انا ياوليفي من غرامك نويت اتوب جميع القصايد قلتها فيك بامحيها مادامك شمال الدار باروح للجنوب وباعيش في دنياي واشوف تاليها

الطيب خير امن الردا والله يعين الله يعين اهل الوفا والجمايل يوم الردي يعيش عيشه مساكين عزمه ظعيف ودايم الشد مايل

الاجواد ماتبخل على الظيف والقصير يقومون بالواجب ولو قل مدو به والانذال ماتعطي ولو مالهم كثير ايلا جاهم المحتاج عيو وشحو به

عليك قلبي بين الا ضلاع خفاق مثل العلم يكفخ في راس الحديده لا تجرحين القلب والقلب مشتاق لولا غلاكم ما كتبت القصيده

لا تشغل الناس خل الناس مرتاحه الناس تشكي وتبغي من يريحها سود النوايا ترا لايام فضاحه والناس تسعا وتتعب في مصالحها

راحت سوات الحي لافارق الميت ثم اختفت مثل السراب الكذوبي معاد ينفعني البكا لو ونيت اهموم بقعا جات من كل صوبي

ويازوع قلبي زوع طيرن على ملواح يتل السبوق وراح يومي ابجنحانه تخالفت انا ويا زماني وقتي راح تغير علي الوقت شكله وعنوانه

قلب العنا كنه على حامي الصاج من واحدن غلاه بين الضلوعي يا صاحبي بعدك لنا سبب احراج معاد ينفع لو نثرت الد موعي

البارحه بالليل ما زان نومي مع هجعت العربان جاني هواجيس يلعب بي الهاجوس ليلي ويومي والقلب يكفخ مثل كفخ القرانيس

وياليت ربي ماقسم جيتي للدار ولا شفت باقي دارهم فوقها السافي تصافق همومي ياعرب والفكر محتار تذكرت وقتن فات والدمع ذرافي

ياهل الذيدان شدو للجنوبي لاتردون العشاير من سنعها خلها تقطع مع ذيك الدروبي والحلال اللي سبقكم قد قطعها

من يفعل المعروف يلقاه قدام يوم الردي دايم علومه رديه الفعل والتاريخ يكتب بلا اقلام تفخر به العربان صبح وعشيه

إلى ضاق بالي قلت باروح لي مشوار افجوج الديار الخاليه يشرح البالي مانجلس معا المبغض ولا خاوي الغدار احاول اخفف ما بصدري وانا الحالي

حفظ صلاتك وترك القال والقيل ولا تجالس كل راعي نميمه كثرالحكي فاضي ولابه محاصيل عليك بتقوى وقو العزيمه

لاقلت بنسا قام خالد يغني وخالد وفنه له ضحايا كثيره وانا وليفي قاطع الوصل مني قفا وخلاني جروحي خطيره

الله من قلبن همومه تلوفه لوف الرياح اللي تلوف الغصوني كلن من الدنيا شكا من ظروفه غصبن على صكاتها يصبروني

البصاطه كلها خير في مجرا الحياه والتصنع يتعب النفس ويجيب الندم من يعاندجور لايام تقصرله اخطاه ومن تجاهل درس دنياه يبطي مافهم

ليتني ماجيت داره ولاشفت الرسوم هل دمعي واتذكر اسنينن ماضيه ياوجودي بري حالي على بعض العلوم يوم انا مرتاح والنفس دايم راضيه

قلبي عقب فرقاك طيرن بلاريش معاد يقدر فزته ما يقومي وهل الهوا والحب مثل الدراويش راعيه تايه ما يعرف السلومي

طيبك معا لانذال ضايع ومفقود وطيب معا لاجواد ماهو يضيعي ومرافق الانذل نقصن بلا زود وهل الوفا اللي يخدمون الجميعي