الوزير جبران باسيل بعَت مع خالي مرافق الجنرال ميشال عون ، رسالة لميقاتي كاتِب فيها : إذا مفَكّر تضحك على عمي لأنه كبير بالعمر ، بتكون غلطان كتير ،، عمّي ما بياخد قرار إلا بعد ما ياخد موافقتي قبل ،، #جبران_باسيل 💪🧡

خوفاً على الوطن ، قررنا بالتيار يا فخامة الرئيس ما نخَلّيك تترك قصر بعبدا حتى لو اضطرينا نربطك بالحبل متل الحمار ونغلق باب مكتبك عليك ،، سامحنا يا جنرال ، نحنا ما منِقدر نسَلّم البلد لقرطة فاسدين باعوه بالماضي ومستعدين يبيعوه اليوم وبكرا

الدولار ب٣٥ الف ليرة ولبنان بلا حكومة وبلا كهربا وبلا بنزين وبلا اتصالات ، وموسم دراسي مهدد ، وتلتين موظفين الدولة مأضربين ، والعالم عم تخاطر وتهاجر بالبحر هرباً من الجوع ،،، الناس ناسيين كل هالمصايب ولاحقين الوزير جبران باسيل لأنه عم يعمل سياحة بمناكو 🤦‍♂️

مال دوَل وأقلام مأجورة حاولوا يكسروك كرمال تبيع مبادئك وتخون وطنك ، وما بيعرفوا إنك كلب بالوفاء لا بتخون ولا بتبيع ،، نعم انت كلب ولو ما كنت كلب ، ما كنا بقينا معك #منفتخر_فيك 🧡

تحرّياتنا بالتيار بتقول إنه #جوزيف_أبو_فاضل رح يوصل الأربعاء بالليل إلى مطار بيروت ، بعد ما أمضى ١٠ ايام بتركيا وقد قام بعملية زرَع شعرو في أحدث مراكز التجميل في اسطنبول ،، نحنا بلا شعر ما كنا مهَديينوا ، كيف مع شعر 🤦‍♂️

لما قلت انه #جوزيف_أبو_فاضل بتركيا ونحنا بالتيار مراقبين كل تحركاته ، صاروا يضحكوا عليي ،،

ترحّموا على الوطن وإبكوا كتير عليه ، لمّا نشوف شباب بعمر الورد وكبار بالعمر ونساء وأطفال عم يهاجروا بالبحر هرباً من الجوع عبر قوارب غير آمنه ويمكن يغرَقوا ويموتوا وتاكل أجسامهم السمك #الوطن_صار_جهنّم

فخامة الرئيس عوّدتنا نحكي الصراحة ولإني بحبك بدي قلّك هالكلمتين : إجري فيك شو حمار لأنك قبلت تعمل رئيس جمهورية ،، كنت أسد بالرابية وكان تلتين الشعب معك ، اليوم رح تخرج من قصر بعبدا متل الجحش الأعرج وكل الشعب ضدك ، يا ريتك ما عملت رئيس جمهورية يا غالي وبقيت الجنرال العنيد #سامحني

جدي كان حلمو بالحياة يصير معه مليار ليرة ،، بفضل عهد فخامة الرئيس ميشال عون ، اليوم جدي صرّف ٣٠ ألف $ اللي كانوا معه ، وطلعوا مليار وخمسين مليون ليرة ،، جدي طاير من الفرحة وعم يدعي للجنرال بطولة العمر وخاصة انه ال ٣٠ ألف $ كانوا يطلعوا ٤٥ مليون ليرة فقط قبل عهد الجنرال عون 🧡

شخص من التيار الوطني الحر لقَطوا معه على المطار فرّامة حشيشة جايبها معه من برا للإستعمال الشخصي ،،، تدخّل الوزير جبران باسيل وأطلق سراحو كرمال ما ينحبِس ظلم ،، ما بعرف ليه هلقد فايعين ،، شيلوا الحقد من قلوبكم كرمال ما تموتوا بجلطة !!!

رفقاتي بالتيار معَصبين انه كيف عنصر بالأمن العام بِوَقّف منصور فاضل حتى لو كان معه فرّامة مخدرات ، ومعتبرين هالشي تحدّي للجنرال ميشال عون ،،، يا إخوان أنا تأكدت من خالي مرافق فخامة الرئيس انه عنصر الأمن ما كان بيعرف مين منصور فاضل بالأساس وإنه قيادي بالتيار #إقتضى_التوضيح

رفقاتي بالتيار الوطني الحر لازم كلنا ننزل على الشارع كرمال نضغط على القضاء حتى يفرجوا عن #بدري_ضاهر وإلا رايحين على كارثة ،،، بدري ضاهر عم يهدد انه اذا ما طلع من السجن ، بدّو يوَرّط معه فخامة الرئيس ميشال عون وبدو يعترف بشغلات كبيرة

من كم سنة تم توقيف فايز كرم بعد ما اعترف انه عميل إسرائيلي ، وبأقل من سنة تم الإفراج عنه بضغط من فخامة الرئيس ،، اليوم بدري ضاهر بعده موقوف والجنرال ما عم يقدر يطَلعو لأنه العهد صار بنهايتو ، لهيك بتمنى كلنا بالتيار نعمل ضغط حتى يتم الإفراج عن بدري ضاهر #اطلقوا_سراح_بدري_ضاهر

الوزير الغالي #جبران_باسيل اليوم حكي من وجعو ، لأنه اشتغل متل الجحش كرمال يجيب الكهربا ، وما خلّوه ،، كان حلمو يعمل رئيس جمهورية حتى يكَمّل إنجازات الجنرال ، وما رح يخلّوه ،، جبران باسيل مجروح لأنه عنده شعور إنه صار متل الكلب البوليسي اللي تخَلّت عنه الدولة ورَموه على المزابل 😭

مصدَر عن حركة أمل : ما بدنا نرد على خطاب العهد اللي ما سمعناه أصلاً ، لأنه الضرب بالميّت حرام وإكرام الميّت دفنو ،، عمى ما أخبثهم طلعوا جماعة الحركة #الله_لا_يسامحكم

This video is of the Rapist of the little girl at the beach resort in Lebanon a few days ago. In broad daylight he entered without being questioned, preyed on his victim & left unbothered. Share the video on all your social media!!! Lets find that criminal!!!!

من يومين تم اغتصاب بنت عمرها ١٠ سنين بفندق ،، اليوم ماتت بنت عمرها ١٤ سنة من جراء إطلاق نار ،، كمان اليوم مات زلمي وانجرَح ابنه بطعنة سكينة ،، وطبعا ما فيه مطرح هون حتى اذكر كتير شغلات ،، وبتسألوا ليه العالم عم تهاجر ،، قسم عم يهاجر بسبب الجوع ، وقسم عم يهاجر بسبب انعدام الأمن

الغالي سابقاً زياد الأسود عم يعمل بلوكات لكل أبناء التيار الوطني الحر وأنا واحد منهم ،، تفه على شرفك يا وسخ

خرباني الدنيا عنا بالتيار بعد قرار فصل زياد الأسود من التيار ، قيادات ورفاق كتار من التيار عم يهددوا بالإستقالة اذا ما بيعتذر الوزير جبران باسيل من #زياد_الأسود وبيرجع عن قرار إقالتو ،، رفاقي بالتيار بليز ما بدنا ننشر غسيلنا على التويتر كرمال ما يشمتوا فينا 💪

زياد الأسود رافع دعاوى على الإستاذ أمل بو زيد وعم يتهمو بالوثائق انه عم يشتري الدولار من السوق وعم يبيعو لرياض سلامة ، وعم يقول انه ملايين الدولارات سرقهن عبر شركة ال Omt ،، فيه كم غبي بالتيار عم يزَقّف للواطي زياد الأسود وناسيين انه أمل بو زيد مستشار فخامة الرئيس وإيدو اليمين