات تعرف امور وتكتشف حاجات مفروض كنت ماعرفتهاش

في نوع من الغرور والتكبر يصيب الانسان وهو أنه يشوف نفسه الأفضل ويزكي نفسه عن الغلط وأن مستحيل يغلط ،ولكن مايعرفش أن النفس ضعيفه اكثر ممن يتصور ،وربما تكون أحد انواع الابتلاء هو عدم سيطرتك عليها…بطريقة او بغلط ماكنتش تتوقع أنك حتى اتطيح فيه .

أني لما نحب حد ندعيله بـ"ربي يفتح عليك دنيا وأخره "🤍

الجــاحد،البياع،يلي ينسى بسرعة الفضل يلي تقدم ليه في يوم ،يلي سهل جداً ينسى المواقف ويتعامل معها كأنها شيء لم يكن،يركز على الأمور يلي تصب في صالحه مش أكثر .

عموماً من المواقف يلي نحطيت فيها المده الفاتت هو اني قعدت نبرر في أفعالي لأشخاص ماتستاهلش،السؤال لو انتِ مش مصدقتني من البدايه هل حتصدقِ لو بررت؟اكيد لا ،لان رد الفعل اختيار هو اختار انه يحطك في منطقة المعارضة المطلقة لكل شيء…

وحدة من الأمور المستفزة الأنسان عديم الشخصية والكرامة.

الريلز يلي يتطلع قدامك فجأة ويكون عشوائي من ملاين الريلزات ويكون عن شيء يهمك او تفكر فيه ،يعتبر "إشارة" اسمعه كويس لان يمكن يكون سبب في قرار مصيري .

مش عارفه علاش البدخ متع الهدايا يلي نشوف فيه في محلات التغليف نحس فيه مش مريح للعين ومايعجبش فيا .

كيف تكون دكتور تجميل في ليبيا : -أقرا أسنان . -نزل حالاتك سناب وعدل صورهم بفلتر باش تبان نظاره البشرة. -حط مواعيدك وان بالحجز باش يبان ان عليك زحمه. -وفي كل مره تكلم عن فوائد الماء البارد للبشره .

نكره نوع المزاجية يلي يجيني فجأة ويخليني نكره كل شيء ومضايقه من كل شيء ومانلقاش شيء يسعدني وقتها مهما دورت .

لاشيء غير اتذكرت اني لما كنت صغيره مشيه على فصلي كامل كذبه أن عندي قوة خارقة وهما لا ،وكانوا مصدقين 😆.