Ū lâng kóng, "góa nā óng-seng, góa hi-bāng sio chhut-lâi ê, sī 1lia̍p pāng-kiû." Ū 1chân tāi-chì, ē-tàng hō͘ lâng iōng chīn sim-sîn khùi-la̍t, ūi i siⁿ ūi i sí, sī chiâⁿ hēng-hok ê tāi-chì. M̄-koh chit khoán tāi-chì mā tiāⁿ-tiāⁿ sī chhi-chhám-lo̍k-phek ê goân-thâu. 🙄

Súi bó͘ teh khoán hêng-lí, beh hām i ko-tiong tông-chhong khì Tâi-tang. Ná khoán ná kóng in hit-sî chheng-chhun siáu-liân ê tāi-chì. Ta̍p-ta̍p-tih-tih, hôe-sióng khí-lâi chiâⁿ sim-sek chiok un-loán. M̄-koh che hoān-sè sī chòe-āu ê lú-têng, 1ê tông-o̍h gâm í-keng thòaⁿ khui. 😔

Tōa-lâu teh phó͘-tō͘, chhah tī kióng-phín ê hiuⁿ it-ti̍t hoa khì. Chèng-lâng chhi-chhi chhu-chhu gī-lūn hun-hun, kóng sī bô sêng-sim, iáu-sī kiong-phín bô chhe-chhau, hó-hiaⁿ-tī-á bô hoaⁿ-hí. Āu-lâi chú-úi chhut--lâi kóng, chit sok hiuⁿ 4nî chêng bé ê, ū hō͘ hō͘ lân tio̍h.

Koh chiâⁿ-si̍t ū lâng kā kau-pó tòng-chòe bô-chōe. Thâu-seng kám-kak kî-koài, siūⁿ siūⁿ leh góa ka-kī bô chhut siā-hōe chìn-chêng, mā bô liáu-kái. Lán ê kok-bîn kàu-io̍k ke kóa chit khoán hiān-tāi siā-hōe siông-sek, pí tha̍k kó͘-chá lâng bô-leng-ké-pīⁿ-kiáⁿ khah si̍t-chè.

Gí-giân tio̍h ài ē-tàng iōng-lâi seng-oa̍h kap ha̍k-sip. Chit kúi kang siūⁿ beh chhōe finite element method lâi liū. Ná bô-ài thak tiong-bûn chheh, to̍h kan-na ē-sái khì pō͘ goân-bûn-chheh, khòaⁿ kah thâu-khak 1lia̍p 2lia̍p tōa. 😅

E-po͘ kiâⁿ-kòe ê chng-thâu TōaThâm chúi-khut-á TiongChiu chúi-lâu tiong-ng ê soa-chiu TōaÔ͘ ô͘ hām thâm m̄-chai án-chóaⁿ pun Ô͘Lāi kui-ê chìm tī chúi lih Chit kak-sì tī bó͘ 1ê sî-tāi, it-tēng chúi chiok chōe. 🧐

Lâng nā siūⁿ beh hām lí chia̍h-pn̄g, kiâm sng khó͘ siap i choân ài chia̍h. Lâng nā siūⁿ beh kiau lí chhut--lâi, thàu-hong lo̍h-hō͘ i lóng ū êng.

Pit-kì show me what you got ē hông kàn lóng lâi

A-má ê chhiú lih, bí-àng bōe-sái khang. 2,3 lé-pài, bí-ká to̍h ē chhia 3,5 cha̍p kun lâi. I nā khòaⁿ tio̍h in sun, bí 1 piàn bóe 1 khok 4 niú, eng-kai ē chiok kan-khó͘. 😁

Tông-sū chá-khí chhéng-ká khì Chiong-hòa bóe nn̄g-jîn-so͘. Tiong-tàu ji̍p--lâi kong-si, kóng in khan-ê, tńg--lâi ê lō͘ lih to̍h chia̍h 4lia̍p. Kā mn̄g khòaⁿ, kam hó-chiah. I chiok ai-oàn kóng, bô i ê hūn, chia̍h bô pòaⁿ lia̍p. 🤣

Kok-hāu ê tông-o̍h ē chhàu-tōaⁿ kóng, in lāu-pē tī thoân-koán-khu su-lēng-pō͘ siōng-pan, thoân-koán-khu tú-tio̍h thian-chai tē-piàn, á-sī chiàn-cheng ê sî-chūn, ē chiap-koán koān-chhī chèng-hú. Chit-má m̄-chai koh ū thoân-koán-khu bô, kam iah ū châi-tiāu hoat-lo̍h khang-khì.

Cha-po͘ tōa kah jī gō͘, cha-bó͘ tōa kah tōa tō͘. Kó͘-lē lâng ê ōe nā-niā, cha̍p-chhit poeh hòe to̍h chha-put-to ah. 😆

Tek-lâm, Āu-lâng, Thong-siau, Oán-lí, Biâu-le̍k khò hái 4 hiong-tìn, kap ǹg pak chiap Sin-tek-chhī, sī kóng Tâi-gí ê só͘-chāi. Kî-tha chhun ê lóng kheh-chng. A-má ê gōa-ke tī Āu-lâng, sòe-hàn tiāⁿ tī Āu-lâng-khe sńg, hî chōe chúi chheng tiū-sūi pá-tīⁿ, chiaⁿ siàu-liām.

Bêng-bêng bô-lō͘-ēng ê mi̍h-kiāⁿ, bô pháiⁿ bô ēng kòe to̍h beh hìⁿ-sak, ē kám-kak chiaⁿ thó-chè, ná-chhiūⁿ teh choh siáⁿ-mih phái tāi-chì. 😅

Kok-Chhiong-á tī chi̍t-kóa siàu-liân-ê tiong-kan, chiâⁿ-si̍t ū hong-siaⁿ kap tē-ūi. In kang-chok siōng hông mē hông áu-bân, to̍h ē siūⁿ beh chhōe i tâu. Chêng 1chān á, chiah jiáu in chú-koán tiàu-seng, au in sàng Apple Watch.

Se̍k ki chia̍h chheⁿ ki Kín ki chia̍h bān ki Nā se̍k tú se̍k, chia̍h tì-sek. Àm-thâu-á khòaⁿ ê, pòaⁿ-mî to̍h siūⁿ bōe khí-lâi. Kín koh tńg--khì têng thiaⁿ, siá lo̍h--lâi.

Piⁿ-á choan-bûn bōe ti-kha-pn̄g khòng-bah-pn̄g ê piān-tong tiàm, chhut kò-sī kóng, peng-siuⁿ ê ti-bah tòng bô nn̄g kang, koh-lâi ōaⁿ chú ló͘ koe-thúi. 🍗🍖

Kā in beh ài ê lâng sak khí-khì tóng-chú-se̍k liáu-āu, hia--ê AI YT kháu-chō, chit nn̄g kang kán-ná choán teh chhiàng-soe TSM, m̄-sī bí-kok beh kui óaⁿ phâng-khì, bô-tio̍h kóng Intel Samsung í-keng tī lín kha-chhng-āu, liâm-mi to̍h kā lín jiok-kòe.